Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 21:1-29

21  Ina ua mavae nei mea, sa iai se togāvine o Napota le Isereelu, lea sa i Isereelu+ i tafatafa o le maota o Aapo le tupu o Samaria.  Ua fai atu Aapo iā Napota e faapea: “Ia aumai+ iā te aʻu lou togāvine+ ina ia faia ai soʻu togālaau+ ʻaina,+ auā e latalata mai i loʻu fale; ou te avatu ai foʻi iā te oe se togāvine e sili atu ona lelei. Ae afai e lelei i lou manatu,+ ou te avatu iā te oe tupe e faatau mai ai.”  A ua fai mai Napota iā Aapo: “Ia mamao+ iā te aʻu i le silafaga a Ieova,+ ona ou avatu iā te oe le tofi o oʻu augātamā.”+  Ona alu lea o Aapo i lona fale, ua tigā ma ua lē fiafia i upu a Napota le Isereelu na fai mai iā te ia e faapea: “Ou te lē avatua iā te oe le tofi o oʻu augātamā.” Ua taoto o ia i lona moega ma faasaga ese,+ e leʻi ʻai foʻi o ia.  Mulimuli ane, ona sau lea o lana avā o Iesepela+ ma faapea mai iā te ia: “Aiseā ua e faanoanoa+ ai, ma e lē ʻai ai?”  Ona ia fai atu lea i lana avā: “Talu ai na ou fai atu iā Napota le Isereelu, na ou faapea atu iā te ia, ‘Ia e faatau mai iā te aʻu lou togāvine. Afai foʻi e te manaʻo i ai, ou te avatu iā te oe se isi togāvine e sui ai.’ A ua fai mai o ia, ‘Ou te lē avatua iā te oe loʻu togāvine.’ ”+  Ona fai mai lea o Iesepela lana avā iā te ia: “Pe e lē o oe ea o le tupu o Isaraelu?+ Inā tulaʻi ia, ia ʻai ma ia faafiafia lou loto. O le a ou avatu iā te oe le togāvine o Napota le Isereelu.”+  Ona tusia lea e Iesepela o tusi+ i le igoa o Aapo, ma faamau i le faamaufaailoga+ a le tupu, ma ia avatu tusi i toeaina+ ma tamālii o lona aai lea o loo nofo ai foʻi Napota.  Ua ia tusia i tusi e faapea:+ “Ia talaʻi se anapogi, ma ia outou faanofo Napota i se nofoaga faapitoa i luma o le nuu. 10  Ia outou faanonofo i ona luma ni tagata+ lē aogā+ se toʻalua, ia la molimau faasaga iā te ia+ e faapea, ‘Na e faifai i le Atua ma le tupu!’+ Ona outou ave lea o ia i fafo ma fetogi iā te ia i maa ina ia oti ai.”+ 11  Ona faia lea e tagata o lona aai, o toeaina ma tamālii o loo nonofo i lona aai, e pei o le feʻau a Iesepela iā i latou, e pei ona tusia i tusi na ia avatu iā i latou.+ 12  Ua latou talaʻi le anapogi+ ma faanofo Napota i se nofoaga faapitoa i luma o le nuu. 13  Ona ō mai lea o tagata lē aogā e toʻalua, ma saofafaʻi i ona luma; ua molimau tagata lē aogā e faasaga iā Napota i luma o le nuu, e faapea: “Na faifai Napota i le Atua ma le tupu!”+ Mulimuli ane, ona latou ave lea o ia i le faatausiʻusiʻuga o le aai, ma fetogi iā te ia i maa, ua oti ai.+ 14  Ona latou auina atu lea o le feʻau iā Iesepela e faapea: “Na fetogia Napota i maa, ma ua oti ai.”+ 15  Ina ua faalogo Iesepela ua fetogia Napota i maa ma ua oti ai, ona fai atu loa lea o Iesepela iā Aapo: “Tū loa i luga, ma ave mo oe le togāvine o Napota le Isereelu,+ lea na musu e faatau atu iā te oe i tupe; auā ua lē o toe ola Napota, a ua oti o ia.” 16  Ina ua faalogo Aapo ua oti Napota, ona tulaʻi lea o Aapo ma alu ifo i le togāvine o Napota le Isereelu, ma ave mo ia.+ 17  Ona oo mai lea o le afioga+ a Ieova iā Elia+ le Tisepi, ua faapea mai: 18  “Ia e tulaʻi, ma alu ifo e faafetaiaʻi iā Aapo le tupu o Isaraelu lea o loo i Samaria.+ O loo iai o ia i le togāvine o Napota, ua alu ifo o ia e ave mo ia. 19  Ia e fai atu iā te ia e faapea, ‘O le mea lenei ua fetalai mai ai Ieova: “Po ua e fasioti tagata+ ea, ma ave ma oe le fanua?”+ E te faapea atu foʻi iā te ia, ‘O le mea lenei ua fetalai mai ai Ieova: “O le mea+ na etoeto ai e taʻifau le toto o Napota, e etoeto ai foʻi e taʻifau lou lava toto.” ’ ”+ 20  Ona fai mai lea o Aapo iā Elia: “O oe lenā loʻu fili, po ua e maua ea aʻu?”+ Ona ia fai atu lea: “Ua ou maua oe. ‘Auā ua e faatauina atu oe lava e faia le mea leaga i le silafaga a Ieova,+ 21  o lenei, ou te faaoo atu puapuaga iā te oe;+ ou te tafiesea lava mai iā te oe+ ma faaumatia so o se tasi mai i le aiga o Aapo e tulaʻi atu e fai sana feʻaulata i le pā,+ ma sē e leai se fesoasoani ma faatauvaa i Isaraelu. 22  Ou te faia lava lou aiga ia pei o le aiga o Ierepoamo+ le atalii o Nepata, ia pei foʻi o le aiga o Paasa+ le atalii o Akia, ona o mea tigā ua e faatigā ai ma faapogaia Isaraelu e agasala.’+ 23  Ua fetalai mai foʻi Ieova e faatatau iā Iesepela e faapea, ‘E ʻaina lava e taʻifau Iesepela i le fanua lea e i Isereelu.+ 24  O se tasi o le aiga o Aapo e oti i le aai, e ʻaina e taʻifau; a o se tasi e oti i le fanua, e ʻaina e manufelelei o le lagi.+ 25  E leai lava se tasi ua tutusa ma Aapo,+ o lē na faatauina atu o ia lava e faia le mea leaga i luma o Ieova, o lē na faaoso+ e lana avā o Iesepela.+ 26  Ua ia faia mea ua matuā leaga i lona mulimuli atu i tupua inosia,+ e pei o mea uma na faia e tagata Amorī o ē na tuliesea e Ieova i luma o le fanauga a Isaraelu.’ ”+ 27  Ina ua faalogo Aapo i ia upu, ona ia saeia lea o ona ofu ma ofu i le ʻie talatala;+ ua ia anapogi foʻi ma taoto pea i le ʻie talatala, ma fesavaliaʻi solo ma le matuā mafatia.+ 28  Ua oo mai le afioga a Ieova iā Elia le Tisepi, e faapea: 29  “Po ua e iloa ua faamaulalo Aapo ona o aʻu?+ Talu ai ua faamaulalo o ia ona o aʻu, ou te lē faaoo ai puapuaga i ona aso.+ Ae ou te faaoo mai puapuaga i lona aiga i aso o lona atalii.”+

Faamatalaga Pito i Lalo