Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Tupu 9:1-28

9  Ina ua uma ona faia e Solomona o le fale+ o Ieova ma le fale o le tupu,+ ma mea uma na finagalo i ai Solomona e fai,+  ona faaali mai lea o Ieova iā Solomona i le taimi lona lua, e pei foʻi ona faaali mai o ia iā te ia i Kipeona.+  Ua fetalai mai Ieova iā te ia: “Ua ou faalogo i lau tatalo+ ma lau ʻaiʻoi na e ʻaiʻoi mai ai i oʻu luma. Ua ou faapaiaina+ lenei fale na e faia, i le tuuina i ai o loʻu igoa+ i inā i aso uma lava; e lē aunoa+ foʻi ona faasaga i ai oʻu mata+ ma loʻu loto i inā.  Afai foʻi e te savali+ i oʻu luma e pei ona savali o Tavita+ lou tamā, ma le lotofaamaoni,+ ma le amio saʻo+ i le faia e tusa ma mea uma na ou poloaʻi atu ai iā te oe,+ ma e tausia aʻu tulafono+ ma iʻuga o aʻu faamasinoga,+  ou te faatumauina foʻi le nofoālii o lou malo o Isaraelu i aso uma lava, e pei ona ou folafola atu ai iā Tavita lou tamā, e faapea, ‘E lē motu lou gafa mai i le nofoālii o Isaraelu.’+  Afai tou te liliuese ma lau fanau ma lē toe mulimuli mai iā te aʻu,+ ma outou lē tausia aʻu poloaʻiga ma aʻu tulafono na ou tuu atu i o outou luma, ma outou ō atu ma auauna i isi atua+ ma ifo atu i ai,  ou te faaumatia foʻi Isaraelu mai i le fogāeleele na ou foaʻi atu iā i latou;+ o le fale foʻi na ou faapaiaina mo loʻu igoa, ou te lafoaʻia mai i oʻu luma,+ e avea foʻi Isaraelu ma upu faatusa+ ma tauemuga i nuu uma lava.  E avea foʻi lenei fale ma faaputuga o mea ua faatafunaina.+ O i latou uma e ui ane ai o le a taufaiofo+ ma faaamuamu, ma faapea ane, ‘Pe aiseā ua faia ai faapea e Ieova i lenei laueleele ma lenei fale?’+  E latou te faapea ane foʻi, ‘Auā ua latou tuua Ieova lo latou Atua, o lē na aumaia o latou augātamā mai i le nuu o Aikupito,+ ma ua latou pipii atu i isi atua,+ ua ifo atu i ai ma auauna i ai. O le mea lea ua aumaia ai e Ieova nei mala uma iā i latou.’”+ 10  Ina ua mavae tausaga e lua sefulu na faia ai e Solomona fale e lua, o le fale o Ieova+ ma le fale o le tupu,+ 11  (na aumai e Hiramo+ le tupu o Turo iā Solomona+ o laupapa arasi, o laupapa perosi, ma auro, e tusa ma mea uma na ia finagalo i ai,)+ o le taimi lenā na avatu ai e le Tupu o Solomona iā Hiramo, o aai e lua sefulu i le nuu o Kalilaia.+ 12  Ona sau ai lea o Hiramo mai i Turo e vaavaai i aai na avatu e Solomona iā te ia, ae e leʻi talafeagai aai i lana vaai.+ 13  Ua ia faapea mai: “Loʻu uso e, o ā ea ia aai ua e aumaia iā te aʻu?” Ona faaigoa lea o nei aai, o le Nuu o Kapula e oo mai i aso nei. 14  Ua aumai foʻi e Hiramo i le tupu o taleni auro e selau lua sefulu.+ 15  O le tala lenei iā i latou na aumaia e fai galuega mamafa,+ o ē na valaauina e le Tupu o Solomona e faia le fale o Ieova,+ o lona fale, o le Mea Maupuʻepuʻe,+ o le pā+ o Ierusalema, o Hasora,+ o Mekito,+ ma Kasera.+ 16  (Ua alu aʻe Farao le tupu o Aikupito ma faoa Kasera, ma susunu i le afi, ua ia fasiotia foʻi tagata Kanana+ na nonofo i le aai. Ua ia foaʻi atu le aai e fai ma meaalofa e faamavae ai i lona afafine,+ le avā a Solomona.) 17  Ua toe fausia e Solomona o Kasera, o Peteorana i Lalo,+ 18  o Paalata,+ o Tamara i le toafa i le nuu, 19  o aai uma o Solomona e teu ai oloa,+ o aai o kariota,+ o aai mo tagata tiʻetiʻe solofanua, o mea uma ua finagalo i ai Solomona+ e fausia i Ierusalema ma Lepanona, ma nuu uma na pule ai o ia. 20  A o tagata uma na totoe mai i tagata Amorī,+ o tagata Hetī,+ o tagata Perisē,+ o tagata Hivī,+ ma tagata Iepusē+ o ē e lē o ni fanauga a Isaraelu,+ 21  o a latou fanau na totoe i le nuu ina ua mavae atu i latou, o ē e leʻi faaumatia e le fanauga a Isaraelu,+ na faafaigaluega pea i latou e Solomona e fai ma pologa seʻia oo mai i le aso nei.+ 22  A ua lē faia e Solomona se tasi o le fanauga a Isaraelu ma pologa;+ auā o i latou o tagata tau, o ana auauna, o ona perenise, o ona alii ave ʻau, o ona alii e pule i ana kariota, ma ona tagata tiʻetiʻe solofanua.+ 23  O alii nei na pule i pule lagolago, o ē na tofia e vaavaaia le galuega a Solomona, e toʻalima selau lima sefulu, o fomeni na vaavaaia tagata o ē na faia le galuega.+ 24  Ua alu aʻe le afafine o Farao+ mai i le Aai a Tavita+ i lona lava fale, na faia e Solomona mo ia. O le taimi foʻi lenā na ia faia ai le Mea Maupuʻepuʻe.+ 25  E taʻitolu+ foʻi i le tausaga ona faia e Solomona o taulaga mū ma taulaga faifaatasi, i luga o le fata faitaulaga na ia faia mo Ieova,+ ma faamū taulaga i le fata faitaulaga+ lea na i luma o Ieova; ua ia faaumaina foʻi le fale.+ 26  Sa iai foʻi le fuāvaa na faia e le Tupu o Solomona i Esiokape,+ lea e lata ane i Elata,+ i le matafaga o le Sami Ulaula i le nuu o Etoma.+ 27  Na aauina atu e Hiramo ana auauna i le fuāvaa,+ o tautai e masani lelei ma le sami, faatasi ma auauna a Solomona. 28  Ua latou ō atu i Ofeira+ ma aumai mai i inā o taleni auro+ e fā selau lua sefulu, ma aumai i le Tupu o Solomona.

Faamatalaga Pito i Lalo