Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Korinito 9:1-15

9  O lenei, e lē tatau ona ou tusi atu iā te outou e faatatau i le faiva+ i le ʻaupaia,  auā ua ou iloa lo outou naunau e foaʻi, lea na ou mitamita ai i Kerisiano i Maketonia e uiga iā te outou, e faapea ua atoa le tausaga o nofosauni Akaia,+ ma o lo outou maelega, na uunaʻia ai le toʻatele o i latou.  A ua ou aauina atu uso, ina neʻi lē aogā lo matou mitamita e uiga iā te outou i lenei mea, ae ina ia outou sauni,+ e pei ona masani ona ou fai atu ai e faatatau iā te outou.  Pe afai matou te ō atu ma nisi mai i Maketonia, ma iloa ai e tou te leʻi nofosauni, ona māsiasi ai lea o outou ma i matou, talu ai ua matou soona faatuatuaina outou.  O le mea lea, ua ou manatu ai e tatau ona faalaeiau i uso e ō atu muamua iā te outou, ma ia sauniuni la outou meaalofa tele lea na muaʻi folafola mai,+ ina ia lava tapena lenei meaalofa tele, ae e lē o se mea na fai faamalosi.+  E tusa ma lenei mea, o lē e itiiti ana fatu e lūlū,+ e itiiti foʻi ana e selesele mai; ma o lē e tele ana fatu e lūlū,+ e tele foʻi ana e selesele mai.  Ia taʻitoʻatasi ma faia e tusa ma le mea ua filifili i lona loto, aua le faia ma le tigā,+ aua foʻi le faia faamalosi, auā e alofa le Atua i lē e foaʻi ma le lotofiafia.+  E mafai foʻi e le Atua ona foaʻi atu iā te outou le anoanoaʻi o lona agalelei faifua, a o outou maua mea uma lava tou te manaʻomia, ina ia tele a outou mea mo galuega lelei uma lava.+  (E pei ona tusia: “Ua ia tufatufa atu le tele o mea, ua ia foaʻi atu i ē e matitiva, e tumau e faavavau lana amiotonu.”+ 10  O lenei, o lē e foaʻi atu le tele o fatu i lē e lūlū ma le falaoa e ʻai ai,+ e foaʻi mai pea ma faateleina fatu mo outou e lūlū, ma faateleina ai fua o la outou amiotonu.)+ 11  Ua faatamaoaigaina outou i mea uma lava, ina ia iʻu ai i le limafoaʻi, lea e tupu ai le faafetai i le Atua ona o i matou;+ 12  auā o le faiva o lenei auaunaga i le lautele e lē na o le foaʻi atu o le tele o mea e manaʻomia e le ʻaupaia,+ ae ina ia tele ai le faafetai e avatu i le Atua. 13  Ona o le faamaoniga ua tuuina mai e lenei faiva, ua latou faamamaluina ai le Atua ona o lo outou gauaʻi i le tala lelei e uiga i le Keriso,+ a o outou faalauiloa atu lenā mea i tagata, ma ona o lo outou limafoaʻi i a outou meaalofa mo i latou atoa ma isi tagata uma,+ 14  ua latou tatalo faatauanau ai mo outou ma naunau atu iā te outou, ona o le matuā tele o le agalelei faifua+ o le Atua iā te outou. 15  E faafetai i le Atua mo lana meaalofa foaʻifua+ e lē mafaamatalaina.

Faamatalaga Pito i Lalo