Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 15:1-35

15  Ua fai atu Samuelu iā Saulo: “Na auina mai aʻu e Ieova e faauu+ oe e fai ma tupu e pule i lona nuu o Isaraelu, o lenei, ia e faalogo mai i afioga a Ieova.+  O le mea lenei na fetalai mai ai Ieova o ʻau,+ ‘Ou te tauimasui+ atu i le mea na faia e Amaleka iā Isaraelu, ina ua siitaua iā te ia i le ala a o alu aʻe o ia mai i Aikupito.+  O lenei, inā alu ia ma fasi iā Amaleka+ ma faaumatia o ia,+ ma mea uma ua iā te ia, aua neʻi e alofa mutimutivale i ai, a ia faaumatia i latou,+ o tane atoa ma fafine, o tamaiti atoa ma tama fesusui,+ o povi poʻa atoa ma mamoe, o kamela atoa ma asini.’ ”+  Ona aami lea e Saulo le nuu ma faitau i latou i Tilaima,+ e toʻalua selau afe tagata savavali, ae e toʻasefulu afe tagata o Iuta.+  Ua oo atu Saulo i le aai o Amaleka, ma lalafi ai i le ālia.  Ua fai atu Saulo i tagata Keni:+ “Inā outou ō ifo ia ma ō ese+ mai i tagata Amaleka, ina neʻi oʻu tafiesea ai outou faatasi ma i latou. A o oe, na e alofa faamaoni i le fanauga uma a Isaraelu+ i le taimi na o latou ō aʻe ai mai i Aikupito.”+ Ona ō ese lea o tagata Keni mai i Amaleka.  Mulimuli ane, ona fasia lea e Saulo o Amaleka,+ e amata mai i Havila+ seʻia oo i Sura,+ lea e feagai ma Aikupito.  Ua ia puʻe ola Akako+ le tupu o Amaleka, ae na ia faaumatia le nuu uma i le pelu.+  A ua alolofa mutimutivale Saulo ma le nuu iā Akako, ua latou faasaoina manu aupito i lelei o le lafu mamoe, o le lafu povi,+ o manu pepeti, o mamoe poʻa, ma mea uma ua lelei, ua lē mananaʻo e faaumatia i latou.+ A ua latou faaumatia mea uma ua leaga ma mamaʻi. 10  Ona oo mai lea o le afioga a Ieova iā Samuelu, e faapea: 11  “Ua ou faanoanoa+ lava ona na ou tofia Saulo e fai ma tupu, auā ua liliuese+ o ia i le mulimuli mai iā te aʻu, ua na lē faia foʻi aʻu upu.”+ Ua mafatia Samuelu i lenei fetalaiga,+ ma ua alu le pō atoa o tagi atu iā Ieova.+ 12  Ona vave tulaʻi lea o Samuelu e faafetaiaʻi iā Saulo i le taeao. A ua oo atu le tala iā Samuelu e faapea: “Na sau Saulo i Karamelu,+ faauta! ua ia faatū se maa faamanatu+ e faamamaluina ai o ia lava, ona ia toe liliu lea ma ui atu ua alu ifo i Kilikala.” 13  Mulimuli ane, ona oo lea o Samuelu iā Saulo, a ua fai mai Saulo iā te ia: “Ia faamanuia+ Ieova iā te oe. Ua ou faia le afioga a Ieova.”+ 14  A ua fai atu Samuelu: “O le ā le tagi a le lafu mamoe lea ou te faalogo atu i ai, ma le tagi foʻi a le lafu povi?”+ 15  Ona fai mai lea o Saulo: “Na latou aumaia mai i tagata Amaleka, auā ua faasaoina e le nuu+ o manu e aupito i lelei o le lafu mamoe ma le lafu povi, ina ia faaaogā i taulaga iā Ieova lou Atua;+ ae na matou faaumatiaina mea uma na totoe.” 16  Ona fai atu lea o Samuelu iā Saulo: “Faatali! Seʻi oʻu taʻuina atu le mea na fetalai mai ai Ieova iā te aʻu anapō.”+ Ona ia fai mai lea: “Ia saunoa!” 17  Ua fai atu Samuelu: “Pe e leʻi faauuina+ ea oe e Ieova e fai ma tupu i Isaraelu, ma avea oe ma ulu o ituaiga o Isaraelu, a o e manatu faatauvaa iā te oe lava?