Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Korinito 11:1-33

11  O loʻu manaʻo, ia outou faapalepale mai iā te aʻu i loʻu lē fetuutuunaʻi.+ Ae o le mea moni, ua outou faapalepale mai lava iā te aʻu!  Auā ua ou fuā iā te outou e pei o le fuā o le Atua,+ auā na ou tautō e foaʻiina atu outou e faaipoipo+ i le tane e toʻatasi,+ ina ia ou tuuina atu outou iā te ia o se taupou mamā+ i le Keriso.+  Ae ou te popole ina neʻi pei ona faasesēina o Eva+ e le gata i ana togafiti, e faapena foʻi ona faaleagaina+ o outou mafaufau, ia liliuese mai i le faamaoni ma le amio mamā e tatau ona outou faaalia i le Keriso.+  Auā afai e alu atu se tasi ma talaʻi atu se Iesu e ese mai i lea na matou talaʻiina atu,+ pe e talia e outou se agaga e ese mai i lea na outou talia,+ po o se tala lelei+ e ese mai i lea na outou maua, ona vave lea ona outou talia o ia.+  Auā ua ou manatu e leai se mea e tasi ou te itiiti+ ai i o outou aposetolo silisili.+  Afai foʻi ou te valea i le upu,+ ou te lē valea lava i le poto;+ ae ua matou faailoa atu ai iā te outou i ala uma i mea uma lava.+  Pe na ou faia ea se agasala i loʻu faamaulaloina o aʻu lava+ ina ia faaeaina ai outou, auā na ou naunau e folafola atu le tala lelei i le Atua e aunoa ma se taui+ mai iā te outou?  Na ou faoa mea mai i isi faapotopotoga, i le taliaina o la latou fesoasoani ina ia ou auauna atu ai iā te outou,+  a o oʻu faatasi ma outou, na ou mativa ae e leʻi fai aʻu ma avega mamafa i se tasi,+ auā na saunia e uso na ō mai mai Maketonia+ le tele o mea mo aʻu. E leʻi fai aʻu ma avega mamafa iā te outou i mea uma lava ma ou te faia pea faapea.+ 10  Ou te taʻu atu le upu moni+ iā Keriso, e lē taofia lava loʻu mitamita+ i vaipanoa o Akaia. 11  Aiseā? Po ona ua ou lē alofa ea iā te outou? Ua silafia e le Atua ou te alofa lava iā te outou.+ 12  O lenei ou te faia pea lava le mea o loo oʻu faia,+ ina ia ou taofia ai i latou o loo mananaʻo e faia se mea e tutusa ai i latou ma i matou, i le galuega lea o loo latou mitaʻi maia. 13  Auā o na tagata, o aposetolo pepelo i latou, o le ʻaufaigaluega faaʻoleʻole,+ ua liua e i latou i latou lava e avea ma aposetolo a Keriso.+ 14  E lētioa lava, auā e fai ma liua e Satani o ia lava e avea ma agelu o le malamalama.+ 15  E lē o se mea tele la, pe afai e fai ma liua e ana auauna+ i latou lava e fai ma auauna o le amiotonu. Peitaʻi, o lo latou iʻuga e tusa lea ma a latou galuega.+ 16  Ou te toe fai atu foʻi, Aua neʻi manatu se tasi ua ou lē fetuutuunaʻi. Ae afai o lo outou manatu moni lenā, ia talia pea aʻu e pei o sē e lē fetuutuunaʻi, seʻi oʻu mitamita teisi ane foʻi.+ 17  O laʻu tala e fai atu, ou te lē o mulimuli i le faaaʻoaʻoga a le Alii, a o le valea o tagata faasausili, o ē e mitamitavale.+ 18  Talu ai e toʻatele o ē e mitamita i la le tino,+ ou te mitamita foʻi aʻu. 19  Auā na outou naunau e faapalepale i tagata lē fetuutuunaʻi, i le manatu o outou o ni tagata fetuutuunaʻi. 20  O le mea moni, ua outou faapalepale i so o se tasi e faapologaina outou,+ pe faoa ma faaumatia a outou mea, pe faaeaina o ia lava iā te outou, pe tapō i o outou mata.+ 21  Ua matou māsiasi e fai atu, e peiseaʻī ua vaivai i matou i manatu o isi. Ae afai e lototele se tasi e gaoioi e faia se mea, ua ou tautala atu ai ma le lē fetuutuunaʻi,+ ou te lototele foʻi e gaoioi faapea. 22  Po o i latou o ni tagata Eperu? O aʻu foʻi lea.+ Po o i latou o ni tagata Isaraelu? O aʻu foʻi lea. Po o i latou o ni fanau a Aperaamo? O aʻu foʻi lea.+ 23  Po o i latou o auauna a Keriso? Ua ou tali atu e pei o se tagata ua faalētonu le mafaufau, ua sili aʻu nai lo i latou:+ ua sili i galuega,+ ua tele taimi e faafalepuipui ai aʻu,+ ua tele foʻi aʻu i tā, e tele foʻi taimi na toetoe a ou oti ai.+ 24  E faalima ona sasaina aʻu e tagata Iutaia i tā+ e tolu sefulu iva, 25  e faatolu ona sasaina o aʻu i laau,+ e faatasi ona fetogia i maa,+ e faatolu ona malaia o folauga na ou malaga ai,+ na ou i le sami i le ao atoa ma le pō; 26  e masani ona ou malaga, ma lamatia i vaitafe, e lamatia i tagata faomea,+ e lamatia i tagata o loʻu lava nuu,+ e lamatia i tagata o nuu ese,+ e lamatia i le aai,+ e lamatia i le toafa, e lamatia i le vasa, e lamatia i uso pepelo, 27  i galuega mamafa ma le tigā, i le lē maua o se moe i le tele o pō,+ i le fia ʻai ma le fia inu,+ i le tele o taimi e leai ai ni meaʻai,+ i le mālūlū ma le leai o ni lavalava. 28  E ese mai i le tele o na mea tigā i le tino, ae ua ou tigā i lea aso ma lea aso, ona o le popole i faapotopotoga uma.+ 29  Po o ai ea o vaivai,+ ma po ou te lē vaivai ai foʻi? Po o ai ea ua tausuai, ma po ou te lē matuā ita ai foʻi? 30  Afai e tatau ona mimita, ou te mimita+ i mea ua ou vaivai ai. 31  Ua silafia e le Atua, o le Tamā lea o le Alii o Iesu, o lē e viia e faavavau, ou te lē pepelo lava. 32  O le kovana o Tamaseko, o lē na pule ai Areta le tupu, na ia lamalama i le aai o tagata Tamaseko ina ia puʻe iā te aʻu,+ 33  ae na tuutuu ifo aʻu i se ato+ i le faamalama i le pā, ma na ou sola ai mai iā te ia.

Faamatalaga Pito i Lalo