Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 25:1-44

25  Ua maliu Samuelu;+ ona faapotopoto faatasi lea o Isaraelu uma, ua taufaitagituʻi+ ona o ia, ua latou tanu foʻi iā te ia i lona fale i Rama.+ Ona tulaʻi lea o Tavita ma alu ifo i le toafa o Parana.+  Sa iai le tasi tagata i Meona,+ sa ia galue i Karamelu.+ E mauoloa le tagata, sa iā te ia o mamoe e tolu afe ma ʻoti e afe; na ia sele foʻi fulufulu+ o ana mamoe i Karamelu.  O Napalu+ le igoa o le tagata, a o Apikaila+ le igoa o lana avā. O ia o se avā e matuā faautauta,+ e lalelei foʻi, a o le tane o se tagata e ʻinaʻinā ma e leaga foʻi ana mea e fai;+ e mai i le ituaiga o Kalepo.+  Ua faalogo Tavita mai i le toafa o loo sele e Napalu fulufulu+ o ana mamoe.  Ona aauina atu lea e Tavita o tauleleʻa e toʻasefulu, ua faapea atu Tavita i tauleleʻa: “Inā ō aʻe ia i Karamelu, ma ia outou ō atu iā Napalu, ma fesili atu iā te ia i loʻu igoa, po o faapefea mai o ia.+  Tou te faapea atu i loʻu uso, ‘Ia e manuia,+ ia manuia lou aiga, ma ia manuia foʻi mea uma ua iā te oe.  O lea ua ou faalogo o loo iā te oe o ē e sele fulufulu o mamoe. Sa faatasi au leoleo mamoe ma i matou.+ Matou te leʻi faaleagaina i latou,+ ma e leʻi iai foʻi sa latou mea na leiloa i aso uma na iai i latou i Karamelu.  Ia e fesili i ou tauleleʻa, latou te taʻu atu foʻi iā te oe ina ia e manatu mai ai i oʻu tauleleʻa, auā o se aso lelei lea ua latou ō atu ai. Faamolemole, seʻi e foaʻi ane so o se mea o loo i lou lima i au auauna ma lou atalii o Tavita.’ ”+  Ua ō atu tauleleʻa o Tavita ma fai atu iā Napalu o na upu uma i le igoa o Tavita, ona latou faatalitali lea. 10  Ona tali mai lea o Napalu i auauna a Tavita e faapea: “O ai Tavita,+ o ai foʻi le atalii o Iese? E toʻatele auauna i aso nei ua taʻitasi ma sola ese mai i lona matai.+ 11  Po ou te avatu ea aʻu meaʻai,+ o vai, o aano o manu ua fasia mo ē e sele fulufulu o aʻu mamoe, ma foaʻi atu i tagata ou te lē iloa po o fea e latou te ō mai ai?”+ 12  Ona liliu mai lea o tauleleʻa o Tavita ma ua toe foʻi mai, ua latou ō mai ma taʻu mai iā te ia e tusa ma nei upu uma. 13  Ona fai atu loa lea o Tavita i ona tagata: “Ia taʻitasi le tagata ma fusi i lana pelu!”+ Ona taʻitasi lea o i latou ma fusi i lana pelu, ua fusi foʻi e Tavita lana pelu; ua latou ō atu ma mulimuli atu iā Tavita, e tusa ma le toʻafā selau tagata, ae e toʻalua selau tagata na faamuli i a latou mea.+ 14  Ua taʻu atu e le tasi o tauleʻaleʻa iā Apikaila le avā a Napalu e faapea: “Faauta! na aauina mai e Tavita avefeʻau mai le toafa e faamanuia i lo tatou matai, ae na ia soona avaavau+ atu iā i latou. 15  Na matuā agalelei mai na tagata iā i matou, latou te leʻi faaleagaina i matou, e leai foʻi sa matou mea e tasi na leiloa i aso uma na matou feoaʻi ai ma i latou, a o matou iai i le fanua.