Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tesalonia 5:1-28

5  A o taimi ma tau o tausaga+ le ʻauuso e, e lē tatau ona ou tusi atu ai iā te outou.  Auā ua outou iloa lelei, e oo mai lava le aso o Ieova+ e pei o se gaoi i le pō.+  Pe a latou+ faapea ane: “Ua filemu+ ma saogalemu!” ona oo faafuaseʻi mai loa lea o le faaumatiaga+ iā i latou, e pei o le tigā o le fafine tō+ o le a fanau; ma e latou te lē sao ai lava.+  A o outou uso e, tou te lē o i le pōuliuli+ ina neʻi maua mai outou e lenā aso, e pei ona maua o tagata gaoi+ pe a malamalama,  auā o outou uma o atalii o le malamalama+ ma atalii o le ao.+ E lē o i tatou o ni tagata o le pō, po o tagata o le pōuliuli.+  O le mea lea, aua neʻi o tatou momoe+ pea e faapei o isi,+ ae ia tatou mataala+ ma faaauau ona mafaufau lelei.+  Auā o i latou o loo momoe+ e masani ona momoe i le pō,+ ma o i latou e onanā e masani ona onanā i le pō.  A o i tatou o tagata o le ao, ia faaauau ona tatou mafaufau lelei ma ia tatou oofu i le ufifatafata+ o le faatuatua+ ma le alofa, atoa ma le puloutau+ o le faamoemoe i le faaolataga;+  auā e leʻi filifilia i tatou e le Atua mo le toʻasā,+ a ia maua le faaolataga+ e ala i lo tatou Alii o Iesu Keriso.+ 10  Na maliu o ia mo i tatou,+ auā e tusa lava pe tatou te feala pe momoe, ae o le a tatou ola faatasi ma ia.+ 11  O le mea lea, ia outou fefaamāfanafanaaʻi ai pea ma atiaʻe e le tasi le isi,+ e pei lava ona outou faia nei.+ 12  O lenei le ʻauuso e, ua matou talosaga atu iā te outou, ia outou manatu mamafa i ē o loo galulue fitā mo outou, ma vaavaaia+ outou i le galuega a le Alii, ma apoapoaʻi atu iā te outou; 13  ma ia matuā faaaloalo iā i latou ma le alofa ona o la latou galuega.+ Ia outou tausia pea le filemu.+ 14  Uso e, matou te ʻaiʻoi atu ina ia apoapoaʻi i ē faalogogatā,+ ia faamāfanafana i ē mafatia,+ ia fesoasoani i ē vaivai, ma ia faapalepale+ i tagata uma lava. 15  Aua neʻi taui atu e se tasi o outou le leaga i le leaga i se tasi,+ ae ia tausisi pea e faia le mea lelei e le tasi i le isi, atoa ma isi tagata uma lava.+ 16  Ia olioli pea.+ 17  Ia tatalo e lē aunoa.+ 18  Ia faafetai+ i mea uma lava. Auā o le finagalo lea o le Atua mo outou e ala iā Keriso Iesu. 19  Aua neʻi outou tineia le mumū o le agaga.+ 20  Aua le manatu faatauvaa i valoaga.+ 21  Ia tofotofo+ i mea uma; ia taofimau i le mea e lelei.+ 22  Ia faamamao mai i mea leaga eseese uma.+ 23  Tau ina ia faapaia+ atoatoa outou e le Atua o le filemu.+ Uso e, tau ina ia faasaoina ma ia lē taʻuleagaina lo outou agaga, o le ola, atoa ma le tino, i le faatasi mai o lo tatou Alii o Iesu Keriso.+ 24  O lē na valaauina outou, e faamaoni lava, ma e na te faia foʻi lea mea. 25  Uso e, ia faaauau ona outou tatalo mo i matou.+ 26  Ia faafeiloaʻi uso uma i le sogi paia.+ 27  Ua ou tuu atu iā te outou lenei tiute tauave mai i le Alii, ia faitau atu lenei tusi i uso uma lava.+ 28  Ia iā te outou le agalelei faifua+ o lo tatou Alii o Iesu Keriso.

Faamatalaga Pito i Lalo