Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Korinito 8:1-24

8  O lenei, e matou te faailoa atu iā te outou le ʻauuso e, e uiga i le agalelei faifua o le Atua lea na foaʻiina mai i faapotopotoga i Maketonia;+  a o mafatia i latou ona o tofotofoga tigā. E ui i lo latou matuā matitiva ae ua tele lo latou olioli, auā ua faaalia lo latou mauʻoa, ona o le tele o lo latou limafoaʻi.+  E tusa ma mea latou te mafaia,+ e moni ou te taʻutino atu, na faia e sili atu i lo mea na latou mafaia,  auā o lo latou lava lotomalilie, na matuā ʻaiʻoi mai ai iā i matou mo se faaeaga e foaʻi atu ai ma le agalelei, ma se sao i le faiva ua tofia i le ʻaupaia.+  Na latou faia e lē na o mea na matou faamoemoe i ai, ae ona o le finagalo o le Atua, na muaʻi tuuina atu ai i latou lava i le Alii+ ma i matou foʻi.  O le mea lea ua matou faalaeiau ai iā Tito+ e faapea, o ia na muamua ona amataina lenei foaʻi mai iā te outou, o lea e tatau ai ona ia faamāeʻaina lenei foaʻi ua outou faia ma le agalelei.  Ae e pei ona matuā tele mea uma iā te outou+ i le faatuatua, ma le upu, ma le poto,+ ma le lotonaunau, faapea lo matou alofa iā te outou, ia faapea foʻi ona matuā tele a outou foaʻi e faia ma le agalelei.  E lē faapea ua ou faatonuina outou,+ ae ua ou tautala atu iā te outou ona o le manatu i le lotonaunau o isi, ma ina ia tofotofoina ai foʻi le moni o lo outou alofa.  Auā ua outou iloa le agalelei faifua o lo tatou Alii o Iesu Keriso, e ui ina mauʻoa o ia, a ua avea o ia o sē e mativa ona o outou,+ ina ia outou mauʻoa+ ai ona o lona mativa. 10  O lea, ou te faailoa atu ai loʻu manatu i lenei mataupu:+ auā e aogā lea iā te outou,+ ua mavae le tausaga talu ona outou amataina lenei gaoioiga, e lē na o le faia ae o le manaʻo foʻi e fai;+ 11  o le mea lea ia outou faauma ai ona fai, e pei ona outou lotomalilie e fai, ia faapena foʻi ona faauma e tusa ai ma mea ua iā te outou. 12  Auā afai e lotomalie se tasi e foaʻi atu, e talileleia lea e tusa ma mea ua iā te ia,+ ae e lē tusa ma mea e lē o iā te ia. 13  Auā ou te lē o manaʻo e faafaigofie mo isi,+ ae faafaigatā mo outou; 14  ae ina ia avea lo outou tamaoaiga* i le taimi nei e fesoasoani i lo latou lē tagolima, ma e fesoasoani foʻi lo latou tamaoaiga i lo outou lē tagolima i se aso, ina ia tutusa ai avega a tagata uma.+ 15  E pei ona tusia: “Ina ia lē tele naʻuā mea a lē e tele ana mea, ma ina ia lē matuā itiiti mea a lē e itiiti ana mea.”+ 16  O lea e faafetai ai i le Atua, ona o le tuuina o lea lava naunau mo outou i le loto o Tito,+ 17  auā sa talia e ia faalaeiauga, ae o lona naunau tele, ua manaʻo ai o ia e alu atu iā te outou. 18  A ua matou aauina atu faatasi ma ia le uso o lē ua aave atu i faapotopotoga uma le tala i lona taʻuleleia, ona o lana galuega ua faia mo le tala lelei. 19  E lē na o lenā, ae ua tofia+ foʻi o ia e faapotopotoga e malaga faatasi ma i matou, ina ia matou tufatufaina atu lenei meaalofa ua faia ma le agalelei mo le viiga+ o le Alii, ma faamaonia ai lo matou nofosauni e fesoasoani.+ 20  Ua matou faia lenei mea ina neʻi faitio mai se tagata iā i matou,+ e tusa ai ma lo matou tufatufaina atu o lenei meaalofa+ ua faia ma le matamau. 21  Auā ua matou “faia mea uma lava ma le faamaoni, e lē gata i le silafaga a Ieova, ae i le vaaiga foʻi a tagata.”+ 22  O lea ua matou aauina atu ai faatasi ma i latou lo matou uso, o lē e masani ona matou vaaia lona lotonaunau i le tele o mea, a o lenei ua faateleina lona lotonaunau ona o lona matuā faatuatuaina o outou. 23  Afai e fesili se tasi e faatatau iā Tito, o ia o le auauna e pei o aʻu, e ma te galulue faatasi+ mo lo outou lelei, pe afai e faatatau i o tatou uso, o aposetolo* i latou i faapotopotoga, ma o le mamalu o Keriso. 24  O lea, ia faailoa atu iā i latou le faamaoniga o lo outou alofa,+ ma le mea ua matou mitaʻi+ atu ai e uiga iā te outou i luma o faapotopotoga.

Faamatalaga Pito i Lalo

Pe “ia foaʻi atu mai i a outou mea faasili.”
Po o avefeʻau po o ē na aauina atu.