Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 8:1-22

8  Ua oo ina toeaina Samuelu, ona ia tofia+ lea o ona atalii e fai ma faamasino iā Isaraelu.  O le igoa o lona atalii ulumatua o Ioelu,+ a o le igoa o le lona lua o Avia;+ ua fai i laʻua ma faamasino i Peresepa.  E leʻi savavali ona atalii i ona ala,+ a ua la naunau i polofiti e maua ona o faiga lē saʻo,+ ua la talia foʻi faiga faatogafalea,+ ma faia faamasinoga faapiʻopiʻo.+  Ona faapotopoto faatasi lea o toeaina uma o Isaraelu,+ ma ō mai iā Samuelu i Rama  ua latou fai mai iā te ia: “Faauta! Ua e toeaina, ae e lē o savavali ou atalii i ou ala. O lenei, ia e tofia se tupu+ e faamasino iā i matou e pei o isi nuu uma.”  A ua leaga iā Samuelu lenei mea na latou fai mai ai: “Ia aumai se tupu e faamasino iā i matou,” ona tatalo lea o Samuelu iā Ieova.+  Ona fetalai mai lea o Ieova iā Samuelu:+ “Ia e faalogo i upu a le nuu e tusa ma mea uma ua latou fai atu ai iā te oe;+ auā e lē o oe ua latou tetee i ai, a o aʻu ua latou teena mai i le avea ma o latou tupu.+  O mea uma na latou faia i le aso na ou aveina aʻe ai i latou mai i Aikupito+ e oo mai i le asō, ua latou tuulafoaʻiina aʻu+ ae auauna atu i isi atua,+ e faapea foʻi ona latou faia iā te oe.  O lenei, ia e faalogo i la latou upu. Tau lava ina e matuā lapataʻia i latou, ma ia e taʻu atu i ai mea e manaʻomia e le tupu o le a pulea i latou.”+ 10  Ona faailoa atu lea e Samuelu o upu uma na fetalai mai ai Ieova i le nuu, o ē na talosaga mai iā te ia mo se tupu. 11  Ua ia fai atu: “O mea nei e manaʻomia+ e le tupu o le a pule iā te outou: E na te aveina+ i kariota+ o outou atalii e fai mo ia, faapea foʻi ma ana ʻau e tiʻetiʻe i solofanua,+ e taufetuli foʻi nisi i luma o ana kariota;+ 12  e na te tofia foʻi mo ia o alii e pule i ʻau e taʻitoʻaafe+ ma alii e pule i ʻau e taʻitoʻalima sefulu,+ o nisi e suatia lona fanua+ ma selesele lana seleselega,+ ma faia ana auupega o le taua+ ma auupega o ana kariota.+ 13  E ave foʻi e ia o o outou afafine ina ia faia uu manogi, ma kuka, ma ē e faifalaoa.+ 14  E na te aveina foʻi o outou fanua, ma togāvine,+ ma togāolive+ e sili ona lelei ma foaʻi atu i ana auauna. 15  E na te aveina mea e sefuluaʻi+ mai i a outou togāsaito ma a outou togāvine, ma foaʻi atu i ona tagata aloaʻia+ ma ana auauna. 16  E ave foʻi e ia a outou auauna tane ma a outou auauna fafine, ma a outou lafumanu e sili ona lelei, ma a outou asini, e fai ai ana galuega.+ 17  E na te ave foʻi mea e sefuluaʻi mai i a outou lafu mamoe,+ ma e fai outou ma ana auauna. 18  E tou te alalaga foʻi i lenā aso ona o lo outou tupu+ na outou filifilia, ae e lē tali mai Ieova iā te outou i lenā aso.”+ 19  Ae e leʻi fia faalogo le nuu i upu a Samuelu,+ ma faapea mai: “E leai, a ia fai so matou tupu e pule iā i matou. 20  Ia pei foʻi i matou o isi nuu uma,+ e faamasinoina i matou e lo matou tupu, e alu atu foʻi o ia i o matou luma e tau a matou taua.” 21  Ua faalogo Samuelu i upu uma a le nuu; ona ia taʻu atu lea a o faafofoga mai Ieova.+ 22  Ona fetalai mai lea o Ieova iā Samuelu: “Ia e faalogo i la latou upu, ma ia e tofia se tupu e pule iā i latou.”+ Ona fai atu lea o Samuelu i tagata o Isaraelu: “Inā taʻitasi ia ma alu i lona aai.”

Faamatalaga Pito i Lalo