Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 18:1-30

18  Ina ua uma ona ia tautala atu iā Saulo, ona pipiimau+ lea o le loto o Ionatana+ i le loto o Tavita, ua alofa foʻi Ionatana iā te ia e pei o ia lava.+  Ua ave o ia e Saulo i lenā aso, ua lē mafai foʻi ona ia toe foʻi atu i le aiga o lona tamā.+  Ua osia e Ionatana ma Tavita se feagaiga,+ auā ua ia alofa iā te ia e pei o ia lava.+  Ua tatala ese foʻi e Ionatana lona ofu talaloa na iā te ia ma foaʻi atu iā Tavita, atoa foʻi ma isi ona ofu, o lana pelu, o lana ʻaufana, ma lona fusipaʻu.  Ua alu atu Tavita e tau. O mea uma foʻi na auina i ai o ia e Saulo, e gaoioi o ia ma le faautauta,+ ona tofia lea o ia e Saulo e pule i tagata o le taua;+ ua lelei foʻi lea i le nuu uma atoa ai ma auauna a Saulo.  Ina ua latou ō mai, ma ua toe foʻi mai Tavita mai i le fasiga o Filisitia, ona ō mai lea o fafine mai i aai uma o Isaraelu, ua pepese+ ma sisiva e faafeiloaʻi ai le tupu o Saulo ma topa,*+ ua olioli+ ma tāina kitara.*  Ua pepese fetaliaʻi fafine na sisiva ma faapea atu: “Ua fasia e Saulo le faitau afe, A o Tavita e faitau sefulu afe.”+  Ua matuā ita+ lava Saulo, ma ua leaga iā te ia lenā tala, ua ia faapea ifo: “Ua latou tuu atu iā Tavita le faitau sefulu o afe, a ua latou tuu mai iā te aʻu le faitau afe, ua toe lava o le tofi o le tupu e leʻi tuuina atu iā te ia!”+  Na amata mai i lenā lava aso ona lamalama pea e Saulo Tavita.+ 10  I le aso na sosoo ai,+ na osofia ai Saulo+ e le agaga leaga mai i le Atua, ua amioaʻi foʻi o ia e pei o se perofeta+ i le maota a o tā e Tavita le kitara i lona lima+ e pei ona ia faia i aso ua teʻa; na iai foʻi le tao i le lima o Saulo.+ 11  Ua velo e Saulo le tao+ ma faapea atu: “Ou te tuilua Tavita ia mau i le puipui!”+ Ae na ʻaloese faalua+ Tavita mai i ona luma. 12  Ua fefe+ Saulo iā Tavita auā ua faatasi Ieova ma Tavita,+ a ua alu ese o ia mai iā Saulo.+ 13  Ona aveesea lea e Saulo o ia mai i lana vaega,+ ma tofia o ia o se taʻitaʻiʻau o tagata e toʻaafe; ua ia taʻitaʻia foʻi le nuu+ i le taua. 14  Ua faaauau ona gaoioi ma le faautauta+ Tavita i mea uma, na faatasi foʻi Ieova ma ia.+ 15  Ua iloa e Saulo lona gaoioi ma le matuā faautauta,+ ona fefe ai lea o ia iā te ia. 16  Ua alolofa uma Isaraelu ma Iuta iā Tavita, auā ua ia taʻitaʻia i latou i le taua. 17  Mulimuli ane, ua fai mai Saulo iā Tavita: “O loʻu afafine ulumatua lenei o Merapa.+ O ia lea ou te avatua iā te oe e fai ma au avā.+ Tau lava ina avea oe o se tagata toa e tauina taua a Ieova.”+ A ua faapea ifo Saulo iā te ia lava: “Aua neʻi oo loʻu lima iā te ia, a ia oo i ai lima o Filisitia.”+ 18  Ua fai atu Tavita iā Saulo: “O ai ea aʻu, o ai foʻi loʻu aiga ma le aiga o loʻu tamā i Isaraelu, e fai ai aʻu ma tane a le afafine o le tupu?”+ 19  Peitaʻi ane, ua oo i le taimi e avatu ai Merapa le afafine o Saulo iā Tavita, a ua uma ona avatu o ia iā Atarielu+ le tagata Meola+ e fai ma ana avā. 20  A o Mekala+ le afafine o Saulo, ua ulu lona alofa iā Tavita, ona taʻu atu lea iā Saulo ma ua fiafia i ai o ia. 21  Ona fai ane lea o Saulo: “Ou te avatua o ia e fai ma mailei iā te ia,+ ina ia oo ai lima o Filisitia iā te ia.” Ua fai mai Saulo iā Tavita: “E ala i se tasi o nei fafine e toʻalua, e ta te osia ai se aiga* ma aʻu i le asō.” 22  Ua poloaʻi atu foʻi Saulo i ana auauna: “Ia tautatala faalilolilo atu iā Tavita e faapea, ‘Faauta! Ua fiafia le tupu iā te oe, ua alolofa foʻi ana auauna uma iā te oe. O lenei, ia e fai avā i le afafine o le tupu.’ ” 23  Ona fai atu lea e auauna a Saulo o nei upu iā Tavita, a ua fai mai Tavita: “Po o se mea faigofie ea iā te outou le fai avā atu i le afafine o le tupu, auā o aʻu nei o le tagata mativa+ ma faatauvaa?”+ 24  Ua taʻu atu e auauna a Saulo iā te ia e faapea: “O upu nei na fai mai ai Tavita.” 25  Ua fai mai Saulo: “Ia faapea ona outou fai atu iā Tavita, ‘E manaʻo le tupu i paʻu*+ e selau o tino o Filisitia ina ia taui+ atu ai i fili o le tupu, ae e lē manaʻo i tupe e totogi ai le faaipoipoga.’ ”+ Peitaʻi, na faufau Saulo ia oti ai Tavita i lima o Filisitia. 26  Ua taʻu mai e ana auauna o nei upu iā Tavita, ma ua fiafia ai Tavita e fai avā+ atu i le afafine o le tupu, ae e leʻi oo foʻi i le taimi atofaina. 27  Ona tulaʻi lea o Tavita ma ona tagata, ua ō atu ma fasia+ tagata Filisitia e toʻalua selau, ua aumaia foʻi e Tavita paʻu o o latou tino+ ma avatu le aofaʻi atoa i le tupu, ina ia fai avā ai o ia i le afafine o le tupu. Ona avatu lea e Saulo iā te ia o Mekala lona afafine e fai ma ana avā.+ 28  Ua vaai Saulo ma ua ia iloaina o loo faatasi Ieova iā Tavita.+ Ua alofa foʻi Mekala le afafine o Saulo iā Tavita.+ 29  Ona atili fefe ai lea o Saulo ona o Tavita, ua avea foʻi Tavita ma fili o Saulo i aso uma.+ 30  Ua ō atu perenise+ o Filisitia e tau, a ua sili le faautauta+ o Tavita i auauna uma a Saulo i taimi uma e ō ai e tau; ua matuā tāua foʻi lona igoa.+

Faamatalaga Pito i Lalo

O se meafaifaaili e tagitagi.
O se meafaifaaili e tolu manoa i aso anamua e faapei o se kitara. (Faa-Peretania o le lute.)
I le gagana Eperu, “e faafetaiaʻi o ta gafa.”
O le “paʻu” lenei e faasino atu i le paʻu o totogasā o tamāloloa.