+ 16  Sa pei i latou o se pā+ na siʻosiʻomia ai i matou i le ao ma le pō, i aso uma na matou iai ma i latou, a o leoleoina le lafu mamoe. 17  O lenei, ia e iloa ma vaai po o le ā se mea e te faia, auā o le a oo mai+ puapuaga i lo tatou matai ma lona aiga uma, o ia foʻi o le tagata e lē aogā,+ e maʻimau le taimi e talanoa atu i ai.” 18  Ona gaoioi faavave lea o Apikaila+ ma ua ia avane falaoa lapotopoto e lua selau, o fagu uaina+ lapopoʻa e lua, o mamoe ua saunia e lima,+ o sea o saito tunu+ e lima, o keke vine+ e selau, o keke o mati mamago+ e lua selau, ma ua ia faaee i luga o asini. 19  Ona ia fai atu lea i ona tauleleʻa: “Ia muamua atu iā te aʻu.+ Faauta! O lea ou te mulimuli atu iā te outou.” Ae e na te leʻi taʻuina atu se mea i lana tane o Napalu. 20  A o tiʻetiʻe o ia i le asini+ ma alu ifo faalilolilo i le mauga, vaai! o loo ō ifo Tavita ma ona tagata e faafetaiaʻi o ia. Ona ia fetaiaʻi lea ma i latou. 21  A ua faapea ifo Tavita: “E leai se mea na ou leoleoina ai fua mea uma a lenei tagata i le toafa, e leai lava se mea e tasi na leiloa+ o ana mea uma, a o lenei ua ia taui mai iā te aʻu le lelei i le leaga.+ 22  O lea, ia faia e le Atua i fili o Tavita ma faaopoopo i ai,+ pe afai ou te faasao se tasi o ona tagata o ē uma e tulaʻi* i le aupā,+ seʻia oo i le taeao.”+ 23  Ina ua iloa atu e Apikaila Tavita, ona ia alu ifo faatopetope lea mai i le asini ma faapaʻū faō i luma o Tavita, ma ifo+ i le eleele. 24  Ua ia faapaʻū i ona vae+ ma faapea mai: “Loʻu alii e, ia i luga iā te aʻu lenei sesē;+ ma seʻi e faafofoga+ mai faamolemole i lau teine pologa a o tautala atu iā te oe, ma faafofoga mai i upu a lau teine pologa. 25  Faamolemole, aua neʻi uaʻi atu le loto o loʻu alii i lenei tagata lē aogā+ o Napalu, auā e faapei o lona igoa, e faapena lava o ia. O Napalu lona igoa, e valea lava o ia.+ A o aʻu lau teine pologa, ou te leʻi iloa tauleleʻa a loʻu alii na e aauina atu. 26  O lenei loʻu alii e, o loo soifua Ieova,+ o loo soifua foʻi oe,+ ua taofia+ oe e Ieova mai i lou nofosala i le toto,+ ma e tauimasui atu ai i lou lava lima.+ O lea, ia pei o Napalu ou fili, ma i latou uma e saʻili e agaleaga i loʻu alii.+ 27  O lenei foʻi, o le meaalofa+ lenei ua aumai e lau auauna fafine i loʻu alii, ia avatu i tauleleʻa o loo mulimuli mai+ i loʻu alii. 28  Faamolemole, ia e faamagalo le solitulafono a lau teine pologa,+ auā e faia lava e Ieova mo loʻu alii se aiga e tumau,+ auā na tau e loʻu alii taua a Ieova;+ e lē maua foʻi se mea leaga iā te oe i ou aso uma.+ 29  Pe a tulaʻi mai se tagata e tulituliloa iā te oe, ma saʻili ina ia faaumatia lou ola, e puipuia lava e Ieova lou Atua+ le ola+ o loʻu alii, e pei ona puipuia e se tasi o mea tāua i se ato; a o le ola o ou fili, e sasau atu e ia e pei o se maa mai i le maatā.