Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 16:1-23

16  Mulimuli ane, ona fetalai mai lea o Ieova iā Samuelu: “O le ā le umi e te faanoanoa ai ona o Saulo,+ auā ua ou teena o ia ina ia lē avea ma tupu iā Isaraelu?+ Inā faatumu ia o lau fagu nifo i le suāuu+ ma e alu. Ou te auina atu oe iā Iese+ le Peteleema, auā ua ou filifilia mai i ona atalii se tupu mo aʻu.”+  A ua fai atu Samuelu: “E faapefea ona ou alu? Afai e faalogo i ai Saulo, o le a ia fasiotia aʻu.”+ Ua fetalai mai Ieova: “Ia e alu ma ave se tamaʻi povi o le lafu, ma ia e faapea atu, ‘Ua ou sau e fai le taulaga iā Ieova.’+  E te fai atu iā Iese e alu ane i le taulaga; ona ou faailoa atu lea iā te oe o le mea e te faia,+ e te faauuina+ foʻi mo aʻu o lē ou te fai atu ai iā te oe.”  Ona faia lea e Samuelu e pei ona fetalai mai ai Ieova. Ua alu atu o ia i Peteleema,+ ona gatete+ ai lea o toeaina o le aai ina ua feiloaʻi ma ia, ma ua latou fai mai: “Pe e te sau ea ma le filemu?”+  Ona ia tali atu lea: “Ua ou sau ma le filemu. Ua ou sau e fai le taulaga iā Ieova. Inā faapaia+ ia outou, ma ia outou ō mai iā te aʻu e fai ai le taulaga.” Ona ia faapaiaina lea o Iese ma ona atalii, ma fai atu iā i latou e ō mai i le taulaga.  A o latou ō mai, ua ia iloa atu Eliapo,+ ona ia faapea ane lea: “E moni lava o loo i luma o Ieova o lē e faauuina e ia.”  A ua fetalai mai Ieova iā Samuelu: “Aua e te vaai i ona foliga, po o le maualuga o lona tino,+ auā ua ou teena o ia. Auā e lē vaai le Atua e pei o le vaai a tagata,+ auā o le tagata e vaai i le tino;+ a o Ieova e vaai i le loto.”+  Ona valaau lea o Iese iā Apinatapa+ e alu ane i luma o Samuelu, a ua ia fai atu: “E leʻi filifilia e Ieova lenei tagata.”  Ona valaau lea o Iese ina ia alu ane Saama,+ a ua ia fai atu: “E leʻi filifilia foʻi e Ieova lenei tagata.” 10  Ona fai atu lea o Iese ia ō ane ona atalii e toʻafitu i luma o Samuelu; a ua fai atu Samuelu iā Iese: “E leʻi filifilia e Ieova i latou nei.” 11  Mulimuli ane, ua fai atu Samuelu iā Iese: “Po o tama uma nei?” Ua fai mai o ia: “Ua toe o le uii,+ faauta! o loo leoleoina e ia o mamoe.”+ Ona fai atu lea o Samuelu iā Iese: “Inā aami atu ia iā te ia, auā tatou te lē aai seʻia sau o ia.” 12  Ua ia aami iā te ia ma ua sau ai o ia. O ia o se tauleʻaleʻa e enaena le paʻu,+ e mata manaia toe aulelei. Ona fetalai mai lea o Ieova: “Inā tulaʻi ia ma faauu iā te ia, auā o ia lava lenā!”+ 13  Ona tago lea o Samuelu i le fagu nifo o le suāuu,+ ua faauu iā te ia i luma o ona uso. Ua amata ai i lea aso ona osofia Tavita e le agaga o Ieova.+ Mulimuli ane, ua tulaʻi Samuelu ma alu atu i Rama.+ 14  Ua teʻa ese+ le agaga lava lea o Ieova mai iā Saulo, a ua oo iā te ia le mataʻu ona o le agaga leaga+ mai iā Ieova. 15  Ua fai atu auauna a Saulo iā te ia: “O lenei ua e mataʻu ona o le agaga leaga mai i le Atua. 16  Faamolemole, seʻi poloaʻi mai lo matou alii i au auauna o loo i ou luma, ina ia matou saʻili se tagata tomai+ e tā le kitara.*+ Pe afai e oo mai iā te oe le agaga leaga mai i le Atua, ona tā lea e ia o le kitara i lona lima, ona e toe lelei ai lea.” 17  Ona fai mai lea o Saulo i ana auauna: “Faamolemole, seʻi saʻili mai mo aʻu se tagata e poto e tā le kitara, ma ia outou aumaia o ia iā te aʻu.”+ 18  Ona tali atu lea o se tasi o auauna, ua faapea atu: “Faauta! ua ou iloa le atalii o Iese le Peteleema o lē e tomai e tā kitara,+ o ia o le toa, o le tagata malosi,+ o le tagata foʻi o le taua,+ e mauupu+ o ia toe aulelei,+ o loo iā te ia foʻi Ieova.”+ 19  Ona aauina atu lea e Saulo o avefeʻau iā Iese, ma faapea atu: “Ia e auina mai iā te aʻu lou atalii o Tavita, o lē o loo leoleo i mamoe.”+ 20  Ua ave e Iese le asini, o falaoa, o le fagupaʻu+ uaina, ma le tamaʻi ʻoti ma tuu atu i le lima o Tavita lona atalii e ave iā Saulo.+ 21  Ua alu atu Tavita iā Saulo ma auauna iā te ia;+ ua matuā alofa iā te ia, ua avea foʻi o ia ma lē e aveina ana meatau.+ 22  Mulimuli ane, ona avatu lea o le feʻau a Saulo iā Iese, ua faapea atu: “Faamolemole, seʻi nofo pea Tavita e auauna mai iā te aʻu, auā ua ou fiafia lava iā te ia.” 23  Ina ua oo iā Saulo le agaga o le Atua, ona tago ai lea o Tavita i le kitara ma tā i lona lima; ua mapu ai Saulo ma ua lelei iā te ia, ona alu ese ai lea o le agaga leaga mai iā te ia.+

Faamatalaga Pito i Lalo

O se meafaifaaili anamua e ese mai i le kitara i aso nei. O le upu Peretania, o le harp.