Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Korinito 3:1-18

3  Pe a toe amata ea ona matou taʻuleleia o i matou lava?+ Pe e pei i matou o isi tagata e manaʻomia ni tusi+ e taʻuleleia ai e avatu iā te outou, pe e mai iā te outou?  O outou o la matou tusi+ ua tusia i o matou loto, ma ua iloa ma faitauina e tagata uma.+  Auā ua faaalia outou, o outou o le tusi a Keriso na tusia e i matou o auauna,+ e leʻi tusia i se vaitusi a o le agaga+ o le Atua soifua, e leʻi tusia i papamaa+ a o loto.*+  E ala iā Keriso, ua mafai ai ona matou faapea atu ma le mautinoa+ i lenei mea i luma o le Atua.  Matou te lē viia i matou ona ua matou agavaa, ma matou te leʻi ausia foʻi lenei mea ona o i matou lava,+ a ua matou agavaa ona o le Atua,+  o ia foʻi ua saunia i matou ina ia agavaa ai o ni auauna o le feagaiga fou,+ e lē o le tulafono na tusia,+ a o le agaga;+ auā o le tulafono na tusia e faasala+ ai i le oti, a o le agaga e faaolaina ai.+  Afai foʻi na mamalu+ le tuuina mai o le Tulafono lea na oo mai ai le oti,+ lea na tusia i mataʻitusi i maa,+ ma na lē mafai ai foʻi e le fanauga a Isaraelu ona vaavaai saʻo atu i fofoga o Mose ona o le mamalu o le pupula o ona fofoga,+ o le mamalu lea e faaumatia,  pe e lē sili ea la le mamalu+ pe a tuuina mai i le agaga?+  Auā afai na mamalu+ le tuuina mai o le Tulafono lea na iʻu ai i le faasalaga,+ e sili atu la ona tele le mamalu+ o le tuuina mai o le amiotonu.+ 10  E oo lava i le mea na faamamaluina, ua aveesea mai ai le mamalu,+ ona o le mamalu e sili atu.+ 11  Auā afai na mamalu+ le auala na aumai ai le mea e faaumatia, e sili atu la ona mamalu+ o le mea e tumau. 12  Ona o lo matou faamoemoe lenā,+ o le mea lea ua tatou matuā saʻoloto e tautatala atu ai, 13  ma e lē pei o Mose ina ua ia ufiufia+ ona fofoga, ina ia lē vaavaai saʻo atu i ai le fanauga a Isaraelu i le iʻuga+ o le mea e faaumatia. 14  Ae na pogisa o latou mafaufau.+ E oo mai lava i aso nei, e lē o aveesea le ufiufi lava lenā e tasi pe a faitauina le feagaiga tuai,*+ auā ua faaumatia e ala iā Keriso.+ 15  O le mea moni, e oo mai lava i aso nei, pe a faitauina tusi a Mose,+ o loo iai pea le ufiufi i o latou loto.+ 16  Ae afai e liliu atu iā Ieova, ona aveesea lea o le ufiufi.+ 17  O lenei, o Ieova o le Agaga;+ ma o le mea e iai le agaga+ o Ieova,+ e iai le saʻolotoga.+ 18  O i tatou uma,+ a o atagia atu i o tatou foliga e lē ufiufia le mamalu o Ieova+ e pei o ni faata, ua liua+ i tatou i foliga+ lava na mai i le mamalu e oo ina atili mamalu ai,+ e pei lava ona faia e Ieova+ le Agaga.

Faamatalaga Pito i Lalo

Pe e “leʻi tusia i papamaa, a o papa aano o loto.”
Tagaʻi i le Faaopoopoga e 12.