Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tesalonia 2:1-20

2  Ua outou iloa lelei le ʻauuso e, e leʻi iʻuvale+ la matou asiasiga+ iā te outou,  ae peitaʻi, e ui ina muamua ona matou puapuagatia+ ma faileagaina ma le lē mafaufau+ i Filipi,+ (e pei ona outou iloa) ae na mafai ona matou lototetele ona o lo tatou Atua, ina ia taʻu+ atu iā te outou le tala lelei a le Atua ma le finafinau tele.  Auā o apoapoaʻiga matou te avatu, e lē sau mai i ni manatu sesē, po o amioga lē mamā,+ ma e lē o se mea pepelo foʻi,  ae e pei ona faamaonia i matou e le Atua o ē e tatau i ai le avega tauave+ o le talaʻia o le tala lelei, o lea matou te tautatala atu ai, e lē ina ia faafiafia+ ai tagata, a o le Atua o lē e suʻesuʻe i o matou loto.+  E moni, ua silafia e le Atua, e leai lava se taimi matou te ō atu ai ma faia ni upu taufaasee,+ (e pei ona outou iloa) pe e faafoliga+ amiotonu ae o loo mananaʻo tele!+  E matou te leʻi saʻilia le mamalu mai i tagata,+ po o outou, po o isi foʻi. E ui ina mafai ona matou faatigāina iā te outou,+ o ni aposetolo o Keriso.  E leai, ae na matou faapelepele iā te outou, e pei ona tausi faapelepele+ e se failele o lana fanau.  O lea la, ona o le alofa māfana iā te outou,+ sa matou matuā fiafia ai e avatu iā te outou e lē na o le tala lelei a le Atua, ae faapea foʻi ma o matou ola,+ auā ua matou alolofa+ iā te outou.  Le ʻauuso e, e moni, ua outou manatua a matou galuega mamafa ma le tigā. Na matou galulue+ ai i le pō ma le ao, ina neʻi faatigāina so o se tasi o outou,+ a o matou talaʻia atu le tala lelei a le Atua iā te outou. 10  O outou o molimau, e faapena foʻi le Atua, na matou faamaoni, amiotonu, ma le lē taʻuleagaina,+ ina ua matou faatasi ma outou o ē e talitonu. 11  E tusa ai ma lea mea, ua outou iloa lelei, e pei o se tamā+ i lana fanau, e faapena foʻi ona matou apoapoaʻi+ atu pea iā te outou taʻitoʻatasi, ma faamāfanafana atu ma uunaʻia ai outou, 12  ina ia outou savavali+ e tatau ma le silafaga a le Atua, o lē na valaauina+ outou i lona malo+ ma lona mamalu. 13  O le mea lea, ua matou faafetai+ ai e lē aunoa i le Atua, auā ina ua outou maua le afioga a le Atua,+ na outou faalogo ai mai iā i matou, ona outou talia lea, e lē o le upu a tagata,+ a o le mea moni, o le afioga a le Atua, o loo galue foʻi iā te outou o ē e talitonu.+ 14  Auā le ʻauuso e, sa outou faaaʻoaʻo i faapotopotoga a le Atua o loo i Iutaia, o ē ua autasi ma Keriso Iesu, auā na outou puapuagatia+ i lima o tagata o lo outou lava atunuu, o mea foʻi ia o loo faapuapuagatia ai i latou i lima o tagata Iutaia, 15  o ē na fasiotia le Alii o Iesu+ ma le ʻauperofeta,+ ma sauā foʻi iā i matou.+ E latou te lē o faafiafiaina foʻi le Atua, ae ua latou faasagatau i mea e aogā i tagata uma, 16  ua latou taumafai e faasā+ i matou mai i le talaʻi atu i tagata o nuu ese ina ia faaolaina+ ai i latou, a ua faaauau pea ona latou faia le tele+ o agasala. A ua iʻu ai ina oo mai lona toʻasā i luga iā i latou.+ 17  O i matou foʻi, le ʻauuso e, ina ua faamalosia i matou e tuua outou mo sina taimi i le tino, ae lē o le loto, na atili ai ona matou taumafai e toe feiloaʻi ma outou, ona o lo matou naunautaʻiga lea.+ 18  O le mea lea na matou mananaʻo ai e ō atu iā te outou, o aʻu lava o Paulo, e lē faatasi ae e faalua ona matou fia ō atu, ae na faasalavei e Satani la matou malaga. 19  O le ā lo matou faamoemoe, ma le olioli, ma le pale+ e mitamita ai i luma o lo tatou Alii o Iesu i lona faatasi mai? Pe e lē o outou ea?+ 20  E moni lava, o outou o lo matou mamalu ma lo matou olioli.

Faamatalaga Pito i Lalo