Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 22:1-53

22  E tolu tausaga o latou nonofo pea e aunoa ma se taua i le va o Suria ma Isaraelu.  Ua oo i le tausaga lona tolu, ona alu ifo lea o Iosefatu+ le tupu o Iuta i le tupu o Isaraelu.  Ona fai atu lea o le tupu o Isaraelu i ana auauna: “Po ua outou iloa ea o Ramota-kiliata+ o lo tatou aai lea? A ua faatuai ona tatou ō atu e aveese mai i le lima o le tupu o Suria.”  Ona ia fai atu lea iā Iosefatu: “Pe e ta te ō i le taua i Ramota-kiliata?”+ A ua fai mai Iosefatu i le tupu o Isaraelu: “O aʻu nei e tutusa ma oe. O loʻu nuu e tutusa ma lou nuu.+ O aʻu solofanua e tutusa ma au solofanua.”  A ua fai mai Iosefatu i le tupu o Isaraelu: “Faamolemole, seʻi fesili+ muamua atu lava i se afioga mai iā Ieova.”  Ona faapotopoto faatasi lea e le tupu o Isaraelu o le ʻauperofeta,+ pe e tusa ma le toʻafā selau tagata, ma fai atu iā i latou: “Po ou te alu atu ea e tau ma Ramota-kiliata, po ou te nofo?” A ua latou fai mai: “Inā maliu aʻe ia,+ auā e foaʻi mai lava e Ieova le aai i lima o le tupu.”  A ua fai mai Iosefatu: “Pe e lē o iai ea i inei se perofeta a Ieova? Seʻi o tatou fesili atu i le Atua e ala iā te ia.”+  Ona fai atu lea o le tupu o Isaraelu iā Iosefatu: “O loo iai pea se tasi tagata, o Mekaio le atalii o Imila, o lē e fesili atu ai iā Ieova;+ ae ou te matuā ita lava iā te ia,+ auā e na te lē valoia ni mea lelei e faatatau iā te aʻu, ae e na o mea leaga.”+ Ae peitaʻi, ua fai mai Iosefatu: “Aua neʻi fetalai mai le tupu i se mea faapena.”+  Ona valaau atu lea o le tupu o Isaraelu i le tasi o tagata aloaʻia,+ ua faapea atu: “Ia aumai faavave Mekaio le atalii o Imila.”+ 10  Ua taʻitasi le tupu o Isaraelu ma Iosefatu le tupu o Iuta, ma nonofo i o la nofoālii i le mea e soli ai saito i le faitotoʻa o Samaria, ua oofu foʻi i o la ofu tautupu;+ ma ua gaoioi perofeta uma i o la luma e pei o ni perofeta.+ 11  Ona faia lea e Setekaia le atalii o Kenaana mo ia o seu uʻamea, ma faapea atu: “O le mea lenei na fetalai mai ai Ieova,+ ‘O mea nei e te tatui ai tagata Suria seʻia e faaumatia i latou.’ ”+ 12  Ua faapena foʻi valoaga ua faia e isi perofeta uma, ua faapea atu: “Ia e alu aʻe i Ramota-kiliata ma ia e manumalo; e foaʻiina mai lava e Ieova le aai i lima o le tupu.”+ 13  Ona fai atu lea iā te ia o le avefeʻau na alu atu e aami iā Mekaio e faapea: “Faauta! E matuā logolelei lava i le tupu upu a perofeta. Seʻi faapea foʻi ona fai au upu e pei o upu o se tasi o i latou, ma ia e tautala atu i se upu lelei.”+ 14  A ua fai mai Mekaio: “O loo soifua Ieova,+ o le mea e fetalai mai ai Ieova iā te aʻu, o le mea foʻi lea ou te tautala atu ai.”+ 15  Ua sau o ia i le tupu, ona fai atu lea o le tupu iā te ia: “Mekaio e, pe matou te ō atu ea i Ramota-kiliata i le taua, pe matou te nonofo?” Ona ia fai mai lea iā te ia: “Inā ō aʻe ia, ma ia outou manumalo; e foaʻiina mai lava e Ieova le aai i le lima o le tupu.”+ 16  Ona fai atu lea o le tupu iā te ia: “Po ua faafia ona ou faatautō oe e aua neʻi e toe tautala mai iā te aʻu i se tasi mea, ae na o le upu moni lava i le suafa o Ieova?”