Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 19:1-24

19  Ua fai atu Saulo iā Ionatana lona atalii ma ana auauna uma ina ia fasiotia Tavita.+  A o Ionatana le atalii o Saulo, ua matuā fiafia o ia iā Tavita.+ Ona fai mai lea o Ionatana iā Tavita: “O loo lamalama loʻu tamā o Saulo e fasioti iā te oe. O lenei, faamolemole ia e faaeteete seʻia oo a taeao, ia e nofo i se mea lilo ma ia e lafi ai.+  A o aʻu, ou te alu atu ma tū i tafatafa o loʻu tamā i le fanua e te iai, ou te tautala atu foʻi i loʻu tamā e uiga iā te oe, ma ou iloa ai le mea o le a tupu, ona ou taʻu atu lea iā te oe.”+  Ua tautala atu ma le agalelei+ Ionatana iā Saulo lona tamā e uiga iā Tavita, ua faapea atu iā te ia: “Aua neʻi agasala+ le tupu i lana auauna o Tavita, auā e leʻi agasala lava o ia iā te oe, ma ua faia e ia galuega lelei mo oe.+  Na ia tuu lona ola i se tulaga lamatia,+ ma fasia+ le Filisitia, na faia ai foʻi e Ieova le faaolataga+ tele mo Isaraelu uma. Na e iloaina, ma na e fiafia foʻi i ai. Aiseā la e te agasala ai i le toto o le tagata e lē sala i le fasiotia+ fua+ o Tavita?”  Ona faalogo lea o Saulo i upu a Ionatana, ua tautō foʻi Saulo: “O loo soifua Ieova,+ ou te lē fasiotia lava o ia.”  Mulimuli ane, ona valaau atu lea o Ionatana iā Tavita, ma ua taʻu atu e Ionatana iā te ia nei upu uma. Ona aumaia lea e Ionatana o Tavita iā Saulo, ma auauna ai pea i ona luma e pei o aso ua teʻa.+  Mulimuli ane, ua toe pā le taua, ua alu atu faavave Tavita e tau ma Filisitia, ma fasia i latou i le fasiga tele,+ ona latou sosola ese ai lea i ona luma.+  Ua osofia Saulo e le agaga leaga+ mai iā Ieova a o ia nofo i lona fale ma lana tao o loo i lona lima, o loo tā foʻi e Tavita le kitara i lona lima. 10  Ua saʻili Saulo ina ia tuilua Tavita ia mau i le puipui,+ ae na ʻalo+ o ia i luma o Saulo, ma ua tū ai le tao i le puipui. Ona sola lea o Tavita ina ia sao ai o ia i lenā pō.+ 11  Ua aauina atu e Saulo ana avefeʻau+ e mataʻi le fale o Tavita ina ia fasiotia o ia i le taeao;+ a ua fai atu lana avā o Mekala iā Tavita e faapea: “Afai e te lē sola i le pō nei, e fasiotia lava oe a taeao.” 12  Ona tuutuu ifo faavave lea e Mekala o Tavita i le faamalama, ina ia alu ma sola ese ma sao ai o ia.+ 13  Ona ave lea e Mekala o le faatagata*+ ma tuu i luga o le moega, ma faaaluga i le ʻie fulufulu ʻoti, ona ia faaafu ai lea i le ʻie. 14  Ua aauina atu e Saulo avefeʻau e puʻe Tavita, a ua fai mai o ia: “O loo maʻi o ia.”+ 15  Ona aauina atu lea e Saulo o avefeʻau e vaai Tavita, ma faapea atu: “Ia aumai o ia iā te aʻu i luga o lona moega, ina ia ou fasioti iā te ia.”+ 16  Ina ua ō atu avefeʻau i totonu, vaai! o le faatagata o loo i luga o le moega, ma le ʻie fulufulu ʻoti o loo aluga ai. 17  Ona fai mai lea o Saulo iā Mekala: “Aiseā ua e faavaleaina+ ai faapea aʻu, ma e auina ese atu ai loʻu fili+ ina ia sao ai?” Ua fai atu Mekala iā Saulo: “Na ia fai mai iā te aʻu, ‘Ia tuu mai aʻu ou te alu ese! Aiseā ou te fasiotia ai oe?’ ” 18  A ua sola Tavita ma ua sao,+ ua oo atu iā Samuelu i Rama.+ Ona ia taʻu atu lea iā te ia o mea uma na faia e Saulo iā te ia. Ona la ō lea ma Samuelu ma ua nonofo i Naiota.+ 19  Mulimuli ane, ua taʻu atu iā Saulo e faapea: “Faauta! O loo iai Tavita i Naiota i Rama.” 20  Ua aauina atu e Saulo avefeʻau e puʻe Tavita. Ina ua latou iloa atu tagata ua matutua o le ʻauperofeta o loo faia valoaga, ma o loo tū ai Samuelu e pule iā i latou, ona osofia lea e le agaga+ o le Atua o avefeʻau a Saulo, ua latou amioaʻi ai foʻi e pei o ni perofeta.+ 21  Ina ua latou taʻu atu lea tala iā Saulo, ona ia aauina atu loa lea o isi avefeʻau, a ua amioaʻi foʻi i latou e pei o ni perofeta. Ona toe aauina atu lea e Saulo o isi avefeʻau, o le lona tolu lea, ma ua amioaʻi foʻi i latou e pei o ni perofeta. 22  Mulimuli ane, ua alu atu foʻi o ia i Rama. Ina ua taunuu o ia i le vaieli tele i Seku, ona fesili atu lea o ia e faapea: “O fea o iai Samuelu ma Tavita?” Ua latou tali mai: “O loo iai i Naiota+ i Rama.” 23  Ua faaauau pea o ia i lona ala mai i inā e agaʻi atu i Naiota i Rama, ua osofia foʻi o ia e le agaga+ o le Atua, ua ia savali ma amioaʻi pea e pei o se perofeta, seʻia taunuu i Naiota i Rama. 24  Ua tatala ese e ia ona ofu ma ua amioaʻi o ia e pei o se perofeta i luma o Samuelu, ua taoto ai pea o ia ua lē lavalavā i lenā aso atoa ma le pō atoa.+ O le mea lea ua latou faapea ane ai: “Po o iai ea foʻi Saulo faatasi ma le ʻauperofeta?”+

Faamatalaga Pito i Lalo

I le gagana Eperu, o le “terafimi” o lona uiga o atua po o tupua o le aiga.