Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Korinito 10:1-18

10  O aʻu o Paulo, ou te ʻaiʻoi atu iā te outou i le agamalu+ ma le agalelei+ o Keriso, e ui ina ou faatauvaa i la outou vaai+ pe a ou iai iā te outou, ae ou te lototele pe a ou lē iai iā te outou.+  Ou te talosaga atu lava pe a ou iai iā te outou, ina ia aua neʻi oʻu faia faamalosi se mea, e pei ona ou manatu ai e aʻoaʻi mamafa+ i nisi o outou, o ē o manatu iā i matou e peiseaʻī o loo savavali i la le tino.  Auā e ui lava ina matou savavali i le tino,+ ae e matou te lē tau se taua faaletino.+  Auā e lē faaletino auupega o la matou taua,+ ae e faamalosia e le Atua+ e lepetia ai mea ua matuā mautū.  Auā ua matou faatoʻilaloina manatu sesē ma mea maualuluga uma e tetee i le poto i le Atua;+ ma ua matou faatoʻilaloina* manatu uma ina ia usiusitaʻi i le Keriso;  ua matou nofosauni foʻi e faaoo le faasalaga i ē e lē usiusitaʻi+ i mea uma, pe a uma ona faaalia ua atoatoa lo outou usiusitaʻi.+  Ua outou vaavaai i mea e tusa ma o latou foliga.+ Afai e faatuatua se tasi iā te ia lava, ma faapea ane o ia o se auauna a Keriso, inā toe mafaufau ia o ia i lenei mea, auā e pei ona avea o ia ma auauna a Keriso, e faapea foʻi i matou.+  Afai ou te soona mitamitavale+ i le pule ua tuuina mai e le Alii iā i matou, e atiaʻe ai outou ma e lē faavaivaia ai,+ e lē o se mea lea ou te mā ai,  ma peiseaʻī ua ou manaʻo e faafefe outou i aʻu tusi. 10  Auā ua latou faapea mai: “O ana tusi e mamafa ma malolosi, ae a faatasi mai o ia e vaivai,+ o ana upu foʻi e faatauvaa ia.”+ 11  Ia manatua e lea tagata lenei mea, o o matou uiga e faaalia i upu matou te tusi atu ai pe a matou lē iai, o uiga lava ia matou te faaalia pe a matou faatasi atu.+ 12  Auā matou te lē manatu e tutusa i matou ma isi, pe faatusatusa i matou i isi o ē e taʻuleleia i latou lava.+ O le mea moni, e lē o malamalama i latou pe a faamasinoina i latou e i latou lava e tusa ai ma o latou manatu, pe faatusatusa i latou iā i latou lava.+ 13  Auā matou te lē mitamita i oganuu e leʻi tofia mai iā i matou,+ ae i mea ua matou faia i oganuu ua tofia mai iā i matou e le Atua, ua matou faaoo atu ai foʻi iā te outou.+ 14  E moni, pe ana lē aofia outou i la matou oganuu, semanū matou te sopoʻia o matou tuaoi, auā o i matou o ē na muamua ō atu ma faailoa atu iā te outou le tala lelei i le Keriso.+ 15  E leai, e matou te lē o mitamitavale i galuega ua faia e se isi tagata+ i oganuu e leʻi tofia mai iā i matou, ae e matou te faamoemoe e faapea, a o tupu pea+ lo outou faatuatua, e atili ai ona outou viiviia i matou e tusa ai ma la matou oganuu.+ E atili ai ona matou 16  folafola atu le tala lelei i atunuu i tala atu o outou,+ ina neʻi matou mitamita fua i le oganuu ua uma ona galueaʻiina e se tasi. 17  “Ae o lē e mitamita, ia mitamita o ia iā Ieova.”+ 18  Auā e lē talia le tagata e na te taʻuleleia o ia lava,+ ae e talia le tagata e taʻuleleia+ e Ieova.+

Faamatalaga Pito i Lalo

I le gagana Eleni, “ua faatoʻilaloina manatu uma e pei ona noanoatia o se pagota.”