Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 19:1-21

19  Ua taʻu atu e Aapo+ iā Iesepela+ o mea uma na faia e Elia, ma mea uma e uiga i lona fasiotia o perofeta uma i le pelu.+  Ona auina atu lea e Iesepela o se avefeʻau iā Elia, ua faapea atu: “Ia faia e atua+ ma ia latou faaopoopo i ai,+ pe afai e oo atu a taeao i le taimi faapenei, ou te leʻi faia iā te oe e pei o i latou taʻitoʻatasi!”  Ua fefe o ia. Ona tulaʻi lea o ia ma sola ina ia faasaoina ai lona ola+ ma alu atu i Peresepa,+ o le aai o Iuta.+ A ua ia tuua lana auauna i inā.  Ua alu atu o ia i le toafa, ua atoa le aso o lana malaga, ona alu atu lea ma nofo i lalo o le laau o le ratami.+ Ua talosaga atu o ia ina ia oti, ua faapea atu: “Ua lava lea! Ieova e, ia e aveese loʻu ola,+ auā e lē sili atu aʻu i oʻu augātamā.”  Ona taoto lea o ia ma moe i lalo o le laau o le ratami.+ Faauta! ua paʻi+ mai le agelu+ iā te ia. Ona ia fai mai lea iā te ia: “Nofo ia i luga e ʻai.”  Ua vaai atu o ia, ona ia iloa atu lea i tafatafa o lona ulu, o loo iai se falaoa lapotopoto+ i luga o maa aasa, ma se faguvai. Ona ʻai lea o ia ma inu, ona ia toe taoto ai lea.  Mulimuli ane, ona sau faalua lea o le agelu+ ma paʻi mai iā te ia, ua faapea mai: “Nofo ia i luga e ʻai, auā e matuā faigatā le malaga mo oe.”+  Ona nofo lea o ia i luga, ua ʻai ma inu, ma ua alu atu o ia ina ua maua lona malosi mai i na meaʻai mo ao e fā sefulu+ ma pō e fā sefulu, ua oo atu i Horepa, o le mauga o le Atua moni.+  Ua ulu atu o ia i se ana+ ma moe ai i le pō, ae faauta! ua oo mai le afioga a Ieova iā te ia, ua faapea mai: “Elia, o le ā lau mea lenā e fai i inā?”+ 10  Ona ia fai atu lea: “Ua ou matuā maelega+ ona o Ieova le Atua o ʻau; auā ua tuua e le fanauga a Isaraelu lau feagaiga,+ ua latou talepe i lalo+ ou fata faitaulaga, ma ua latou fasiotia i le pelu au perofeta,+ e na o aʻu lava ua totoe;+ ua latou saʻili foʻi e fasioti iā te aʻu.”+ 11  A ua fetalai mai le Atua: “Ia e alu i fafo ma tū i luga o le mauga i luma o Ieova.”+ Faauta! ua afio ane Ieova,+ ona agi mai lea o le matagi tele ma le malosi, ma ua lepetia ai mauga ma māvaevae ai papa i luma o Ieova.+ (Ae e leʻi iai Ieova i le matagi.) Ua mavae le matagi, ona iai lea o le mafuiʻe.+ (Ae e leʻi iai Ieova i le mafuiʻe.) 12  Ua mavae le mafuiʻe, ona iai lea o le afi.+ (Ae e leʻi iai Ieova i le afi.) Ua mavae le afi, ona iai lea o se leo itiiti  e toʻafilemu.+ 13  Ae ina ua faalogo i ai Elia, ona ia ufiufi loa lea o ona mata i lona ofu tele,+ ma alu atu i fafo ma tū i le gutu o le ana; faauta! ua oo mai le leo iā te ia, ua faapea mai: “Elia, o le ā lau mea lenā e fai i inā?”+ 14  Ona ia fai atu lea: “Ua ou matuā maelega ona o Ieova le Atua o ʻau; auā ua tuua e le fanauga a Isaraelu lau feagaiga,+ ua latou talepe i lalo ou fata faitaulaga, ma ua latou fasiotia i le pelu au perofeta, e na o aʻu lava ua totoe; ua latou saʻili foʻi e fasioti iā te aʻu.”+ 15  Ona fetalai mai lea o Ieova iā te ia: “Inā alu ia ma foʻi atu i lou ala i le toafa o Tamaseko;+ ia e alu atu ma faauu+ Asaeli+ e fai ma tupu o Suria. 16  E te faauuina Ieu+ le atalii o le atalii o Nimesi+ e fai ma tupu o Isaraelu; ae e te faauuina Elisaia+ le atalii o Safata mai i Apelemeola+ e fai ma perofeta e sui iā te oe.+ 17  O le mea lea ia faapea ona fai, o sē e sao mai i le pelu a Asaeli,+ e fasiotia e Ieu;+ ma o sē e sao mai i le pelu a Ieu, e fasiotia e Elisaia.+ 18  Ua ou faatotoeina foʻi le toʻafitu afe i Isaraelu,+ o i latou uma e leʻi tootutuli iā Paala,+ ma i latou uma foʻi e leʻi sogi+ atu iā te ia.” 19  Ona alu atu lea o ia mai i inā, ma maua Elisaia le atalii o Safata o suatia le eleele+ i povi taʻilua e sefulu lua o loo muamua atu i ona luma, ma sa iai o ia ma le sefulu lua. Ona ui atu lea o Elia ma alu atu iā te ia, ma lafo atu lona ofu tele+ i ona luga. 20  Ona ia tuua lea o povi ma tuliloa mai iā Elia, ua ia fai mai: “Faamolemole, ia tuu mai aʻu seʻi oʻu sogi i loʻu tamā ma loʻu tinā.+ Ona ou mulimuli atu lea iā te oe.” Ona ia fai atu lea iā te ia: “Inā toe foʻi ia; auā o le ā se mea ua ou faia iā te oe?” 21  Ona toe foʻi lea o ia mai i le mulimuli atu iā te ia, ua ave foʻi o povi poʻa e lua ma fai ai le taulaga,+ ua ia tunu tino o povi i fafie mai i laau o le suōtosina ma le amo o povi+ ma avatu i le nuu, ona aai ai lea o i latou. Ona tulaʻi lea o ia, ua mulimuli atu iā Elia ma auauna+ iā te ia.

Faamatalaga Pito i Lalo