Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 7:1-17

7  Ua ō mai tagata o Kiriata-iarima+ ma ave aʻe le atolaau a Ieova i le fale o Apinatapa+ i luga o le aʻega, ma ua latou faapaiaina Eleasaro lona atalii e leoleoina le atolaau a Ieova.  E amata mai i le aso na iai le Atolaau i Kiriata-iarima, ua faateleina pea aso ma ua atoa ai le lua sefulu tausaga, ua faanoanoa ai le aiga uma o Isaraelu ma ua latou liliu atu iā Ieova.+  Ua fai atu Samuelu i aiga uma o Isaraelu: “Afai e tou te toe foʻi atu iā Ieova ma o outou lotoatoa,+ ia tuu ese atua ese mai iā te outou+ ma tupua o Asaira,+ ma uaʻi atoatoa atu o outou loto iā Ieova ma auauna tau lava o ia,+ e na te laveaʻi iā te outou mai i lima o Filisitia.”+  Ona tuu ese ai lea e le fanauga a Isaraelu o faatusa o Paala+ ma Asaira,+ ae e na o Ieova lava ua latou auauna atu i ai.  Ua fai atu Samuelu: “Ia faapotopoto faatasi mai Isaraelu+ uma i Mesepa,+ ina ia ou tatalo+ mo outou iā Ieova.”  Ona latou faapotopoto faatasi ai lea i Mesepa, ua latou utu mai foʻi vai ma sasaa i luma o Ieova ma anapopogi ai pea i lenā aso.+ Ua latou faapea ane: “Ua matou agasala iā Ieova.”+ Ua faamasino+ Samuelu i le fanauga a Isaraelu i Mesepa.  Ua faalogo Filisitia ua faapotopoto faatasi le fanauga a Isaraelu i Mesepa, ona ō aʻe lea o alii ua pule faatasi+ o Filisitia e tau ma Isaraelu. Ina ua faalogo le fanauga a Isaraelu i lenei mea, ona latou fefefe ai lea ona o Filisitia.+  Ona fai mai lea o le fanauga a Isaraelu iā Samuelu: “Aua e te mapu i le valaau atu iā Ieova lo tatou Atua mo se fesoasoani mo i matou,+ ina ia faaolaina ai e ia o i matou mai i lima o Filisitia.”  Ua ave e Samuelu le tamaʻi mamoe o loo susu ma ofo atu ai le taulaga mū, o le taulaga atoa+ iā Ieova; ona valaau lea o Samuelu iā Ieova mo se fesoasoani ona o Isaraelu,+ ma ua tali mai Ieova iā te ia.+ 10  A o faia e Samuelu le taulaga mū, a ua faalatalata mai Filisitia e tau ma Isaraelu. Ona faapā mai lea e Ieova o le faititili leotele+ iā Filisitia i lenā aso, ina ia fenuminumiaʻi+ ai i latou; ma ua faatoʻilaloina ai i latou i luma o Isaraelu.+ 11  Ua ō atu faatopetope tagata o Isaraelu mai i Mesepa ma tuliloa iā Filisitia, ma ua fasiotia i latou e oo ifo i le itu i saute o Peteka. 12  Ona ave lea e Samuelu o se maa+ ma tuu i le va o Mesepa ma Iesana, ua faaigoa foʻi iā Epenesa. Ua ia faapea ane: “Ua fesoasoani Ieova iā i tatou seʻia oo mai i le aso nei.”+ 13  Ua toʻilalo Filisitia, ma e leʻi toe ō mai lava i latou i le laueleele o Isaraelu;+ sa iai pea le aao o Ieova faasaga iā Filisitia i aso uma o Samuelu.+ 14  Ua toe tuu mai foʻi iā Isaraelu o aai na faoa e Filisitia mai iā Isaraelu, e amata mai i Ekerona e oo atu i Kata, na faoa foʻi e Isaraelu lo latou laueleele mai i lima o Filisitia. Ua filemu le va o Isaraelu ma tagata o Amorī.+ 15  Sa faamasino pea Samuelu i Isaraelu i aso uma o lona ola.+ 16  Sa malaga atu o ia mai i lea tausaga i lea tausaga, ma faataamilo i Peteli,+ o Kilikala,+ ma Mesepa,+ ua ia faamasino foʻi iā Isaraelu+ i ia nuu uma. 17  Ua toe foʻi o ia i Rama,+ auā o i inā sa iai lona aiga ma ia faamasino ai iā Isaraelu. Ua ia faia ai foʻi se fata faitaulaga iā Ieova.+

Faamatalaga Pito i Lalo