Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 26:1-25

26  Ua ō atu tagata o Sifi+ iā Saulo i Kipea,+ ua faapea atu: “Pe e lē o lafi ea Tavita i le aʻega o Hakila+ e feagai ma Iesimoni?”+  Ua tulaʻi+ Saulo ma alu ifo i le toafa o Sifi, na iā te ia foʻi tagata e toʻatolu afe,+ o ē ua filifilia o Isaraelu, ina ia saʻili iā Tavita i le toafa o Sifi.  Ua tolauapi Saulo i tafatafa o le auala i le aʻega o Hakila, lea e feagai ma Iesimoni, a o loo nofo Tavita i le toafa. Ua ia iloa ua mulimuli mai Saulo iā te ia i le toafa.  Ona aauina atu lea e Tavita o sipai+ e vaavaai, ina ia iloa ai po o sau moʻi Saulo.  Mulimuli ane, ua tulaʻi Tavita ma alu atu i le mea o loo tolauapi ai Saulo, ua vaai Tavita i le mea ua taoto ai Saulo, faapea foʻi ma Apineru+ le atalii o Neru lana taʻitaʻiʻau; ua taoto Saulo i le mea e tolauapi ai fitafita,+ a o tolauapi le nuu atoa e siʻosiʻomia o ia.  Ona fai atu lea o Tavita iā Aimeleka le tagata Heti,+ ma Apisai+ le tama a Seruia,+ le uso o Ioapo, e faapea: “O ai e ma te ō ifo iā Saulo i le togālauapi?” Ona faapea mai lea o Apisai: “O aʻu, ta te ō ifo ma oe.”+  Ona ō lea o Tavita ma Apisai i le nuu i le pō; faauta! o loo taoto Saulo o loo moe i le mea e tolauapi ai, ma o loo sunuʻi lona tao i le eleele i tafatafa o lona ulu, a o loo taooto Apineru ma le nuu uma o loo siʻosiʻomia o ia.  Ona fai mai lea o Apisai iā Tavita: “Ua tuuina mai e le Atua i le asō lou fili i lou lima.+ Faamolemole, tuu mai iā te aʻu seʻi oʻu tutuʻi iā te ia i le tao i le eleele, e na o le faatasi lava, ou te lē tutuʻi faalua iā te ia.”  Peitaʻi, ua fai atu Tavita iā Apisai: “Aua e te fasiotia o ia, auā po o ai ea e na te faaoo lona lima i lē ua faauuina a Ieova,+ ae e lē nofosala ai?”+ 10  Ona fai atu lea o Tavita: “O loo soifua Ieova,+ e fasia lava o ia e Ieova;+ pe oo mai foʻi le aso+ e oti ai o ia, pe e alu atu i se taua+ ma tafiesea ai o ia.+ 11  Ia mamao+ iā te aʻu lenei mea a o silasila mai Ieova,+ ona faaoo atu loʻu lima+ i lē ua faauuina a Ieova!+ O lenei, inā tago ia i le tao o loo i tafatafa o lona ao ma le faguvai, ma ta ō loa.” 12  Ona ave lea e Tavita o le tao ma le faguvai sa i tafatafa o le ulu o Saulo, ma la ō aʻe i lo la ala; e leai se tasi na vaai,+ pe iloa, pe na ala foʻi, auā ua momoe i latou uma, ona o le moegase+ mai iā Ieova na oo iā i latou. 13  Ona alu lea o Tavita i le isi itu ma tū i le tumutumu o le mauga e mamao, e matuā mamao lava lo latou va. 14  Ona valaau atu lea o Tavita i le nuu ma Apineru le atalii o Neru, e faapea: “Pe e te lē tali mai ea Apineru?” A ua tali mai Apineru,+ ua faapea mai: “O ai ea oe e te valaau mai ai i le tupu?” 15  Ona fai atu lea o Tavita iā Apineru: “Pe e lē o oe ea o le toa? O ai foʻi i Isaraelu e tutusa ma oe? Aiseā na e lē leoleo lelei ai i lou alii le tupu? Auā na alu atu le tasi tagata ina ia faaumatia lou alii le tupu.+ 16  E lē lelei lenei mea ua e faia. O loo soifua Ieova,+ o tagata e tatau ona feoti+ outou auā ua outou lē leoleoina+ lo outou alii, o lē ua faauuina a Ieova.+ O lenei, seʻi vaai po o fea le tao ma le faguvai+ a le tupu ia sa i tafatafa o lona ao.” 17  Ua mātauina e Saulo o le leo lea o Tavita, ma ua faapea mai: “Po o lou leo ea lea loʻu atalii e, Tavita?”+ Ona fai atu lea o Tavita: “O loʻu leo lava lea, loʻu alii e, le tupu.” 18  Ua toe faapea atu o ia: “Aiseā ua tulituliloa ai e loʻu alii lana auauna,+ o le ā ea se mea ua ou faia, ma pe e iai ea se leaga o iā te aʻu?+ 19  Faamolemole, ia faafofoga mai loʻu alii e, le tupu i upu a lana auauna: Afai ua faaoso oe e Ieova iā te aʻu, ia talia e ia se taulaga i meaʻai+ mai iā te aʻu. Ae afai o fanau a tagata,+ ia malaia i latou i luma o Ieova,+ auā ua latou tuliesea aʻu i le asō ina ia ou lē maua le tofi o Ieova,+ ua latou faapea mai, ‘Inā alu ia e auauna i isi atua!’+ 20  O lenei, aua neʻi masaa loʻu toto i le eleele i luma o Ieova;+ auā ua sau le tupu o Isaraelu e saʻili se ʻutu fiti,+ e pei ona tuli e se tasi le manulele o le koli i luga o mauga.”+ 21  Ona fai mai lea o Saulo: “Ua ou agasala.+ Inā toe foʻi mai ia loʻu atalii e, Tavita, ou te lē toe faia lava se mea leaga iā te oe, auā ua e faapelepeleina+ loʻu ola i lenei aso. Faauta! Ua ou gaoioi ma le valea, ua tele foʻi loʻu sesē.” 22  Ona tali atu lea o Tavita, ua faapea atu: “O le tao lenei a le tupu, ia sau se tauleʻaleʻa e avatu. 23  O Ieova e na te taui atu i tagata taʻitoʻatasi e tusa ma lana amiotonu+ ma lona faamaoni, auā ua tuuina mai oe e Ieova i loʻu lima i le aso nei, ae ou te leʻi manaʻo e faaoo loʻu lima i lē ua faauuina a Ieova.+ 24  Faauta! e pei ona ou faapelepeleina lou ola i lenei aso, ia faapea foʻi ona faapelepeleina e Ieova loʻu ola,+ ma laveaʻi iā te aʻu mai i puapuaga uma.”+ 25  Ona fai mai lea o Saulo iā Tavita: “Ia faamanuia le Atua iā te oe loʻu atalii e, Tavita. O le a e faia mea silisili, ma o le a e manumalo.”+ Ona alu lea o Tavita i lona ala; a ua toe foʻi Saulo i le mea e nofo ai o ia.+

Faamatalaga Pito i Lalo