+ 18  Mulimuli ane, ua auina atu oe e Ieova i se feʻau ma fetalai atu, ‘Inā alu ia ma faaumatia o ē e agasala,+ o tagata o Amaleka, ia e tau foʻi ma i latou seʻia e faaumatia i latou.’+ 19  Aiseā la ua e lē usiusitaʻi ai i le siʻufofoga o Ieova, a ua e oso vave atu ma le matapeʻapeʻa i mea na faoa+ ma faia le mea leaga i luma o Ieova?”+ 20  A ua fai mai Saulo iā Samuelu: “Na ou usiusitaʻi+ lava i le siʻufofoga o Ieova, lea na ou alu ai i le feʻau na auina ai aʻu e Ieova, na ou aumaia foʻi Akako+ le tupu o Amaleka, ae na ou faaumatia Amaleka.+ 21  Ua aumaia foʻi e tagata+ mai i le vete o mamoe ma povi, o manu e aupito i lelei o mea na faaumatia, e fai ai taulaga+ iā Ieova lou Atua i Kilikala.”+ 22  Ona fai atu lea o Samuelu: “Pe e sili ea le fiafia o Ieova i taulaga mū+ ma isi taulaga, i le fiafia i le usiusitaʻi i le siʻufofoga o Ieova? Faauta! E sili atu le usiusitaʻi+ i lo o le taulaga,+ e sili atu foʻi le faalogo i lo o le gaʻo+ o mamoe poʻa; 23  auā e tutusa le fouvale+ ma le agasala o le faia o valovaloga faataulāitu,+ e tutusa foʻi le faamaualuga ma mana faataulāitu, ma le ifo i tupua.*+ Talu ai ua e teena le afioga a Ieova,+ e faapena foʻi ona ia teena oe i le avea ma tupu.”+ 24  Ona fai mai lea o Saulo iā Samuelu: “Ua ou agasala,+ auā ua ou solia le faatonuga a Ieova ma au upu, ona ua ou fefe i le nuu+ ma ou usiusitaʻi ai i a latou upu. 25  Faamolemole, ia faamagalo+ laʻu agasala, ma seʻi o ta toe foʻi ina ia ou ifo+ atu iā Ieova.” 26  A ua fai atu Samuelu iā Saulo: “Ta te lē toe foʻi ma oe, auā ua e lafoaʻia le afioga a Ieova, ua tuulafoaʻi foʻi oe e Ieova i le avea pea ma tupu iā Isaraelu.”+ 27  Ua liliu Samuelu o le a alu, a ua tago atu o ia i le pito o lona ofu talaloa, ona masae+ ai lea. 28  Ona fai atu lea o Samuelu iā te ia: “Ua saeia+ e Ieova le pulega o le malo o Isaraelu mai iā te oe i le asō, ae e na te tuuina atu lava i lou uso a tagata o lē e sili atu i lo o oe.+ 29  E lē gata i lea, e lē pepelo+ lava Lē e Mamalu o Isaraelu,+ e lē salamō foʻi o Ia, auā e lē o Ia o se tagata e salamō ai.”+ 30  Ona ia fai mai lea: “Ua ou agasala. Faamolemole, seʻi e faamamaluina aʻu+ i luma o loʻu nuu ma luma o Isaraelu, ia ta toe foʻi ma ou te ifo lava iā Ieova lou Atua.”+ 31  Ua mulimuli atu Samuelu i tua o Saulo, ona ifo lea o Saulo iā Ieova. 32  Ua mavae lenā, ona fai atu lea o Samuelu: “Ia outou aumai iā te aʻu Akako le tupu o Amaleka.” Ona sau toaʻi ai lea o Akako, ua faapea ifo foʻi Akako iā te ia lava: “E moni lava e lē fasiotia aʻu.” 33  A ua fai atu Samuelu: “E pei ona faavauvau o fafine ua leai ni fanau ona o lau pelu,+ e faapena foʻi ona sili ona faavauvau o lou tinā+ i fafine ua leai ni fanau.”+ Ona tipitipi ai lea e Samuelu o le tino o Akako i luma o Ieova i Kilikala.+ 34  Ona alu ai lea o Samuelu i lona ala i Rama, a ua alu aʻe Saulo i lona aiga i Kipea+ o le nuu o Saulo. 35  E leʻi toe vaai lava Samuelu iā Saulo seʻia oo i le aso na oti ai o ia, auā ua faavauvau+ Samuelu iā Saulo. A ua faanoanoa Ieova i lona tofia o Saulo e fai ma tupu iā Isaraelu.+

Faamatalaga Pito i Lalo

I le gagana Eperu, o le “terafimi” o lona uiga o atua po o tupua o le aiga.