Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 3:1-28

3  Ua osi e Solomona se aiga ma Farao le tupu o Aikupito i lona faaipoipo+ atu i le afafine o Farao,+ ma aumaia o ia i le Aai a Tavita,+ ua tuu ai i inā seʻia māeʻa ona fausia o lona lava fale,+ ma le fale o Ieova,+ atoa ma le pā e siʻo ai Ierusalema.+  E na o mea maualuluga+ na fai taulaga ai le nuu, auā e leʻi faia se fale mo le suafa o Ieova e oo mai i na aso.+  Na faaauau foʻi ona alofa+ Solomona iā Ieova i lona savali i faatonuga a Tavita lona tamā.+ E na o mea maualuluga+ na ia faamūina ai pea taulaga.  Ona alu atu lea o le tupu i Kipeona+ e fai taulaga ai i inā, auā o le mea maualuga sili lenā.+ Na ofo atu e Solomona manu e afe e fai ai taulaga mū i luga o lenā fata faitaulaga.+  Na faaali+ Ieova iā Solomona i se miti+ i le pō i Kipeona; na fetalai mai le Atua: “Inā talosaga mai ia i se mea ou te avatua iā te oe.”+  Ona faapea atu lea o Solomona: “Na e matuā alofa faamaoni+ i lau auauna o Tavita loʻu tamā, ina ua savali o ia i ou luma i le faamaoni, ma le amiotonu,+ atoa ma le lotosaʻo i ou luma; na faaauau foʻi ona e tausia lenei alofa faamaoni tele iā te ia, o lea ua e foaʻi mai ai iā te ia se atalii e nofo i lona nofoālii, e faapei ona faia i le asō.+  O lenei, Ieova e, loʻu Atua, o oe lava na e faia lau auauna ma tupu e sui iā Tavita loʻu tamā; ma ua na o aʻu o se tamaitiiti.+ Ou te lē iloa ona ulufafo ma ulufale.+  O lau auauna foʻi o loo i luma o lou nuu na e filifilia,+ o le nuu e toʻatele lava, e lē mafaitaulia ona o le matuā toʻatele.+  O lenei, ia e foaʻi mai i lau auauna se loto usiusitaʻi e faamasino+ ai lou nuu, ina ia iloa le lelei ma le leaga;+ auā o ai ea e mafai ona faamasino+ i lou nuu faigatā?”+ 10  Ua fiafia foʻi le finagalo o Ieova i lenei mea, auā ua talosaga atu ai Solomona i lenei mea.+ 11  Ona fetalai mai lea o le Atua iā te ia: “Talu ai ua e talosaga mai i lenei mea, ae ua e lē talosaga mai mo ni aso se tele mo oe, po o ni ʻoa,+ pe fasiotia ou fili, a ua e talosaga mai ia e maua le malamalama e faalogologo ai i faamasinoga,+ 12  o lenei, ou te faia lava e tusa ma au upu.+ Faauta! ou te foaʻi atu lava iā te oe se loto e atamai ma malamalama,+ e leai se tasi na muamua atu iā te oe e tusa ma oe, e leai foʻi se tasi e mulimuli mai iā te oe e tusa ma oe.+ 13  O mea foʻi e te leʻi talosaga mai i ai, ou te foaʻi atu iā te oe,+ o le ʻoa+ ma le mamalu, ina ia leai se tupu o tupu uma e tusa ma oe i ou aso uma.+ 14  Afai foʻi e te savali i oʻu ala i le tausia o aʻu tulafono+ ma aʻu poloaʻiga, e pei ona savali+ ai o lou tamā o Tavita, ou te faafualoaina ou aso.”+ 15  Ina ua ala+ Solomona, na ia iloa ai na fai lana miti. Ona alu atu lea o ia i Ierusalema ma tū i luma o le atolaau+ o le feagaiga a Ieova, ua ia ofoina atu foʻi o taulaga mū ma taulaga faifaatasi,+ ma ia saunia ai se faigaʻai+ mo ana auauna uma.+ 16  Ona ō mai lea o ni fafine talitane+ se toʻalua i le tupu, ma tutū i ona luma.+ 17  Ua fai mai le tasi fafine: “Faamolemole loʻu alii e,+ o loo ma nonofo ma lenei fafine i le fale e tasi, na ou fanau a o ma iai ma ia i le fale. 18  Ina ua mavae aso e tolu talu ona ou fanau, na fanau ai foʻi lenei fafine. Sa ma faatasi. E leai se isi tagata i le fale, sa na o i maʻua na iai i le fale. 19  Mulimuli ane, ona oti ai lea o le tama a lenei fafine i le pō, auā na ia tatao i lana tama a o moe. 20  Ona tulaʻi lea o ia i le vaeluapō, ua aveese laʻu tama mai i oʻu tafatafa a o moe lau teine pologa, ma faataoto iā te ia i lona fatafata, a ua faataoto mai e ia lana tama ua oti i loʻu fatafata. 21  Ina ua ou ala aʻe i le taeao e faasusu+ laʻu tama, faauta! ua oti o ia. Na ou iloilo lelei o ia i le taeao, ae faauta foʻi! e lē o laʻu tama lea na ou fanaua.” 22  A ua fai mai le isi fafine: “E leai, o loo ola laʻu tama, a ua oti lau tama!” Ua fai mai pea lava lenei fafine: “E leai, ua oti lau tama ae o loo ola laʻu tama.” Ua la tautatala pea i luma o le tupu.+ 23  Ona fai atu lea o le tupu: “Ua fai mai le tasi, ‘O loo ola laʻu tama, a ua oti lau tama!’ a ua fai mai le isi, ‘E leai, ua oti lau tama ae o loo ola laʻu tama!’ ” 24  Ona faapea atu lea o le tupu:+ “Ia outou aumai se pelu iā te aʻu.” Ona latou aumaia lea o le pelu i luma o le tupu. 25  Ua faapea mai le tupu: “Ia outou isilua le tama o loo ola, ia avatu le isi ʻafa i le tasi fafine, ae avatu le isi ʻafa i le isi fafine.” 26  Ona fai mai lea o le fafine o loo ola lana tama i le tupu (auā ua mutimutivale lona alofa+ i lana tama,+ ua fai mai o ia): “Faamolemole,+ loʻu alii e! Ia outou avatu iā te ia le tama o loo ola. Aua lava neʻi outou fasiotia o ia.” A ua fai mai pea le isi fafine: “Aua le aumaia le tama iā te aʻu, aua foʻi le avatua iā te oe. Ia outou isilua o ia!”+ 27  Ona tali atu lea o le tupu ma faapea atu: “Ia outou avatu le tama o loo ola iā te ia, aua neʻi outou fasiotia o ia. O ia o lona tinā.” 28  Ua faalogo Isaraelu uma i le iʻuga o le faamasinoga+ na faia e le tupu; ona latou matataʻu ai lea ona o le tupu;+ auā ua latou iloa o loo iā te ia le atamai+ o le Atua e faia ai faamasinoga.

Faamatalaga Pito i Lalo