+ 17  Ua fai mai o ia: “Na ou vaaia lava Isaraelu uma o taapeape+ i mauga, e pei o ni mamoe ua leai se leoleo mamoe.+ Ona fetalai mai lea o Ieova: ‘O i latou nei ua leai ni matai. Ia tuu atu i latou e taʻitasi ma toe foʻi atu ma le filemu i lona fale.’ ”+ 18  Ona fai atu lea o le tupu o Isaraelu iā Iosefatu: “Po ou te leʻi fai atu ea iā te oe, ‘E na te lē valoia ni mea lelei e faatatau iā te aʻu, ae e na o mea leaga’?”+ 19  Ona ia faapea mai lea: “O le mea lea, inā faalogologo mai ia i le afioga a Ieova:+ Ua ou iloa atu Ieova o loo tiʻetiʻe i lona nofoālii,+ a o laulaututū ʻautau uma o le lagi i ona tafatafa, i lona itu taumatau ma lona itu tauagavale.+ 20  Ua fetalai atu foʻi Ieova, ‘O ai e na te faavaleaina Aapo ina ia alu aʻe ai ma oti i Ramota-kiliata?’ Ona fai mai lea o le tasi e faapea, a ua fai mai le isi e faapea.+ 21  Mulimuli ane, ua alu ane se tasi agaga+ ma tū i luma o Ieova ma faapea mai, ‘Ou te faavaleaina o ia.’ A ua fetalai atu Ieova iā te ia, ‘E faapefea?’+ 22  Ona ia fai mai lea, ‘Ou te alu lava, ma e avea aʻu ma agaga taufaasesē i gutu o ana perofeta uma.’+ Ona ia fetalai atu lea, ‘E te faavalea iā te ia, ma e te manumalo iā te ia.+ Inā alu ia ma fai lenā mea.’+ 23  O lenei, ua tuuina e Ieova se agaga taufaasesē i gutu o au perofeta uma;+ a ua fetalai Ieova o le a oo puapuaga iā te oe.”+ 24  Ona faalatalata mai lea o Setekaia le atalii o Kenaana, ma ua ia pō le alafau o Mekaio,+ ua faapea mai: “O fea na ui ane ai le agaga o Ieova i oʻu luma ina ia tautala atu iā te oe?”+ 25  Ona fai atu lea o Mekaio: “Faauta! E te iloa lava i lenā aso le auala pe a e ulu atu i le potu pito i totonu+ e te lafi ai.”+ 26  Ua faapea ane le tupu o Isaraelu: “Inā ave ia Mekaio ma toe faafoʻi o ia iā Amone le alii sili o le aai, ma Ioasa le atalii o le tupu.+ 27  E te faapea atu, ‘O loo faapea mai le tupu:+ “Ia outou tuuina lenei tagata i le falepuipui,+ ia outou faaitiitia meaʻai e ʻai ai,+ ma faaitiitia vai e inu ai seʻia ou sau ma le filemu.” ’ ”+ 28  Ona fai mai lea o Mekaio: “Afai e te toe foʻi mai ma le filemu, e leʻi fetalai mai la Ieova iā te aʻu.”+ Ua ia toe faapea mai: “Le nuu e, inā faalogologo mai ia outou.”+ 29  Ona ō aʻe lea o le tupu o Isaraelu ma Iosefatu le tupu o Iuta i Ramota-kiliata.+ 30  Ua fai atu le tupu o Isaraelu iā Iosefatu: “Ou te ofu ese ma ou alu atu i le taua,+ a o oe, ia fai ou lava ofu.”+ Ona faia lea o ofu ese+ o le tupu o Isaraelu, ma ua alu atu i le taua.+ 31  A ua poloaʻi atu le tupu o Suria i alii e toʻatolu sefulu lua o ē e pule+ i ana kariota, e faapea: “Aua neʻi outou tau ma ē e faatauvaa po o ē e sili, ae e na o le tupu lava o Isaraelu.”+ 32  Ina ua iloa atu e alii e pule i kariota Iosefatu, ona latou faapea ifo lea iā i latou: “O le tupu lea o Isaraelu.”+ Ona latou faasaga ane lea e tau ma ia; ma ua alaga atu foʻi Iosefatu mo se fesoasoani.+ 33  Ae ina ua iloa e alii e pule i kariota e lē o le tupu lea o Isaraelu, ona toe foʻi atu loa lea o i latou, ua lē toe mulimuli atu iā te ia.