Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 11:1-43

11  Ua alofa le Tupu o Solomona i le toʻatele o ana avā+ mai i nuu ese, atoa ma le afafine o Farao,+ o fafine Moapi,+ o Amoni,+ o Etoma,+ o Saitonu,+ ma sa Hetī,+  o nuu ia na fetalai mai ai Ieova i le fanauga a Isaraelu: “Aua tou te ō atu iā i latou,+ aua foʻi neʻi o latou ō mai iā te outou; auā e moni latou te faaliliuina o outou loto, ina ia mulimuli atu i o latou atua.”+ O i latou na ua matuā+ alofa i ai Solomona.  Ua iā te ia o avā e toʻafitu selau, o purinisese, ma palake e toʻatolu selau; ua faasolosolo mālie+ foʻi ona faaliliuina lona loto e ana avā.  Ua oo ina toeaina+ Solomona, ona faaliliuina+ lea e ana avā o lona loto ina ia mulimuli atu i isi atua;+ ma e leʻi atoatoa+ foʻi lona loto iā Ieova lona Atua, e pei o le loto o Tavita lona tamā.  Ua mulimuli foʻi Solomona iā Asaira+ le atua fafine o tagata Saitonu, ma Melekoma+ le mea inosia a tagata Amoni.  Ua faia e Solomona o mea leaga+ i luma o Ieova, e leʻi matuā mulimuli foʻi o ia iā Ieova e pei o Tavita lona tamā.+  Ona faia lea e Solomona o se mea maualuga+ mo Kimosa+ le mea inosia+ a Moapi, i luga o le mauga+ lea na i luma+ o Ierusalema, faapea foʻi mo Moloka le mea inosia a le fanauga a Amoni.  Ua faapea lava ona ia faia mo ana avā+ uma mai i nuu ese, o ē na faamūina taulaga ma fai ai taulaga i o latou atua.+  Ona toʻatamaʻi+ lea o Ieova iā Solomona, auā ua liliuese lona loto mai iā Ieova le Atua o Isaraelu,+ o lē na faaali faalua mai iā te ia.+ 10  O le mea foʻi lenei na ia poloaʻi mai ai iā te ia e aua neʻi mulimuli i isi atua;+ ae e leʻi tausia e ia le mea na poloaʻi mai ai Ieova. 11  Ona fetalai mai lea o Ieova iā Solomona: “Auā ua e faia lenei mea, ua e lē tausia laʻu feagaiga ma aʻu tulafono na ou poloaʻiina ai oe, o le a ou sasaeese ai le malo mai iā te oe, ma ou tuuina atu i lau auauna.+ 12  Ae peitaʻi, ou te lē faia lenei mea+ i ou aso ona o Tavita lou tamā.+ Ae ou te sasaeese ai mai i lou atalii.+ 13  Ou te lē sasaeese le malo atoa.+ E tasi le ituaiga ou te tuuina atu i lou atalii ona o Tavita laʻu auauna,+ ona o Ierusalema foʻi na ou filifilia.”+ 14  Ona faatūina lea e Ieova o sē e tetee+ iā Solomona,+ o Atata lea, o le tagata Etoma o le fanau a le tupu. Sa i Etoma o ia.+ 15  Ina ua fasiotia e Tavita tagata Etoma,+ ma ina ua alu aʻe Ioapo le taʻitaʻiʻau e tatanu iā i latou na fasiotia, ona ia taumafai lea e fasiotia tane uma i Etoma.+ 16  (E ono masina na nonofo ai i inā Ioapo ma Isaraelu uma, seʻia tafiesea e ia o tane uma i Etoma.) 17  Ua sola ese Atata, o ia faatasi ma nisi tagata Etoma o auauna a lona tamā, ua ō atu i Aikupito a o tamaitiiti Atata. 18  Ona tutulaʻi lea o i latou ma ō ese mai i Mitiana+ ae ō atu i Parana, ua latou ave foʻi tagata mai i Parana+ ma ō atu i Aikupito iā Farao le tupu o Aikupito, o lē na foaʻi mai iā te ia se fale. Na ia foaʻi mai foʻi iā te ia meaʻai ma le fanua. 19  Ua fiafia+ foʻi Farao iā Atata, ma ua ia avatu foʻi iā te ia se avā,+ o le uso o lana avā, o le uso o Tapanesa le masiofo. 20  Ua fanau mai iā te ia e le uso o Tapanesa lona atalii o Kenupata, ua faateʻa foʻi e Tapanesa o ia mai i le susu+ i le fale o Farao; ma sa iai pea Kenupata i le fale o Farao faatasi ma atalii o Farao. 21  Ua faalogo Atata mai i Aikupito ua taoto Tavita faatasi ma ona augātamā,+ ma ua oti foʻi le taʻitaʻiʻau o Ioapo.+ Ona fai atu lea o Atata iā Farao: “Tuu mai aʻu+ seʻi oʻu alu i loʻu nuu.” 22  A ua fai mai Farao: “O le ā ea se mea ua e lē maua a o ta faatasi, ua e manaʻo ai e te alu atu i lou nuu?” Ona faapea atu lea o ia: “E leai se mea; ae ia e tuuina mai loa aʻu ou te alu.” 23  Ua toe faatūina mai foʻi e le Atua se isi e tetee+ iā te ia, o Resona lea, o le atalii o Eliata, o lē na sola ese mai i lona alii o Atatesa+ le tupu o Sopa.