Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 3:1-21

3  Sa auauna+ le tama o Samuelu iā Ieova i luma o Eli, ma ua seāseā ona oo mai se afioga mai iā Ieova+ i na aso;+ e leʻi toe vaaia foʻi ni faaaliga.+  A o moe Eli i lona potu i lenā aso, ua faasolo ina puaoa ona mata;+ ma ua lē mafai ona vaai o ia.  E leʻi tineia lava le molī a le Atua, ma o loo moe Samuelu i le malumalu+ o Ieova, o i inā o loo iai le atolaau a le Atua.  Ona valaau mai lea o Ieova iā Samuelu. Ona tali atu lea o ia: “O aʻu lenei.”+  Ua tamoʻe atu o ia iā Eli ma faapea atu: “O aʻu lenei, auā na e valaau mai iā te aʻu.” A ua tali mai o ia: “Ou te leʻi valaau atu iā te oe. Inā toe taoto ia.” Ona alu lea o ia ma taoto i lalo.  Ua toe valaau mai Ieova: “Samuelu e!”+ Ona tulaʻi lea o Samuelu ma alu atu iā Eli, ua faapea atu: “O aʻu lenei, auā na e valaau mai lava iā te aʻu.” A ua ia fai mai: “Loʻu atalii e, ou te leʻi valaau atu iā te oe.+ Inā e toe taoto ia i lalo.”  (A o Samuelu, e leʻi oo ina iloa lelei e ia Ieova, ma e leʻi faailoaina mai foʻi iā te ia le afioga a Ieova.)+  Ua toe valaau mai foʻi Ieova, o le faatolu ai lea: “Samuelu e!” Ona tulaʻi lea o ia ma alu atu iā Eli, ua faapea atu: “O aʻu lenei, auā o oe lava lea na valaau mai iā te aʻu.” Ona iloa ai lea e Eli, o Ieova lea o loo valaau mai i le tama.  Ona fai mai lea o Eli iā Samuelu: “Inā alu ia, ma taoto i lalo, afai e toe valaau mai o ia iā te oe, ona e faapea atu lea, ‘Fetalai maia Ieova e, auā o loo faalogo atu lau auauna.’ ” Ona alu ai lea o Samuelu, ua taoto i lona moega. 10  Ua afio mai Ieova, ona tū lea ma valaau mai e pei o isi taimi: “Samuelu, Samuelu e!” Ona tali atu lea o Samuelu: “Fetalai mai ia, auā o loo faalogo atu lau auauna.”+ 11  Ua toe fetalai mai Ieova iā Samuelu: “Faauta! ua ou faia+ se mea iā Isaraelu, lea e faateʻia*+ ai se tasi pe afai e faalogo i ai. 12  O lenā aso, ou te faataunuu ai iā Eli o mea uma na ou fai atu ai i lona aiga, e mai i le amataga e oo i le faaiʻuga.+ 13  Ia e taʻu atu iā te ia e faapea, ua ou faasalaina lona aiga+ e oo i le faavavau ona o le mea sesē ua ia iloa,+ ona ua upuleaga ona atalii i le Atua,+ ae e na te leʻi aʻoaʻia i laʻua.+ 14  O le mea lea ua ou tautō ai i le aiga o Eli, ona o la latou mea sesē, e lē faamagaloina lava le faasalaga o le aiga o Eli i se taulaga po o se mea e foaʻi e oo i le faavavau.”+ 15  Ua taoto pea Samuelu seʻia oo i le taeao. Ona ia tatala lea o faitotoʻa o le fale o Ieova.+ A ua fefe Samuelu e taʻu atu iā Eli le mea ua faaali mai iā te ia.+ 16  Ua valaau mai Eli iā Samuelu e faapea: “Samuelu e, loʻu atalii!” Ua tali atu o ia: “O aʻu lenei.” 17  Ona fai mai lea o ia: “O le ā le upu na fetalai atu ai o ia iā te oe? Faamolemole, aua lava neʻi e natia mai iā te aʻu.+ Ia faapea ona faia e le Atua iā te oe, ma faaopoopo i ai+ pe afai e te natia mai iā te aʻu se upu o upu uma na ia fetalai atu ai iā te oe.” 18  Ona faailoa atu lea e Samuelu o upu uma lava, e na te leʻi natia foʻi se mea e tasi mai iā te ia. Ona ia fai mai lea: “O le finagalo lenā o Ieova. Ia faia e ia le mea ua ia finagalo i ai.”+ 19  Ua tupu pea Samuelu, ma sa faatasi Ieova ma ia,+ e leʻi iʻuvale* foʻi se upu o ana upu uma na fai mai ai.+ 20  Ua iloa e Isaraelu uma e amata mai i Tanu e oo i Peresepa,+ ua tofia Samuelu e fai ma perofeta a Ieova.+ 21  Ona toe faaali mai lea o Ieova+ i Sailo, auā ua faaalia e Ieova o ia lava iā Samuelu i Sailo e ala i le afioga a Ieova.+

Faamatalaga Pito i Lalo

I le gagana Eperu, “ua taalili ona taliga.”
I le gagana Eperu, “e leʻi paʻū se upu i le eleele.”