+ 34  Sa loloʻu e le tasi tagata ma lona lē iloa le ʻaufana, a ua lavea ai le tupu o Isaraelu i le sooga o lona ofutau, ona ia fai atu lea i lē o loo aveina lona kariota:+ “Ia tago mai, ma aveese aʻu mai i le taua, auā ua ou manuʻa leaga lava.” 35  Ua faateteleina pea le taua i lenā aso, ma ua faatū e nisi le tupu i totonu o le kariota e feagai ma tagata Suria, ona iʻu ai lea ina oti+ o ia i le afiafi; ua sisina ifo pea le toto mai i le manuʻa i totonu o le kariota o le taua.+ 36  Ona oo atu lea o le alaga i le taua pe tusa o le goto ifo o le lā, ua faapea atu: “Ia taʻitasi ma alu i lona aai, ia taʻitasi ma alu i lona nuu!”+ 37  Ua oti le tupu. Ona aumai lea o ia i Samaria, ma ua latou tanu le tupu i Samaria.+ 38  Ua latou fufulu le kariota o le taua i le vai tāʻele o Samaria, ua etoeto foʻi e taʻifau lona toto+ (e tāʻeele ai foʻi i inā fafine talitane), e tusa ai ma le afioga a Ieova na ia fetalai mai ai.+ 39  A o le olaga uma o Aapo, o mea uma na ia faia, o le fale nifo elefane+ na ia faia, ma aai uma na ia faia, po ua lē o tusia ea i le tusi+ e faatatau i olaga o tupu o Isaraelu? 40  Mulimuli ane, ua taoto Aapo faatasi ma ona augātamā;+ ona pule lea o lona atalii o Aasaia+ e sui iā te ia. 41  A o Iosefatu+ le atalii o Asa, na fai o ia ma tupu o Iuta i le tausaga lona fā o le nofoaiga a Aapo le tupu o Isaraelu. 42  E tolu sefulu lima tausaga o Iosefatu ina ua fai o ia ma tupu, ma e lua sefulu lima tausaga na ia pule ai i Ierusalema; o le igoa o lona tinā o Asopa le afafine o Seleki. 43  Na savali pea o ia i ala uma o Asa lona tamā. E leʻi liliuese mai ai lava o ia i le faia o le mea tonu i luma o Ieova.+ E na o mea maualuluga e na te leʻi aveeseina. Sa fai taulaga pea le nuu ma faamū taulaga i mea maualuluga.+ 44  Sa tausia foʻi e Iosefatu le filemu ma le tupu o Isaraelu.+ 45  A o le olaga uma o Iosefatu, o lona malosi ma taua na ia tauina, po ua lē o tusia ea i le tusi+ e faatatau i olaga o tupu o Iuta? 46  O tamāloloa talitane+ uma o le malumalu na totoe mai i aso o Asa lona tamā, na ia faamamā ese uma mai i le nuu.+ 47  Sa leai se tupu i Etoma;+ ae sa fai le pule lagolago ma tupu.+ 48  Na faia e Iosefatu vaa Tasesa+ e folau atu i Ofeira ina ia aumai ai auro; ae e leʻi ō auā na tuʻia vaa i Esiokape.+ 49  O le taimi lea na fai atu ai Aasaia le atalii o Aapo iā Iosefatu: “Seʻi ō atu aʻu auauna e ō ma au auauna i vaa,” ae e leʻi malie i ai Iosefatu.+ 50  Mulimuli ane, ua taoto Iosefatu faatasi ma ona augātamā,+ ua tanu foʻi o ia faatasi ma ona augātamā i le Aai a Tavita+ lona augātamā; ona pule lea o Ioramo+ lona atalii e sui iā te ia. 51  A o Aasaia+ le atalii o Aapo, na fai o ia ma tupu o Isaraelu i Samaria i le tausaga lona sefulu fitu o le nofoaiga a Iosefatu le tupu o Iuta, na faaauau ona pule o ia i Isaraelu mo tausaga e lua. 52  A ua faia pea e ia o mea leaga+ i le silafaga a Ieova, ma ua savali foʻi o ia i le ala o lona tamā,+ ma le ala o lona tinā,+ faapea le ala o Ierepoamo+ le atalii o Nepata, o lē na faapogaia Isaraelu e agasala.+ 53  Ua ia auauna pea iā Paala,+ ua ia ifo foʻi iā te ia ma faatigā+ pea iā Ieova le Atua o Isaraelu, e tusa ai ma mea uma na faia e lona tamā.

Faamatalaga Pito i Lalo