Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 11:1-23

11  Ina ua taunuu Reopoamo i Ierusalema,+ ona ia faapotopoto loa lea o le aiga o Iuta ma Peniamina,+ e toʻaselau valu sefulu afe tagata filifilia o ē e faia taua,+ ina ia tau ma Isaraelu ma ia toe faafoʻi mai le malo iā Reopoamo.  Ua tulei mai le afioga a Ieova iā Semaia+ le tagata o le Atua moni, ua faapea mai:  “Ia fai atu iā Reopoamo le atalii o Solomona le tupu o Iuta,+ ma Isaraelu uma o i Iuta ma Peniamina, e faapea,  ‘O le mea lenei na fetalai mai ai Ieova: “Aua tou te ō aʻe e tau ma o outou uso.+ Ia taʻitasi ma foʻi atu i lona fale, auā e mai iā te aʻu lenei mea.” ’ ”+ Ona latou usiusitaʻi ai lea i le afioga a Ieova, ma toe foʻi mai i le siitaua atu iā Ierepoamo.+  Ua nofo pea Reopoamo i Ierusalema, ma fausia ai aai malupuipuia i Iuta.  Ua ia toe fausia Peteleema,+ o Etama,+ o Tikoa,+  o Petesura,+ o Suka,+ o Atulame,+  o Kata,+ o Maresa,+ o Sifi,+  o Aturaima, o Lakisa,+ o Aseka,+ 10  o Soraa,+ o Ailona,+ ma Heperona,+ o aai malupuipuia ia sa i Iuta ma Peniamina. 11  Ua ia toe faamalosia foʻi aai malupuipuia,+ ma tuu atu i ai o latou taʻitaʻi+ ma avatu iā i latou o meaʻai, o suāuu, ma uaina, 12  ua ia tuu foʻi i aai eseese uma o talipupuni tetele+ ma tao;+ ma ua ia matuā toe faamalosia i latou. Ua faaauau pea ona fai mo ia Iuta ma Peniamina. 13  Ua aufaatasi foʻi ma ia o le ʻauositaulaga ma sa Levī sa i Isaraelu uma mai i o latou nuu uma. 14  Ua tuua e sa Levī o latou fanua e aai ai lafumanu+ ma a latou meatotino,+ ae ō mai i Iuta ma Ierusalema,+ auā ua faateʻaese+ i latou e Ierepoamo+ ma ona atalii mai i le avea o ni ositaulaga iā Ieova. 15  Ua ia tofia foʻi mo ia lava o ositaulaga i mea maualuluga,+ ina ia auauna i temoni*+ ma tamaʻi povi poʻa na ia faia.+ 16  Ua mulimuli mai foʻi iā i latou mai i ituaiga uma o Isaraelu, o ē na tuu atu o latou loto e saʻili ai iā Ieova le Atua o Isaraelu, ua latou ō mai i Ierusalema+ e fai taulaga+ ai iā Ieova le Atua o o latou augātamā. 17  Ua latou faamalosia pea le malo o Iuta+ ma lagolagoina pea Reopoamo le atalii o Solomona mo tausaga e tolu, auā na latou savavali i ala o Tavita ma Solomona mo tausaga e tolu.+ 18  Ona faia lea e Reopoamo o Maalata ma ana avā, o le afafine o Ierimota le atalii o Tavita, ma Aviaila le afafine o Eliapo+ le atalii o Iese. 19  Ona ia fanaua ai lea mai iā te ia o atalii, o Iuso, o Semaria, ma Saamo. 20  Ina ua mavae atu o ia, ona ia fai avā lea iā Maaka+ le tama a le afafine o Apisaloma.+ Ona ia fanaua ai lea mai iā te ia o Avia,+ o Atai, o Sise, ma Selomita. 21  Sa sili atu ona alofa Reopoamo iā Maaka le tama a le afafine o Apisaloma, nai lo o isi ana avā+ uma ma ana palake; auā e toʻasefulu valu avā na ia faia, e toʻaono sefulu foʻi ana palake, ona ia fanaua ai lea o atalii e toʻalua sefulu valu ma afafine e toʻaono sefulu. 22  Ua tofia foʻi e Reopoamo o Avia le tama a Maaka e fai ma matai, o sē e taʻitaʻia ona uso, auā na ia manatu e fai o ia ma tupu. 23  Ae peitaʻi, na faia e ia ma le faautauta+ ma tufatufa atu nisi o ona atalii i nuu uma o Iuta ma Peniamina,+ i aai malupuipuia+ uma ma avatu iā i latou le tele o meaʻai,+ ma avatu avā e tele mo i latou.+

Faamatalaga Pito i Lalo

I le gagana Eperu, “O temoni e foliga e pei o ni ʻoti.” Atonu na manatu i latou na tapuaʻi i ai o ni meaola taufulufulua ma na foliga e pei o ni ʻoti poʻa.