+ 24  Ua ia faapotopoto mai pea tagata i lana itu, ma ua avea ai o ia ma taʻitaʻi o le ʻau e faoa mea, ina ua fasiotia i latou e Tavita.+ Ona latou ō atu lea i Tamaseko+ ma nonofo ai i inā, ma pule ai i Tamaseko. 25  Na avea foʻi o ia o sē e tetee iā Isaraelu i aso uma o Solomona,+ e faaopoopo i le mea leaga na faia e Atata; na matuā ʻinoʻino+ foʻi o ia iā Isaraelu a o pule o ia i Suria. 26  Sa iai foʻi Ierepoamo,+ o le atalii o Nepata le tagata Efaraima mai i Seleta, o le auauna a Solomona+ ma o Serua le igoa o lona tinā, o se fafine ua oti lana tane. Na ia fouvale foʻi i le tupu.+ 27  O le mea lenei na fouvale ai o ia i le tupu: na faia e Solomona lava ia le Mea Maupuʻepuʻe.+ Na ia sosoo foʻi le pā o le Aai a Tavita lona tamā.+ 28  O Ierepoamo o se tagata e toa ma malosi.+ Ina ua iloa e Solomona e galue malosi+ le tauleʻaleʻa, ona ia tofia lea o ia e fai ma ovasia+ e vaavaaia galuega mamafa+ uma o le aiga o Iosefa.+ 29  O le taimi lenā na alu ese ai Ierepoamo mai i Ierusalema, na iloa foʻi o ia i le auala e Akia+ le tagata Sailo,+ o le perofeta, o loo ofu Akia i le ofu fou; ua na o i laʻua foʻi i le fanua. 30  Ona tago lea o Akia i le ofu fou o loo ia ofu ai, ma saei+ i vaega e sefulu lua.+ 31  Ua faapea atu o ia iā Ierepoamo: “Inā ave ia ma oe o vaega e sefulu; auā o le mea lenei ua fetalai mai ai Ieova le Atua o Isaraelu, ‘Vaai! ua ou sasaeese le malo mai i le lima o Solomona, ma ou te tuuina atu lava ituaiga e sefulu iā te oe.+ 32  Ae e iā te ia pea le ituaiga+ e tasi, ona o Tavita+ laʻu auauna, ma Ierusalema+ le aai na ou filifilia mai i ituaiga uma o Isaraelu. 33  Talu ai ua latou tuua aʻu+ ae ifo atu iā Asaira+ le atua fafine o tagata Saitonu, ma Kimosa+ le atua o Moapi, ma Melekoma+ le atua o le fanauga a Amoni; ua latou lē savavali foʻi i oʻu ala i le faia o le mea tonu i oʻu luma, ma aʻu tulafono, ma aʻu faamasinoga, e pei o Tavita lona tamā. 34  Ae ou te lē aveesea uma le malo mai i lona lima, auā ou te faia o ia ma taʻitaʻi i aso uma o lona ola, ona o Tavita laʻu auauna na ou filifilia,+ auā na ia tausia aʻu poloaʻiga ma aʻu tulafono. 35  Ae ou te aveesea le tofi o le tupu mai i le lima o lona atalii, ma tuuina atu iā te oe, e oo lava i ituaiga e sefulu.+ 36  Ou te tuuina atu i lona atalii le ituaiga e tasi ona o Tavita laʻu auauna, ina ia iai pea le molī i oʻu luma i Ierusalema,+ o le aai na ou filifilia mo aʻu e tuu ai loʻu igoa.+ 37  Ou te aveina oe, ma e te pule i mea uma e manaʻo i ai lou loto,+ e avea foʻi oe ma tupu iā Isaraelu. 38  Afai foʻi e te usiusitaʻi i mea uma ua ou poloaʻi atu ai iā te oe, ma e savali i oʻu ala, ma faia le mea tonu i oʻu luma i le tausia o aʻu tulafono ma aʻu poloaʻiga, e pei ona faia e Tavita laʻu auauna,+ ou te faatasi lava iā te oe,+ ou te faia foʻi se aiga tumau mo oe, e pei ona ou faia iā Tavita,+ ou te foaʻi atu foʻi iā te oe Isaraelu. 39  Ou te faamāina foʻi le fanau a Tavita ona o lenei mea,+ ae e lē faaauau ai.’ ”+ 40  Ua lamalama Solomona e fasiotia Ierepoamo.+ Ona tulaʻi lea o Ierepoamo ma sola+ atu i Aikupito, iā Sesaka+ le tupu o Aikupito, ua iai pea o ia i Aikupito seʻia oo ina oti Solomona. 41  A o le olaga uma o Solomona, o mea uma na ia faia ma lona atamai, po ua lē o tusia ea i le tusi o le olaga o Solomona? 42  E fā sefulu tausaga na pule ai Solomona i Ierusalema iā Isaraelu uma.+ 43  Ona taoto lea o Solomona faatasi ma ona augātamā,+ ua tanu i le Aai a Tavita+ lona tamā; ma ua pule foʻi Reopoamo+ lona atalii e sui iā te ia.

Faamatalaga Pito i Lalo