Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 4:1-34

4  Ua faaauau pea ona avea le Tupu o Solomona ma tupu iā Isaraelu uma.+  O ona alii sili+ nei: o Asaraia le atalii o Satoka,+ le ositaulaga;  o Eliorefa ma Akia o atalii o Sesa, o failautusi;+ o Iosefatu+ le atalii o Ailuta, o lē e faia faamaumauga;  o Penaia+ le atalii o Ioiata o lē e pule i le ʻautau,+ o Satoka ma Aviata+ o ositaulaga i laʻua;  o Asaraia le atalii o Natano+ sa vaaia pule lagolago, o Saputo le atalii o Natano o le ositaulaga, o le uō+ a le tupu;  o Akisaro le pule o le aiga, ma Atoniramo+ le atalii o Apeta, na vaaia tagata na aumaia e faia galuega mamafa.+  Sa iā Solomona o pule lagolago e toʻasefulu lua i Isaraelu uma, ma o i latou na saunia meataumafa a le tupu ma lona aiga. Sa tofu tagata taʻitoʻatasi ma le masina o le tausaga e na te saunia ai meaʻai.+  O o latou igoa nei: O le atalii o Huro, i le vaega maugā o Efaraima;+  o le atalii o Tikeru i Makasa, ma Salapima,+ ma Petesemesa,+ ma Aluna-petana, 10  o le atalii o Heseta i Arupoto (na iā te ia o Suka ma le nuu atoa o Eferu);+ 11  o le atalii o Apinatapa, o le vaega maugā uma o Toro+ (na fai ma ana avā Tafata le afafine o Solomona); 12  o Paana le atalii o Ailuta i Tanaka,+ ma Mekito,+ ma Peteseana+ uma lea e latalata i Saretana+ i lalo ifo o Isereelu,+ e amata mai i Peteseana e oo i Apelemeola+ e agaʻi atu i le nuu o Iokameama;+ 13  o le atalii o Kipera i Ramota-kiliata+ (na iā te ia o aai na iai faleʻie o Iairo+ le atalii o Manase o loo iai i Kiliata;+ na iā te ia le nuu o Arakopo+ lea o loo i Vasana:+ e ono sefulu aai tetele ua iai pā ma faamaufaalava ʻapamemea); 14  o Akinatapu le atalii o Ito i Maanaima;+ 15  o Aimaasu i Nafatali+ (na fai ma ana avā Pasemeta le afafine o Solomona);+ 16  o Paana le atalii o Usai i Asera+ ma Paalota; 17  o Iosefatu le atalii o Parua i Isakara;+ 18  o Semi+ le atalii o Ala i Peniamina;+ 19  o Kipera le atalii o Auri i le nuu o Kiliata,+ o le nuu o Sekono+ le tupu o tagata Amorī,+ ma Oko+ le tupu o Vasana,+ ma e toʻatasi le pule lagolago na vaaia isi pule lagolago uma sa iai i le nuu. 20  Ua toʻatele Iuta ma Isaraelu, ua toʻatele e pei o le oneone i le matafaga o le sami,+ ua latou aai, ma feinu, ma olioli.+ 21  Ua pule foʻi Solomona i malo uma lava, e amata mai i le Vaitafe+ e oo atu i le nuu o Filisitia, ma le tuaoi o Aikupito. Ua latou aumaia meaalofa ma auauna atu iā Solomona i aso uma o lona ola.+ 22  O meaʻai a Solomona i aso taʻitasi e tolu sefulu kori*+ o falaoamata lelei, ma le ono sefulu kori o falaoamata, 23  e sefulu povi pepeti, ma povi tataa e lua sefulu, e selau mamoe, atoa ma manu e taʻua o ʻaila,+ ma sevi,+ ma imura, ma manulele pepeti o aleva. 24  Na pule foʻi o ia i mea uma lava i tala mai o le Vaitafe,+ e amata mai i Tipasa e oo i Kasa,+ e oo lava foʻi i tupu uma i tala mai o le Vaitafe;+ na iai foʻi le filemu+ i nuu uma lava na pule ai o ia. 25  Ua nonofo foʻi Iuta+ ma Isaraelu ma le saogalemu,+ ua taʻitasi le tagata ma nofo i lalo o lona vine ma lalo o lona mati,+ e amata mai i Tanu e oo atu i Peresepa,+ i aso uma lava o Solomona. 26  Sa iā Solomona fale e fā sefulu afe o solofanua+ mo ana kariota,+ ma tagata tiʻetiʻe solofanua e toʻasefulu lua afe. 27  Ua saunia foʻi e nei pule lagolago+ meataumafa mo le Tupu o Solomona, ma i latou uma na ō mai i le laoai a le Tupu o Solomona, ua taʻitasi ma lona lava masina. Na latou saunia mea uma lava na manaʻomia. 28  Ua latou avatu karite* ma vao mamago mo solofanua ma ʻau a solofanua,+ i so o se mea lava na manaʻomia ai, na taʻitoʻatasi ma faia e tusa ma lona tofiga.+ 29  Ua avatu pea e le Atua iā Solomona le atamai,+ ma le malamalama+ e matuā tele lava ma le lotomatala,+ e pei o le oneone i le matafaga.+ 30  Na sili atu+ foʻi le atamai o Solomona nai lo o le atamai o tagata uma i Sasaʻe,+ ma le atamai uma o Aikupito.+ 31  E sili atu foʻi lona atamai nai lo o se isi lava tagata, nai lo o Etano+ le tagata Esera, o Hemana,+ o Kalakolu+ ma Tarata o atalii o Makolo; ua taʻutaʻua foʻi o ia i nuu uma o loo siʻomia ai.+ 32  E tautala o ia i faataoto+ e tolu afe, ma ana pese+ e afe ma le lima. 33  Ua tautala foʻi o ia e faatatau i laau, e amata mai i le laau o le arasi i Lepanona+ e oo atu i le laau o le isopo+ ua tupu aʻe i le pā; ua tautala o ia e uiga i manu tataa,+ o manufelelei,+ o mea fetolofi,+ ma iʻa.+ 34  Ua gasolo mai pea tagata mai i nuu uma e faalogologo i le atamai o Solomona,+ na aauina mai foʻi e tupu uma o le lalolagi o latou sui e faalogologo i lona atamai.+

Faamatalaga Pito i Lalo

O le “kori” o le fua o meaʻai e tusa ma le 220 lita (200 kuata).
O le “karite” o se isi ituaiga saito. O le upu faa-Peretania, o le barley.