Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 5:1-18

5  Ua aauina atu e Hiramo+ le tupu o Turo+ o ana auauna+ iā Solomona, auā na ia faalogo ua latou faauuina o ia e fai ma tupu e sui i lona tamā; auā sa alofa pea Hiramo iā Tavita.+  Ona auina atu lea o le feʻau e Solomona iā Hiramo, e faapea:+  “Ua e silafia lelei e leʻi mafai ona faia e loʻu tamā o Tavita se fale mo le suafa o Ieova lona Atua, ona o taua+ na siʻosiʻomia ai o ia, seʻia tuuina i latou e Ieova i lalo o ona alofivae.  A o lenei, ua tuuina mai e Ieova loʻu Atua o le mapusaga mo aʻu i itu uma lava.+ E leai sē ua tetee mai, e leai foʻi se mea leaga ua tupu.+  O lenei, ua ou manatu ai e faia se fale mo le suafa o Ieova loʻu Atua,+ e pei ona folafola e Ieova iā Tavita loʻu tamā, e faapea, ‘O lou atalii o lē ou te faanofoina i lou nofoālii e sui iā te oe, o ia lea na te faia le fale mo loʻu igoa.’+  O lenei, ia e poloaʻi atu ina ia latou tā mai mo aʻu o laau o arasi mai i Lepanona;+ e faatasi aʻu auauna ma au auauna, ou te avatu foʻi iā te oe le totogi o au auauna e tusa ma mea uma ua e fetalai mai ai, auā ua e silafia lelei lava, e leai se tasi o iā i matou e iloa tā i lalo laau e pei o tagata o Saitonu.”+  Ina ua faalogo Hiramo+ i upu a Solomona, ona ia matuā olioli ai lea, ua ia faapea ane: “Ia viia+ Ieova i le asō, ina ua ia foaʻi mai iā Tavita se atalii atamai+ e pule i lenei nuu e matuā toʻatele!”+  Ona sau lea o le feʻau a Hiramo iā Solomona, e faapea: “Ua ou faalogo i mea na sau ai lau feʻau iā te aʻu. O lenei, ou te faia mea uma e te manaʻo i ai, e tusa ai ma laau o arasi ma laau o perosi.+  E ave ifo e aʻu auauna laau mai i Lepanona+ i le sami; a o aʻu, ou te faia foʻi ma vaa o laau ma tuu atu i le sami, e oo atu lava i le mea e te faailoaina mai iā te aʻu;+ ou te tatalaina ai laau i inā, ona e aveina lea; e te faia foʻi le mea ou te manaʻo i ai i le aumaia o meaʻai mo loʻu aiga.”+ 10  Ona avatu lea e Hiramo o laupapa mai i laau o arasi, ma laupapa mai i laau o perosi iā Solomona, e tusa ma mea uma na manaʻo i ai o ia. 11  Ua avatu foʻi e Solomona iā Hiramo o saito e lua sefulu afe kori,+ e fai ma meaʻai ma lona aiga, ma le suāuu e lua sefulu kori mai i olive na tuʻi.+ O mea ia na avatu pea e Solomona iā Hiramo i lea tausaga ma lea tausaga.+ 12  Ua foaʻi mai foʻi e Ieova iā Solomona le atamai e pei ona ia folafola mai iā te ia;+ sa filemu foʻi le va o Hiramo ma Solomona, ma ua la osia ai se feagaiga. 13  Ua aauina mai pea e le Tupu o Solomona o i latou na aumaia e fai galuega mamafa mai iā Isaraelu uma; ma o i latou na aumaia e fai galuega mamafa,+ e toʻatolu sefulu afe tagata. 14  Ua ia aauina atu i latou i Lepanona e auauaʻi i le taʻitoʻasefulu afe i le masina. O le masina, e latou te nonofo ai pea i Lepanona, a o masina e lua, e ō ai i o latou aiga;+ na pule foʻi Atoniramo+ iā i latou o ē na aumaia+ e fai galuega mamafa.+ 15  Sa iā+ Solomona o ē e ave avega+ e toʻafitu sefulu afe, ma ē e tipi maa+ i le mauga+ e toʻavalu sefulu afe, 16  sa iai foʻi iā Solomona o pule lagolago+ o ē na vaavaaia le galuega. E toʻatolu afe tolu selau fomeni+ na vaavaaia tagata o ē na faia le galuega. 17  Ua poloaʻi atu le tupu ina ia o latou aumaia maa tetele ma maa taugatā,+ e fai ai le faavae+ o le fale i maa ua tipiina.+ 18  Ona tipiina lea o maa e le ʻaukamuta a Solomona ma le ʻaukamuta a Hiramo, atoa ma tagata Kavali,+ ua latou sauniunia foʻi laupapa ma maa e fai ai le fale.

Faamatalaga Pito i Lalo