Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 15:1-34

15  O le tausaga lona sefulu valu o le nofoaiga a le Tupu o Ierepoamo+ le atalii o Nepata,+ na fai ai Aviama ma tupu i Iuta.+  E tolu tausaga na pule ai o ia i Ierusalema; ma o le igoa o lona tinā o Maaka,+ o le tama a le afafine o Apisaloma.+  Na savali o ia i agasala uma na faia e lona tamā na muamua iā te ia; e leʻi atoatoa+ foʻi lona loto iā Ieova lona Atua, e pei o le loto o lona augātamā o Tavita.+  Ae ona o Tavita,+ na foaʻi mai ai e Ieova lona Atua iā te ia se molī+ i Ierusalema, i le faatūina o lona atalii ina ua mavae atu o ia ma le faatumauina pea o Ierusalema,+  auā na faia e Tavita le mea tonu i luma o Ieova, e leʻi liliuese foʻi o ia mai i mea uma na Ia poloaʻi mai ai iā te ia i aso uma o lona ola,+ ua na o le mea na ia faia iā Uria le sa Hetī.+  Ua faia pea le taua i le va o Reopoamo ma Ierepoamo i aso uma o lona ola.+  A o le olaga uma o Aviama ma mea uma na ia faia, po ua lē o tusia ea i le tusi+ e faatatau i olaga o tupu o Iuta? Sa faia foʻi le taua i le va o Aviama ma Ierepoamo.+  Mulimuli ane, ua taoto Aviama faatasi ma ona augātamā, ua latou tanu foʻi o ia i le Aai a Tavita;+ ona pule lea o lona atalii o Asa+ e sui iā te ia.  O le tausaga lona lua sefulu o le pulega a Ierepoamo le tupu o Isaraelu, na pule ai Asa e fai ma tupu o Iuta. 10  E fā sefulu tasi tausaga na pule ai o ia i Ierusalema; o le igoa o le tinā o lona tinā o Maaka,+ o le tama a le afafine o Apisaloma.+ 11  Ua faia e Asa le mea tonu i le silafaga a Ieova, e pei o Tavita lona augātamā.+ 12  Na ia aveesea mai i le nuu+ o tamāloloa talitane i le malumalu, ma aveesea tupua inosia+ na faia e ona augātamā.+ 13  A o Maaka+ le tinā o lona tinā, ua aveesea e Asa lona tulaga o se tamaʻitaʻi tāua,+ auā ua ia faia se tupua matagā+ e tapuaʻi ai i le pou paia; ona tā lea i lalo e Asa o lana tupua matagā, ma susunu+ i le ālia o Ketarono.+ 14  E na te leʻi aveesea+ mea maualuluga.+ Ae peitaʻi, ua atoatoa le loto o Asa iā Ieova i ona aso uma.+ 15  Ua ia aumaia foʻi mea na faapaiaina e lona tamā, ma mea na ia faapaiaina i le fale o Ieova, o siliva, o auro, ma isi ipu.+ 16  Sa faia foʻi le taua i le va o Asa ma Paasa+ le tupu o Isaraelu i o la aso uma. 17  Ona alu aʻe lea o Paasa le tupu o Isaraelu e tau ma Iuta, ma ia fausia Rama,+ ina ia leai se tasi e mafai ona alu i fafo pe sau i totonu iā Asa le tupu o Iuta.+ 18  Ona tago lea o Asa i siliva uma ma auro na totoe i ʻoa o le fale o Ieova, ma ʻoa o le fale o le tupu, ma tuu atu i lima o ana auauna; ua aauina atu e le Tupu o Asa i latou iā Peniata+ le atalii o Taperimoni le atalii o Hesiona le tupu o Suria,+ o lē na nofo i Tamaseko,+ ua faapea atu: 19  “O loo iai se feagaiga i lo taʻua va, ma le va foʻi o loʻu tamā ma lou tamā. O lenei, ua ou avatu iā te oe meaalofa+ o siliva ma auro. Inā maliu mai ia e tatala la oulua feagaiga ma Paasa le tupu o Isaraelu, ina ia alu ese ai o ia mai iā te aʻu.”