Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Korinito 12:1-21

12  E ao ona ou mitamita. E lē aogā lea, ae ou te faamatala atu vaaiga ofoofogia+ ma faaaliga mai i le Alii.  Ua ou iloa le tagata, o le soo o Keriso, ua sefulu fā tausaga talu ona ave faafuaseʻi+ i le lagi lona tolu, ou te lē mautinoa pe na i le tino pe e leʻi i le tino, ae e na o le Atua e na te silafia.  Ioe, ua ou iloa lenā tagata, ou te lē mautinoa pe na i le tino pe e leʻi i le tino,+ ae ua silafia e le Atua  na ave faafuaseʻi o ia i le parataiso,+ ma faalogo ai i upu e lē tatau ona taʻua, e sā foʻi ona tautala i ai se tagata.  Ou te mitamita ona o lenā tagata, ae ou te lē mitamita iā te aʻu lava seʻi vaganā ai mea ou te vaivai ai.+  Auā pe afai ou te fia mitamita,+ ou te lē valea ai, auā ou te tautala atu i le mea moni. Ae ou te lē faia faapea, ina neʻi viiviia aʻu e se tagata e sili atu nai lo o mea ua ia vaai ma faalogo ai iā te aʻu  ona o le tele* o faaaliga. Ina neʻi oʻu soona faamaualuga,+ ua tuuina mai ai iā te aʻu le mea matuitui i le tino,+ o le agelu lea a Satani, ua pō mai pea iā te aʻu ina neʻi oʻu faamaualuga naʻuā.  O le mea lea na ou ʻaiʻoi faatolu+ ai i le Alii, ina ia aveese lenei mea mai iā te aʻu;  ae na faapea mai o ia iā te aʻu: “Ua lava+ le agalelei faifua ua ou faaali atu iā te oe; auā ua faaatoaina loʻu mana i le mea e vaivai ai.”+ E sili ai loʻu mitamita i mea ua ou vaivai ai,+ ina ia tumau ai le mana o le Keriso i luga iā te aʻu e pei o se faleʻie. 10  O lea, ua ou fiafia ai i mea ua ou vaivai ai, i le upuleagaina, i le mativa, i sauāga ma mea faigatā ona o Keriso. Auā pe a ou vaivai, ona ou malosi ai lea.+ 11  Sa ou lē fetuutuunaʻi. Sa outou faamalosia aʻu+ e faia faapea, auā sa tatau ona outou taʻuleleia aʻu. Auā e ui lava ina ou faatauvaa, ae e leai lava se mea ou te itiiti ai+ i o outou aposetolo silisili.+ 12  O le mea moni, na iā te outou faamaoniga o le aposetolo+ i loʻu tumau,+ ma e ala foʻi i faailoga, o mea ofoofogia ma galuega mamana.+ 13  Auā o le ā se mea e itiiti ai outou nai lo o isi faapotopotoga uma, e na o lenei, e leʻi avea aʻu ma avega mamafa iā te outou?+ Ia faamagalo mai aʻu i lenei agasala. 14  Faauta! O le faatolu ai lea+ ona ou sauni ou te alu atu iā te outou, ae peitaʻi o le a lē avea aʻu ma avega mamafa iā te outou. Auā ua ou saʻili e lē o a outou meatotino,+ a o outou; auā e lē tatau ona faaputu e le fanau+ o ʻoa mo o latou mātua, ae e tatau ona faaputu e mātua ʻoa mo a latou fanau.+ 15  Ua ou naunau tele e faaaogā mea uma ua iā te aʻu, ma loʻu malosi atoa ona o o outou ola.+ Afai ua tele loʻu alofa iā te outou, pe e lē tatau foʻi la ona outou alolofa mai faapena iā te aʻu? 16  Ae afai o lea, e leʻi avea aʻu ma avega mamafa iā te outou.+ Ae ua outou fai mai ua ou “faaʻoleʻole,” ma na ou maua outou i aʻu “togafiti.”+ 17  Pe na ou saʻili ea ni mea mai iā te outou e ala i so o se tasi o i latou na ou aauina atu? 18  Na ou tauanau atu iā Tito ma ou auina atu le uso faatasi ma ia. Pe na saʻili ea e Tito ni mea mai iā te outou?+ Pe e matou te leʻi savavali ea i le loto e tasi?+ Pe e matou te leʻi savavali foʻi i le ala e tasi? 19  Po ua outou manatu ea, ua matou tali atu iā te outou e tusa ai ma nei tuuaʻiga? Ua matou tautatala atu o ni soo o Keriso i luma o le Atua. O lenei le ʻaupele e, o nei mea uma e mo le atiina aʻe o outou.+ 20  Ou te popole neʻi oʻu taunuu atu,+ ma maua outou e lē o faia e pei o le mea o oʻu manatu i ai, ma ou te lē o faia foʻi e tusa ma le mea ua outou manatu i ai, nai lo o lea, ua iai le femisaaʻi, o le lotoleaga,+ o le ita, o le finauvale, o le taumuimui, o le faitala, o le lotofefete, ma fevesiaʻiga.+ 21  Pe a ou toe alu atu, atonu e faamā aʻu e loʻu Atua pe a tatou faatasi, ma atonu foʻi ou te matuā faanoanoa ona o le toʻatele o ē na agasala+ ae e leʻi salamō mai i a latou amioga lē mamā, ma le faitaaga,*+ ma amioga matagā+ na latou faia pea.

Faamatalaga Pito i Lalo

Po o le “silisili ese” o faaaliga.
Tagaʻi i le Faaopoopoga e 8.