Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Samuelu 22:1-23

22  Ua alu ese Tavita mai i inā+ ma sola+ atu i le ana+ i Atulame;+ ae ina ua faalogo i ai ona uso ma le aiga atoa o lona tamā i lea mea, ona latou ō ifo ai lea iā te ia i inā.  Ua faapotopoto atu foʻi iā te ia+ o tagata uma ua puapuagatia,+ o tagata uma ua iai aitalafu,+ ma tagata uma ua mafatia,+ ua fai o ia ma o latou taʻitaʻi;+ sa iā te ia tagata e tusa ma le toʻafā selau.  Mulimuli ane, ua alu ese Tavita mai i inā ae agaʻi atu i Mesepa i Moapi, ma fai atu i le tupu o Moapi:+ “Faamolemole, seʻi outou nonofo atu ma loʻu tamā ma loʻu tinā,+ seʻi oʻu iloa po o le ā se mea e faia e le Atua iā te aʻu.”  Ua ia tuu atu i laʻua i luma o le tupu o Moapi, ona la nonofo ai lea ma ia i aso uma na nofo ai Tavita i le nofoaga e faigatā ona sao i ai se tasi.+  Ua fai mai Kato+ le perofeta iā Tavita e faapea: “Aua e te nofo pea i le nofoaga e faigatā ona sao i ai se tasi. Ia e alu ese, ma ia e alu i le nuu o Iuta.”+ Ona alu lea o Tavita ma ua oo atu i le vaomatua o Hareta.  Ua faalogo Saulo ua iloa Tavita ma tagata o loo faatasi ma ia, a o nofo Saulo i Kipea i lalo o le laau o le tamarisi,+ i le mea maualuga ma lana tao+ o loo i lona lima, ua tutū foʻi ana auauna uma i ona tafatafa.  Ona fai mai lea o Saulo i ana auauna o loo tutū i ona tafatafa: “Faamolemole, inā faalogo mai ia outou tagata Peniamina. Pe e avatu ea e le atalii o Iese+ iā te outou uma ni fanua ma ni togāvine?+ Pe na te tofia ea outou uma e fai ma taʻitaʻi o le taʻitoʻaafe+ ma taʻitaʻi o le taʻitoʻaselau?  Auā ua outou foua aʻu, o outou uma lava; ae e leai se tasi na ia taʻu mai iā te aʻu+ le feagaiga+ ua osia e loʻu atalii ma le atalii o Iese, e leai foʻi se tasi o outou e alofa mai iā te aʻu ma taʻu mai e faapea, ua faaoso e loʻu lava atalii laʻu auauna e faasagatau mai iā te aʻu, ma lamalama iā te aʻu e pei ona faia i le aso nei.”  Ona tali atu lea o Toeka+ le tagata Etoma o le tasi o auauna a Saulo, ua faapea atu: “Na ou iloa le atalii o Iese o alu atu i Nove, iā Aimeleka+ le atalii o Akitopo.+ 10  Ua ia fesili+ iā Ieova mo ia; na ia avatu foʻi iā te ia o meaʻai,+ ma le pelu+ a Koliata le Filisitia.” 11  Ona auina atu loa lea e le tupu o le feʻau iā Aimeleka le atalii o Akitopo le ositaulaga, ma le aiga uma o lona tamā, o ositaulaga uma sa iai i Nove.+ Ona latou ō mai uma lea i le tupu. 12  Ua fai mai Saulo: “Faamolemole, faalogo mai ia oe le atalii o Akitopo!” Ona ia tali atu lea: “O aʻu lenei, loʻu alii e.” 13  Ona fai mai lea o Saulo iā te ia: “Aiseā ua oulua foua ai aʻu,+ o oe ma le atalii o Iese, i lou avatu iā te ia o meaʻai ma le pelu, ma e fesili atu foʻi i le Atua mo ia, e faasagatau mai ai iā te aʻu ma lamalama iā te aʻu e pei ona faia i le aso nei?”+ 14  Ona tali atu lea o Aimeleka i le tupu e faapea: “O ai ea se tasi o au auauna e tusa ma Tavita+ i lona faamaoni,+ o le tane a le afafine+ o le tupu, o le taʻitaʻi o leoleo e puipuia oe, ma e faaaloalogia foʻi i lou aiga?+ 15  Pe na faatoʻā amata ea i le asō ona ou fesili+ i le Atua mo ia? E mamao lea mea mai iā te aʻu! Ia aua neʻi faia e le tupu se mea i lana auauna ma le aiga atoa o loʻu tamā, auā e lē iloa e lau auauna nei mea uma, po o se mea itiiti po o se mea telē.”+ 16  A ua fai mai le tupu: “E te oti+ lava Aimeleka, o oe ma le aiga atoa o lou tamā.”+ 17  Ona fai mai lea o le tupu i faafeao+ na tutū i ona tafatafa: “Inā liliu atu ia ma fasioti i ositaulaga a Ieova, auā ua latou ʻau iā Tavita, ua latou iloa foʻi o loo sola o ia ae latou te leʻi faailoa mai iā te aʻu!”+ Peitaʻi, e leʻi mananaʻo auauna a le tupu e faaoo o latou lima e fasi i ositaulaga a Ieova.+ 18  Mulimuli ane, ua fai mai le tupu iā Toeka:+ “Inā e liliu atu ia ma fasi i ositaulaga!” Ona liliu faavave atu lea o Toeka le tagata Etoma,+ ma fasi i ositaulaga ma fasiotia+ ai i lenā aso o tagata e toʻavalu sefulu lima, na oofu i efota+ e faia i ʻie lino. 19  Na ia fasia foʻi le aai o ositaulaga o Nove+ i le pelu, o tane atoa ma fafine, o tamaiti atoa ma tama fesusui, o povi, o asini, ma mamoe. 20  A ua sao le tasi o atalii o Aimeleka, le atalii o Akitopo, o Aviata+ lona igoa, ua sola ese o ia ma mulimuli atu iā Tavita. 21  Ona taʻu mai lea e Aviata iā Tavita: “Ua fasiotia e Saulo ositaulaga a Ieova.” 22  Ona fai atu lea o Tavita iā Aviata: “Na ou iloa lelei lava i lenā aso,+ auā sa iai i inā Toeka le tagata Etoma, e na te taʻuina atu lava lenei mea iā Saulo.+ Ua avea ai ma oʻu sesē i tagata uma o le aiga o lou tamā. 23  Sau ta te nonofo. Aua e te fefe, auā o lē e saʻili e fasiotia oe, e saʻili foʻi e fasiotia aʻu, auā e puipuia oe pe a e faatasi ma aʻu.”+

Faamatalaga Pito i Lalo