+ 20  Ona faalogo lea o Peniata i le Tupu o Asa, ua ia aauina atu foʻi taʻitaʻi o ana ʻautau e faasagatau i aai o Isaraelu, ma fasia Iono,+ o Tanu,+ o Apelapete-maaka,+ ma Kinereta uma, e oo atu i le nuu uma o Nafatali.+ 21  Ina ua faalogo i ai Paasa, ona ia tuua loa lea o le fausiaina o Rama,+ a ua nofo pea i Tiresa.+ 22  Ua aami foʻi e le Tupu o Asa o Iuta uma,+ e leai se tasi e leʻi amia, ua latou ave maa o Rama ma laupapa na fausia ai e Paasa; ma ua amata foʻi ona fausia e le Tupu o Asa i ia mea o Kepa+ i Peniamina, ma Mesepa.+ 23  A o le olaga uma o Asa, o lona malosi uma, o mea uma na ia faia, ma aai na ia faia, po ua lē o tusia ea i le tusi+ e faatatau i olaga o tupu o Iuta? Ua oo ina toeaina+ o ia, ona mamaʻi ai lea o ona vae.+ 24  Mulimuli ane, ua taoto Asa faatasi ma ona augātamā,+ ma ua tanu faatasi ma ona augātamā i le Aai a Tavita lona augātamā;+ ona pule lea o Iosefatu+ lona atalii e sui iā te ia. 25  Ua fai Natapu+ le atalii o Ierepoamo ma tupu o Isaraelu, i le tausaga lona lua o le nofoaiga a Asa le tupu o Iuta; ua pule o ia iā Isaraelu mo tausaga e lua. 26  Ua faia pea e ia o mea leaga+ i le silafaga a Ieova, ua savali foʻi o ia i le ala o lona tamā,+ ma lana agasala na ia faapogaia ai ona agasala Isaraelu.+ 27  Ona fouvale lea o Paasa+ le atalii o Akia o le aiga o Isakara faasaga iā te ia; ua fasiotia o ia e Paasa i Kipetonu,+ o le aai o Filisitia, a o osofaʻia e Natapu ma Isaraelu uma o Kipetonu. 28  Ua fasiotia o ia e Paasa i le tausaga lona tolu o le nofoaiga a Asa le tupu o Iuta, ma ua pule ai e sui iā te ia.+ 29  Ina ua fai o ia ma tupu, ona ia fasiotia lea o le aiga uma o Ierepoamo. E na te leʻi faatotoeina foʻi se tagata ola o le aiga o Ierepoamo, seʻia ona faaumatia i latou, e tusa ai ma le afioga a Ieova na ia fetalai mai ai e ala i lana auauna o Akia le Sailo,+ 30  ona o agasala a Ierepoamo na ia agasala ai,+ na ia faapogaia ai Isaraelu e agasala, ma le faatigā na ia faatigā ai iā Ieova le Atua o Isaraelu.+ 31  A o le olaga uma o Natapu ma mea uma na ia faia, po ua lē o tusia ea i le tusi+ e faatatau i olaga o tupu o Isaraelu? 32  Ua faia foʻi le taua i le va o Asa ma Paasa le tupu o Isaraelu i o la aso uma.+ 33  O le tausaga lona tolu o le nofoaiga a Asa le tupu o Iuta, na fai ai Paasa le atalii o Akia ma tupu o Isaraelu uma, i Tiresa mo tausaga e lua sefulu fā.+ 34  Ua faia pea e ia o mea leaga i le silafaga a Ieova,+ ua savali foʻi o ia i le ala o Ierepoamo,+ ma lana agasala na ia faapogaia ai ona agasala Isaraelu.+

Faamatalaga Pito i Lalo