+ 30  Ia faia e Ieova i loʻu alii o mea lelei e tusa ai o mea uma ua ia fetalai mai ai, e na te tofia foʻi oe e avea ma taʻitaʻi o Isaraelu.+ 31  Loʻu alii e, aiseā e te faia ai le mea e te toe salamō mulimuli ane ai, pe a e sasaa fua le toto o le tagata e lē sala,+ ma e tauimasui atu ai i lou lava lima?+ E faia lava e Ieova le mea lelei i loʻu alii, a ia e manatua+ mai lau teine pologa.” 32  Ona fai atu lea o Tavita iā Apikaila: “Faafetai iā Ieova le Atua o Isaraelu,+ o lē na auina mai oe i le aso nei e faafetaiaʻi iā te aʻu! 33  Faafetai i lou mafaufau lelei,+ faafetai foʻi iā te oe o lē ua taofia aʻu i lenei aso mai i le nofosala i le toto,+ ma ou tauimasui atu i loʻu lava lima.+ 34  O loo soifua Ieova le Atua o Isaraelu, o lē na taofia aʻu mai i le faia o se mea leaga iā te oe,+ auā pe ana e lē faavavevave e faafetaiaʻi iā te aʻu,+ e mautinoa lava e leai se tagata o Napalu e totoe o lē e tulaʻi i le aupā, seʻia oo i le taeao.”+ 35  Ona talia lea e Tavita mai i lona lima o mea na ia aumai iā te ia, ma faapea atu iā te ia: “Inā alu ia ma le filemu+ i lou fale. Vaai, ua ou faalogo atu i au upu, ma o le a ou mafaufau alofa+ iā te oe.” 36  Mulimuli ane, ona alu atu lea o Apikaila iā Napalu, a o faia e Napalu se faigaʻai i lona fale e pei o le faigaʻai a le tupu;+ ua fiafia le loto o Napalu, ua onā+ foʻi o ia; a ua lē taʻu atu e Apikaila iā te ia se mea itiiti pe tele, seʻia oo ina malama aʻe le taeao. 37  Ua oo i le taeao ma ua teʻa le onā o Napalu i le uaina, ua taʻu atu ai e lana avā o nei mea uma iā te ia. Ona tau pē ai lea o lona fatu,*+ ua pei ai o ia o se maa. 38  Mulimuli ane, ua mavae aso e sefulu, ona taia+ lea e Ieova o Napalu ma ua oti ai o ia. 39  Ua faalogo Tavita ua oti Napalu, ona ia faapea ane lea: “Ia viia Ieova o lē na ia faia le faamasinoga+ i faifaiga+ a Napalu ma taofia lana auauna mai i le leaga,+ ua faafoʻi atu foʻi e Ieova le leaga o Napalu i lona lava ulu!”+ Ona auina atu lea e Tavita o le feʻau e faamalamalama iā Apikaila ina ia fai ma ana avā.+ 40  Ua ō atu auauna a Tavita iā Apikaila i Karamelu, ua latou faapea atu iā te ia: “Ua aauina mai i matou e Tavita iā te oe ina ia fai oe ma ana avā.” 41  Ona tulaʻi loa lea o Apikaila, ua ifo i le eleele+ ma faapea mai: “O lau teine pologa lenei, ia fai ma auauna e fufuluina vae+ o auauna a loʻu alii.”+ 42  Ua faavave ona tulaʻi o Apikaila,+ ua tiʻetiʻe+ i le asini, ua mulimuli atu foʻi iā te ia o auauna teine e toʻalima; ua ia alu atu faatasi ma avefeʻau a Tavita, ona avea lea o ia ma ana avā. 43  Na faiavā foʻi Tavita iā Ainoama+ mai i Isereelu;+ ua avea uma nei fafine e toʻalua ma ana avā.+ 44  A ua avatu e Saulo Mekala+ lona afafine, o le avā a Tavita, e fai ma avā a Paleti+ le atalii o Laisa, o le tagata Kali.+

Faamatalaga Pito i Lalo

O lona uiga, “o ē uma e tulaʻi e fai a latou feʻaulata i le aupā.”
Po o “lona loto.”