Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 30:1-31

30  I le aso lona tolu ina ua ō mai Tavita ma ona tagata i Sekeleka,+ ona osofaʻi ai lea e tagata Amaleka+ o nuu i le itu i saute ma Sekeleka; ua latou ō atu foʻi ma fasia ma susunu Sekeleka i le afi,  ua latou ave faapagota fafine+ ma tagata uma na iai, e amata mai i ē e iti e oo i ē e matutua. Latou te leʻi fasiotia se tasi, a ua ave i latou ma latou ō i lo latou ala.  Ina ua oo atu Tavita ma ona tagata i le aai, vaai! ua mū i le afi, ua latou ave faapagota foʻi a latou avā, o o latou atalii, ma o latou afafine.  Ona fetagisi leotetele+ lea o Tavita ma tagata uma sa iā te ia, seʻia oo lava ina latou lē toe mafaia.  Ua ave faapagota foʻi avā e toʻalua a Tavita, o Ainoama+ le Isereelu, ma Apikaila+ le avā a Napalu le Karamelu.  Ua matuā mafatia Tavita,+ auā ua faapea ane le nuu e fetogi iā te ia i maa;+ ona ua tigā le nuu uma,+ o tagata taʻitoʻatasi i ona atalii ma ona afafine. Ona faamalosi lea e Tavita o lona loto e ala i le fesoasoani a Ieova lona Atua.+  Ona fai atu lea o Tavita iā Aviata+ le ositaulaga, le atalii o Aimeleka: “Faamolemole, ia aumai iā te aʻu le efota.”+ Ona alu atu lea o Aviata ua avatu le efota iā Tavita.  Ua fesili atu Tavita iā Ieova,+ e faapea: “Po ou te tuliloa ea lenei ʻautau? Po ou te maua atu ea i latou?” Ona fetalai+ mai lea o ia iā te ia: “Inā alu ia e tuliloa auā e te maua atu lava i latou ma laveaʻia i latou.”+  Ua alu atu faavave Tavita i lona ala, o ia ma tagata e toʻaono selau+ ua iā te ia, ua latou ō ua oo atu i le ālia o Pesora, a ua nonofo ai ē na faamuli. 10  Ua tulitatao+ atu pea e Tavita, o ia ma tagata e toʻafā selau, a o tagata e toʻalua selau o ē na lē mafaia ona sopoʻia le ālia o Pesora,+ na faamuli. 11  Ona latou maua lea o se tagata Aikupito+ i le fanua. Ua latou avatu o ia iā Tavita, ma tuuina atu iā te ia se falaoa e ʻai ai, ma ni vai e inu ai. 12  Ua latou avatu foʻi iā te ia se fasi keke o mati mamago, ma ni keke vine se lua.+ Ona ʻai ai lea o ia ma ua toe maua ai lona malosi;+ auā e leʻi ʻai o ia i se meaʻai pe inu foʻi i se vai mo ao e tolu ma pō e tolu. 13  Ona fai atu lea o Tavita iā te ia: “O ai oe, ma o fea e te sau ai?” Ona ia tali mai lea e faapea: “O aʻu o le auauna Aikupito, o le pologa a se tagata Amaleka, a ua lafoaʻia aʻu e loʻu matai, auā na ou maʻi i aso e tolu ua mavae.+ 14  Na matou osofaʻia le itu i saute o le nuu o tagata Kereti,+ ma le nuu o Iuta, ma le itu i saute o Kalepo;+ na matou susunu foʻi Sekeleka i le afi.” 15  Ua fai atu Tavita iā te ia: “Pe e te taʻitaʻia ifo ea aʻu i lenei ʻautau?” Ona fai mai lea o ia: “Ia e tautō+ mai i le suafa o le Atua e te lē fasiotia aʻu, e te lē tuuina atu foʻi aʻu i le lima o loʻu matai,+ ma o le a ou taʻitaʻia ifo oe i lenei ʻautau.” 16  Ona ia taʻitaʻiina ifo lea o ia,+ ma vaai! ua salalau solo atu i latou i le nuu uma, ua aai ma inu ma o loo faia faigaʻai,+ ona o le vete tele na latou aumaia mai i le nuu o Filisitia ma le nuu o Iuta.+ 17  Ua fasia i latou e Tavita mai i le taeaopō seʻia oo i le afiafi, ina ia faaumatia i latou; e leai se tasi o i latou na sao,+ seʻi vaganā ai tauleleʻa e toʻafā selau o ē na tiʻetiʻe i kamela, ua latou sosola ese. 18  Ua laveaʻi e Tavita mea uma lava na ave e tagata Amaleka,+ ua laveaʻia foʻi e Tavita ana avā e toʻalua. 19  E leai lava se mea o a latou mea na leiloloa, e mai lava i ē e iti seʻia oo i ē e matutua, o atalii ma afafine, ma le vete, e oo lava i se mea na latou avea.+ Na toe maua uma lava e Tavita. 20  Ua ave e Tavita o lafu mamoe ma lafu povi uma, ua latou faamuamua atu i luma o isi lafumanu. Ona latou faapea ane lea: “O le vete lenei a Tavita.”+ 21  Ua oo atu Tavita i tagata e toʻalua selau+ o ē na vaivai tele sa lē mafai ona ō faatasi ma Tavita, o i latou foʻi ia sa nonofo pea i le ālia o Pesora; ua ō mai i latou e faafetaiaʻi iā Tavita, ma faafetaiaʻi i tagata na faatasi ma ia. Ina ua oo atu Tavita i tagata, ona ia fesili atu lea po o ā mai i latou. 22  Peitaʻi ane, ua tali ma faapea mai pea tagata leaga ma lē alolofa+ uma na ō faatasi ma Tavita: “Talu ai latou te leʻi ō faatasi ma i tatou, e leai foʻi se mea o le vete na tatou aumaia e tuuina atu iā i latou, ae e na ona taʻitasi ma taʻitaʻi i lana avā ma ona atalii, ma latou ō.” 23  A ua fai atu Tavita: “Oʻu uso e, aua neʻi o outou faia na mea i mea na foaʻi mai e Ieova iā i tatou,+ na ia leoleoina foʻi i tatou+ ma tuuina mai i o tatou lima ʻautau na faasagatau mai iā i tatou.+ 24  O ai ea e faalogo iā te outou? Auā e tutusa le vaegāʻoa a lē na alu ifo i le taua, ma le vaegāʻoa a lē na faamuli i ʻoa.+ E tofu tagata uma ma vaegāʻoa.”+ 25  Na amata mai i lenā aso ona ia faatūina lenei mea o se tulafono ma o se masani+ iā Isaraelu e oo mai i le asō. 26  Ina ua alu atu Tavita i Sekeleka, ona ia aauina atu lea o ni mea mai i le vete i toeaina o Iuta, o ana uō,+ ua faapea atu: “O le meaalofa+ lenei mo outou mai i le vete mai i fili o Ieova.” 27  E mo i latou na i Peteli,+ o i latou na i Ramota+ i le itu i saute, o i latou na i Iatira,+ 28  o i latou na i Aroeru, o i latou na i Sefemo, o i latou na i Esetemoa,+ 29  o i latou na i Rakala, o i latou na i aai o Ieramaelu,+ o i latou na i aai o tagata Keni,+ 30  o i latou na i Horema,+ o i latou na i Koroasa,+ o i latou na i Ataka, 31  ma nofoaga i Heperona,+ ma nofoaga uma na feoaʻi ai Tavita ma ona tagata.

Faamatalaga Pito i Lalo