Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Tesalonia 1:1-10

1  O i matou o Paulo, o Siluano*+ ma Timoteo,+ o le tusi lenei i le faapotopotoga i Tesalonia, o ē ua autasi+ i le Atua le Tamā ma le Alii o Iesu Keriso: Tau ina ia iā te outou le agalelei faifua ma le filemu mai i le Atua.+  E matou te faafetai e lē aunoa i le Atua pe a matou taʻua outou uma i a matou tatalo,+  ma i le silafaga a lo tatou Atua le Tamā, ua matou manatua ai pea a outou galuega+ o le faatuatua, o lo outou tautigā ma le alofa, ma lo outou tumau ona o le faamoemoe+ i lo tatou Alii o Iesu Keriso.  Le ʻauuso e, ua matou iloa ua filifilia ma alofagia outou e le Atua,+  auā e leʻi oo atu la matou tala lelei iā te outou na o le upu, a o le mana+ ma le agaga paia, atoa ma le matuā mautinoa lava.+ Ua outou iloa foʻi a matou amioga sa faia ona o outou, e mo lo outou lelei;+  ma sa outou faaaʻoaʻo+ iā i matou atoa foʻi ma le Alii,+ auā ua outou taliaina le upu ma le olioli ona o le agaga paia,+ e ui i le tele o puapuaga,+  ona avea ai lea o outou ma faaaʻoaʻo i ē e talitonu uma i Maketonia ma Akaia.  E moni, e lē na o Maketonia ma Akaia na outou talaʻi atu ai le afioga a Ieova,+ ae ua salalau+ atu i mea uma lo outou faatuatua+ i le Atua, ma ua leai sa matou upu e fai atu ai.  Auā ua lē aunoa ona latou faamatala atu lo matou oo atu iā te outou, ma lo outou liliu atu i le Atua mai i tupua,+ ina ia pologa i le Atua soifua+ ma lē e moni,+ 10  ma faatali+ atu i lona Alo mai i le lagi,+ o lē na ia toe faatūina mai i le oti,+ o Iesu lea, o lē na te laveaʻiina i tatou mai i le toʻasā o le Atua o loo faaloloʻi mai.+

Faamatalaga Pito i Lalo

Po o “Sila.”