Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Timoteo 5:1-25

5  Aua le soona faitio i se toeaina.+ A ia ʻaiʻoi atu iā te ia e pei o sou tamā, o tane talavou foʻi e pei o ni ou uso,  o fafine matutua+ e pei o ni ou tinā, o fafine lāiti e pei o ni ou tuafāfine+ i le amio mamā.  Ia āva i fafine ua oti a latou tane, ae e leai nisi e tausia i latou.+  Ae afai e iai se fanau a se fafine ua oti lana tane, po o fanau a lana fanau, ia muamua ona aʻoaʻoina i latou ia faamaoni i le Atua i o latou lava aiga,+ ma taui atu pea e tusa ai ma le mea e tatau mo o latou mātua,+ ma mātua o o latou mātua, auā o le mea lelei lea i le silafaga a le Atua.+  O le fafine mativa+ ua oti lana tane, ua faamoemoe o ia i le Atua,+ ma ua finafinau o ia i talosaga ma tatalo i pō ma ao.+  A o le fafine e manaʻo e faamalie tuʻinanauga o le tino,+ e oti+ o ia e ui ina ola.  O lea ia tuuina atu pea nei poloaʻiga,+ ina ia lē taʻuleagaina i latou.+  O le mea moni, afai e lē tausi e se tasi i ē e tatau ona ia tausia,+ aemaise lava tagata o lona aiga,+ ua faafitia+ e ia le faatuatua,+ ma e sili lona leaga i lo le tagata e lē faatuatua.  Ia faitaulia se fafine ua oti lana tane, ua silia i le ono sefulu ona tausaga, sa toʻatasi foʻi lana tane,+ 10  e molimau ana galuega lelei+ iā te ia, pe afai na ia tausia se fanau,+ pe afai na ia talimālō i tagata ese,+ pe afai na ia fufuluina vae o le ʻaupaia,+ pe afai foʻi na ia fesoasoani i ē na puapuagatia,+ ma pe afai na ia filigā i galuega lelei uma.+ 11  Ae peitaʻi, aua le talia fafine lāiti ua oti a latou tane, auā afai e oso aʻe o latou tuʻinanauga i feusuaʻiga ma faalavelavea ai la latou faiā ma Keriso,+ ona fia faaipoipo lea o i latou, 12  ua faasalaina i latou auā ua latou lafoaʻia mea na latou uluaʻi faatuatua i ai.+ 13  E lē na o lea e masani foʻi ona leai ni a latou mea e fai, ae e feoaʻi solo i fale, ioe, e lē na o le leai o ni mea e fai, ae ua faitatala foʻi ma isuisu fua i mataupu a isi tagata,+ ma tautatala fua i mea e lē tatau ona latou tautatala i ai. 14  O le mea lea, ou te manaʻo ia faaipoipo fafine lāiti ua oti a latou tane,+ ia fai ni a latou fanau,+ ia tausia se aiga, ma ia lē tuuina atu ai i lē e tetee se mea e upuleaga ai iā i tatou.+ 15  O le mea moni, ua liliuese nisi ma mulimuli iā Satani. 16  Afai e iai se fafine talitonu e aiga i ni fafine ua oti a latou tane, ia fesoasoani o ia iā i latou,+ ma ia aua neʻi avea ma avega mamafa i le faapotopotoga. Ina ia mafai ai ona fesoasoani atu le faapotopotoga iā i latou ua oti a latou tane, o ē ua matuā manaʻomia ni mea.+ 17  O toeaina o ē o loo avea ma taʻimua lelei,+ e tatau ona faaluaina i ai le āva,+ aemaise i latou e galulue mamafa i le upu ma le aʻoaʻo atu.+ 18  Auā ua tusia i le tusitusiga paia: “Aua e te fusi le gutu o le povi poʻa a o solisolia le saito”;+ ma: “E tatau le totogi i le tagata faigaluega.”+ 19  Aua neʻi talia se tuuaʻiga faasaga i se toeaina, seʻiloga ua faamaonia i molimau a se toʻalua po o se toʻatolu.+ 20  Ia aʻoaʻi+ i luma o tagata uma o ē faia pea le agasala,+ ina ia fefefe+ ai isi ma lē faia ai le agasala. 21  Ou te matuā fai atu iā te outou i luma o le Atua ma Keriso Iesu,+ ma agelu ua filifilia, ina ia tausi i nei mea e aunoa ma le muaʻi faia o se faaiʻuga, ia aua foʻi le faaʻauʻau.+ 22  Aua lava neʻi vave faaee atu ou lima+ i se tagata;+ aua foʻi e te aafia i agasala a isi;+ a ia tausia lou tulaga mamā.+ 23  Aua neʻi e toe inu i se vai, a ia faaaogā sina uaina itiiti+ mo lou manava, ma lou maʻi e tupu soo. 24  Ua faaalia i luma o tagata agasala a nisi,+ ma faamasinoina ai loa, ae o isi tagata ua faaalia mulimuli ane a latou agasala.+ 25  E faapea foʻi ona faaalia galuega lelei i luma o tagata,+ e tusa lava pe e lē iloa e tagata, ae e lē mafai lava ona natia na galuega lelei.+

Faamatalaga Pito i Lalo