Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tupu 10:1-29

10  Ua faalogo le tupu tamaʻitaʻi o Seepa+ i le tala e uiga iā Solomona, ona o le suafa o Ieova.+ Ona ia sau ai lea e tofotofo iā te ia i fesili faigatā.+  Mulimuli ane, ua ia taunuu i Ierusalema ma se ʻaumalaga e matuā toʻatele lava,+ o kamela+ o loo aumai ai suāuu pasama,+ o auro e matuā tele ma maa tāua; ua ia sau iā Solomona ma tautala mai iā te ia i mea uma ua naunau i ai lona loto.+  Ona taʻu atu lea e Solomona iā te ia o tali uma o ana fesili.+ E leai se tali na natia e le tupu, ua ia taʻu atu mea uma iā te ia.+  Ina ua iloa e le tupu tamaʻitaʻi o Seepa le atamai uma o Solomona,+ ma le fale na ia faia,+  o meaʻai o i lana laoai,+ o le nonofo a ana auauna i le laulau, o le tautua o ana auauna, o o latou ofu, o ana meainu,+ o ana taulaga mū e faia e lē aunoa i le fale o Ieova, ona vaivai ai lea o ia.+  Ona ia fai mai lea i le tupu: “Ua moni lava upu na ou faalogo ai i loʻu nuu e uiga i au upu ma lou atamai.+  Ou te leʻi talitonu i na upu seʻia ou sau ma vaai i ai oʻu mata; faauta! e itiiti lava mea na taʻu atu iā te aʻu.+ Ua matuā sili atu lava lou atamai, ma lou manuia i mea na ou faalogo i ai.+  E fiafia ou tagata;+ e fiafia+ foʻi au auauna o ē o loo tutū e lē aunoa i ou luma, ma faalogo i lou atamai!+  Ia viia Ieova lou Atua,+ o lē ua fiafia+ mai iā te oe i lona faanofo o oe i le nofoālii o Isaraelu;+ auā e alofa Ieova iā Isaraelu i aso uma lava,+ ua ia tofia ai oe e fai ma tupu+ ina ia e faia faamasinoga+ ma le amiotonu.”+ 10  Ona ia foaʻi+ mai lea i le tupu o taleni auro+ e selau lua sefulu, ma le matuā tele lava o suāuu pasama,+ ma maa tāua. E leʻi toe aumaia lava le tele o suāuu pasama e pei o ia na foaʻi mai e le tupu tamaʻitaʻi o Seepa i le Tupu o Solomona. 11  O le fuāvaa+ a Hiramo na aumai ai auro mai i Ofeira,+ na aumai ai foʻi mai i Ofeira o laupapa alemuka+ e matuā tele lava ma maa tāua.+ 12  Ona faia lea e le tupu mai i laupapa alemuka o lagolago mo le fale o Ieova+ ma le fale o le tupu, atoa foʻi ma kitara,*+ ma meafaifaaili e iai uaua+ mo tagata pepese. E leʻi toe aumaia lava ni laupapa alemuka e pei o ia, ma e lē o toe vaaia foʻi ni laupapa faapena e oo mai i aso nei. 13  Ua foaʻi atu foʻi e le Tupu o Solomona i le tupu tamaʻitaʻi o Seepa, o mea uma na fiafia i ai o ia, o mea na ia talosaga mai i ai, ae e lē taulia ai mea na foaʻi atu e le Tupu o Solomona iā te ia, ona o lona limafoaʻi.+ Mulimuli ane, ona liliu atu lea o ia ma toe foʻi i lona nuu, o ia faatasi ma ana auauna.+ 14  O le mamafa o le auro+ na aumaia iā Solomona i tausaga taʻitasi, e ono selau ma le ono sefulu ono taleni auro,+ 15  ae e lē taulia ai tagata femalagaaʻi ma polofiti mai i tagata fefaatauaʻi, o tupu+ uma o Arapi,+ ma kovana o le nuu. 16  Ua faia foʻi e le Tupu o Solomona i auro ua saunia faapitoa+ o talipupuni tetele e lua selau (e ono selau sekeli auro na ia ufiufi ai luga o talipupuni tetele taʻitasi),+ 17  ma talita e tolu selau e faia i auro ua saunia faapitoa (e tolu mina auro na ia ufiufi ai luga o talita taʻitasi).+ Ona tuu lea e le tupu o na mea i le Fale o le Vaomatua o Lepanona.+ 18  Ua faia foʻi e le tupu se nofoālii+ tele i nifo elefane,+ ma ufitia i auro ua faamamāina.+ 19  E ono faasitepu i le nofoālii, ma i tua o le nofoālii e iai se mea faaofuofu, e iai foʻi faalagolago o lima i le isi itu ma le isi itu i le mea e nofo ai, e tutū ai foʻi faatusa e lua o leona+ i tafatafa o faalagolago o lima.+ 20  E sefulu lua faatusa o leona o loo tutū ai i le isi itu ma le isi itu o faasitepu e ono. E leai lava se isi malo na faia se mea faapea.+ 21  O ipu inu uma foʻi a le Tupu o Solomona o auro ia, o auro māoʻi+ foʻi ipu uma lava o le Fale o le Vaomatua o Lepanona.+ E leai se mea siliva na iai; i aso o Solomona na manatu ai o mea siliva e matuā faatauvaa lava. 22  Na iai i le tupu le fuāvaa o Tasesa+ i le sami faatasi ma le fuāvaa o Hiramo. E faatasi i tausaga taʻitolu ona sau le fuāvaa o Tasesa ma aumai auro,+ o siliva, o nifo elefane,+ o manukī ma tuki.* 23  Na sili atu le Tupu o Solomona i ʻoa+ ma le atamai+ nai lo o isi tupu uma o le lalolagi. 24  Ua saʻili foʻi nuu uma o le lalolagi e fia vāai iā Solomona, ina ia faalogo i le atamai na tuuina e le Atua i lona loto.+ 25  I tausaga taʻitasi+ e latou te aumaia ai e taʻitasi ma lana meaalofa+ o mea siliva,+ o mea auro, o ofu, o auupega,+ o suāuu pasama, o solofanua ma asini.*+ 26  Ua faapotopoto mai pea e Solomona o isi kariota ma solofanua; ua iā te ia o kariota e afe fā selau, ma solofanua e sefulu lua afe,+ ua ia tuuina foʻi na mea i aai o kariota e latalata ane i le tupu i Ierusalema.+ 27  Ua faia e le tupu o mea siliva i Ierusalema ia pei o maa,+ ua ia faia foʻi laupapa arasi ia pei o laau o le sukamoru i vaipanoa o le Sefila, ua matuā tele lava.+ 28  Na aumai e Solomona solofanua mai i Aikupito, ma na ave foʻi e le ʻaufaatauʻoa a le tupu o solofanua i se tau.+ 29  E masani ona ave aʻe se kariota mai i Aikupito ma faatau atu ai mo tupe siliva e ono selau, ma se solofanua i tupe siliva e selau lima sefulu; na faapena ona faia e tupu uma o tagata Hetī+ ma tupu o Suria. O i latou na ala mai ai a latou fefaatauaʻiga.

Faamatalaga Pito i Lalo

O se meafaifaaili anamua e ese mai i le kitara i aso nei. O le upu Peretania, o le harp.
O le manu fai apaʻau e pei o le pīpī. O le upu faa-Peretania, o le peacock.
Po o le “miula,” lea e maua mai i le upu Eperu e faasino atu i le tama a le asini poʻa ma le solofanua fafine.