Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 15:1-19

15  Ua iai le agaga+ o le Atua iā Asaraia le atalii o Oteta.+  Ona ia alu atu lea i luma o Asa ma faapea atu iā te ia: “Asa e, ma Iuta uma, ma Peniamina, inā faalogo mai ia iā te aʻu! E ʻau Ieova ma outou pe afai tou te ʻau ma ia;+ afai foʻi e tou te saʻili+ atu iā te ia, o le a outou maua o ia, ae afai e tou te tuua o ia, o le a ia tuua foʻi outou.+  E tele aso sa aunoa ai Isaraelu+ ma le Atua moni, sa leai foʻi se ositaulaga e aʻoaʻo+ atu ma sa aunoa foʻi ma le Tulafono.  Ae ina ua oo puapuaga+ iā i latou, ona latou toe foʻi atu lea iā Ieova le Atua o Isaraelu+ ma saʻili iā te ia, ona latou maua lea o ia.+  I na aso, sa leai se filemu mo se tasi na alu atu ma toe sau,+ auā sa tele le fenuminumiaʻi i tagata uma o nuu.+  Na tuʻimomomoina e le tasi nuu le isi nuu,+ ma le tasi aai le isi aai, auā ua faafenuminumiaʻi e le Atua i latou i puapuaga eseese uma lava.+  Ia outou lototetele+ ae aua neʻi o outou lotovaivai,*+ auā o loo iai le taui mo la outou galuega.”+  Ina ua faalogo Asa i nei upu ma le valoaga a le perofeta o Oteta,+ ona lototele ai lea o ia ma ia faapogaia ai le aveesea o mea inosia+ mai i le nuu uma o Iuta ma Peniamina, ma aai na ia faoa mai i le vaega maugā o Efaraima,+ ma toe faafou le fata faitaulaga o Ieova sa i luma o le faapaologa a Ieova.+  Ua ia faapotopoto faatasi foʻi o Iuta uma ma Peniamina,+ ma tagata ese+ o loo iā i latou mai i Efaraima, o Manase, ma Simeona, auā na sosola mai iā te ia le toʻatele o tagata mai i Isaraelu, ina ua latou iloa o loo faatasi Ieova lona Atua ma ia.+ 10  Ona latou faapotopoto faatasi ai lea i Ierusalema, i le masina lona tolu o le tausaga lona sefulu lima o le nofoaiga a Asa. 11  Ua latou fai taulaga foʻi iā Ieova i lenā aso i le vete na latou aumaia, e fitu selau povi ma mamoe e fitu afe. 12  Ua latou osia foʻi se feagaiga+ e saʻili ai iā Ieova le Atua o o latou augātamā, ma o latou lotoatoa ma o latou ola atoa;+ 13  e faapea, o se tasi e lē saʻili iā Ieova le Atua o Isaraelu, e fasiotia+ o ia, pe laʻitiiti, pe matua,+ po o se tane, po o se fafine.+ 14  Ona latou tautō+ lea iā Ieova ma le leotetele, ma le alaga fiafia faatasi ma pū ma seu. 15  Ua olioli+ Iuta uma ona o le tautoga; auā na latou tautō ma o latou lotoatoa, ma ua matuā fiafia i latou e saʻili atu iā te ia, ona latou maua lea o ia;+ ua tuuina mai pea e Ieova iā i latou le mapusaga mai i o latou fili i itu uma.+ 16  A o Maaka+ le tinā o lona tinā, ua faateʻaese foʻi o ia e le tupu+ o Asa mai i lona tulaga o se tamaʻitaʻi tāua,+ auā ua ia faia se tupua matagā mo le pou paia;+ ona tā lea i lalo e Asa o lana tupua matagā,+ ua nutipala ma susunu+ i le ālia o Ketarono.+ 17  E leʻi aveesea mea maualuluga+ mai i Isaraelu.+ E na o Asa sa atoatoa lona loto i ona aso uma.+ 18  Ua ia aumaia foʻi mea na faapaiaina e lona tamā ma mea+ na ia faapaiaina i le fale o le Atua moni, o siliva, o auro, ma ipu.+ 19  E leʻi toe iai foʻi ni taua seʻia oo i le tausaga lona tolu sefulu lima o le nofoaiga a Asa.+

Faamatalaga Pito i Lalo

I le gagana Eperu, e “aua neʻi faapaʻuʻū i lalo o outou lima.”