Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 17:1-24

17  Ua fai atu Elia+ le Tisepi, o se tagata mai i Kiliata,+ iā Aapo: “O loo soifua+ Ieova le Atua o Isaraelu, o lē o loo ou tū ai nei i ona luma,+ o le a leai se sau po o se timu+ i nei tausaga, seʻi vaganā lava ua ou fai atu ai!”+  Ona oo mai lea o le afioga+ a Ieova iā te ia, e faapea:  “Inā alu ia, ma e agaʻi atu i le itu i sasaʻe ma lafi+ ai i le ālia o Kirita, i le itu i sasaʻe o Ioritana.  E te inu mai i le ālia,+ ma ou te poloaʻi atu foʻi i manulele o oreva+ e latou te avatu meaʻai iā te oe i inā.”+  Ona alu loa lea o ia ma faia e tusa ma le afioga a Ieova,+ ua ia alu ma nofo i tafatafa o le ālia o Kirita, i le itu i sasaʻe o Ioritana.  Ua aumai e oreva iā te ia o falaoa ma aano o manu i le taeao, o falaoa ma aano o manu i le afiafi, ma ua inu foʻi o ia mai i le ālia.+  Ae ina ua mavae ni nai aso, ona mātūtū ai lea o le ālia,+ auā e leʻi iai se timu i luga o le laueleele.  Ua oo mai le afioga a Ieova iā te ia, e faapea:+  “Inā tulaʻi ia, ma alu atu i Sarefata+ o le aai o Saitonu, ma e nofo ai i inā. Faauta! ou te poloaʻi atu i se fafine ua oti lana tane o i inā, e saunia mo oe se meaʻai.” 10  Ona tulaʻi lea o ia ma alu atu i Sarefata, ina ua oo atu i le faitotoʻa o le aai; faauta! o loo iai se fafine ua oti lana tane, o loo fai fafie. Ua valaau atu o ia i le fafine, ma faapea atu: “Inā aumai ia sina ipu vai seʻi oʻu inu ai.”+ 11  Ae ina ua alu o ia e aumai se ipu vai, ona ia toe valaau atu lea iā te ia e faapea: “Faamolemole, seʻi uu mai lava ma sina fasi falaoa+ ma aʻu.” 12  Ona ia faapea mai lea: “O loo soifua Ieova lou Atua,+ e leai saʻu falaoa lapotopoto,+ ua na o se luuga+ o falaoamata o loo i le fagu lapoʻa, ma sina suāuu+ o loo i le fagu laʻitiiti; o lea ou te sau e fai atu ni nai fafie, e sauni ai se mea mo i maʻua ma laʻu tama, e ma te aai ai ona ma oti ai lea.”+ 13  Ona fai atu lea o Elia iā te ia: “Aua e te fefe.+ Inā alu ia ma fai e tusa ma lau upu. Ae muamua lava ia e faia se tamaʻi falaoa lapotopoto mo aʻu i mea o iai,+ ma aumai iā te aʻu, ae mulimuli ane ona e faia lea o se mea mo oe ma lau tama. 14  Auā o le mea lenei ua fetalai mai ai Ieova le Atua o Isaraelu, ‘E lē uma le falaoamata i le fagu lapoʻa, e lē faaitiitia foʻi le suāuu i le fagu laʻitiiti, seʻia oo i le aso e faatotō ifo ai e Ieova le timu i luga o le laueleele.’ ”+ 15  Ona alu lea o ia ma faia e tusa o upu a Elia; ua aai pea o ia faatasi ma Elia, ma lona aiga, mo aso e tele.+ 16  E leʻi uma lava le falaoamata i le fagu lapoʻa, e leʻi faaitiitia foʻi le suāuu i le fagu laʻitiiti,+ e tusa ai ma le afioga a Ieova na ia fetalai atu ai e ala iā Elia. 17  Ae ina ua mavae nei mea, ona maʻi ai lea o le tama a le fafine, o le matai fafine o le aiga, ma ua matuā tigāina lava lona maʻi, ua lē toe iai se mānava iā te ia.+ 18  Ona ia fai mai lea iā Elia: “Le tagata e, o le Atua moni, aiseā ua e faia ai lenei mea iā te aʻu?+ Ua e sau e faamanatu+ mai i aʻu mea sesē, ma faaoo ai le oti i laʻu tama.” 19  A ua ia fai atu iā te ia: “Aumai lau tama iā te aʻu.” Ona ia aumai lea o le tama mai i lona fatafata ma ave aʻe o ia i le potu pito i luga+ lea e nofo ai o ia, ma faataoto o ia i luga o lona moega.+ 20  Ona ia valaau atu lea iā Ieova ma faapea atu: “Ieova e, loʻu Atua,+ po ua e faatigā ea foʻi i lenei fafine ua oti lana tane, o lē o loo ou aumau ai i le faaooina o le oti i lana tama?” 21  Ona ia faō faatolu lea i luga o le tamaitiiti+ ma valaau atu iā Ieova e faapea: “Ieova e, loʻu Atua, faamolemole ia e toe faafoʻisia mai le ola+ o lenei tamaitiiti.” 22  Ua faafofoga foʻi Ieova i le leo o Elia,+ ua toe faafoʻisia ai le ola o le tamaitiiti, ma ua ola ai.+ 23  Ona ave ifo lea e Elia o le tamaitiiti mai i le potu pito i luga o le fale ma tuu atu o ia i lona tinā; ua faapea atu Elia: “Tagaʻi o lea ua ola lau tama.”+ 24  Ua fai mai le fafine iā Elia: “O lenei, ua ou iloa o oe lava o le tagata o le Atua,+ ma e moni foʻi le afioga a Ieova ua e fai mai ai.”+

Faamatalaga Pito i Lalo