Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Samuelu 12:1-25

12  Mulimuli ane, ua fai atu Samuelu iā Isaraelu uma: “Ua ou faalogo atu i a outou upu e tusa ma mea uma na outou fai mai ai iā te aʻu,+ ina ia ou tofia se tupu e pule iā te outou.+  O lenei, ua savali le tupu i o outou luma!+ A o aʻu, ua ou toeaina+ ma ulusinā,+ o loo iā te outou foʻi oʻu atalii,+ a o aʻu nei, na ou savali i o outou luma a o oʻu talavou e oo mai lava i le asō.+  O aʻu lenei. Ia outou tali mai iā te aʻu i luma o Ieova ma luma o lē na ia faauuina:+ Pe na iai se isi na ou aveina sana povi, pe na iai se isi na ou aveina sana asini,+ pe na iai se isi na ou faasesēina, pe na iai se isi na ou tuʻimomomoina, pe na iai foʻi se isi na ou taliaina mai ai tupe faaalatua, lea na ou lē amanaʻia ai le mea na ia faia?+ Ou te toe faafoʻi atu lava iā te outou.”+  Ona latou tali mai lea: “E te leʻi faasesēina i matou, pe tuʻimomomoina i matou, e te leʻi talia foʻi se mea mai i le lima o se tagata e toʻatasi.”+  Ona ia fai atu lea iā i latou: “O loo molimau Ieova iā te outou, o loo molimau foʻi i le asō lē na ia faauuina,+ tou te leʻi mauaina lava se mea e tasi i loʻu lima.”+ Ona latou fai mai lea: “O loo molimau o ia.”  Ua fai atu Samuelu i le nuu: “O Ieova o le molimau, o lē na faaaogāina Mose ma Arona, ma o lē foʻi na ia aveina aʻe o outou augātamā mai i le nuu o Aikupito.+  O lenei, inā tutū mai ia outou, e fai aʻu ma faamasino iā te outou i luma o Ieova, ma faamanatu atu iā te outou galuega tonu+ uma a Ieova na ia faia iā te outou ma o outou augātamā.  “Ina ua alu atu Iakopo i Aikupito,+ ma alalaga atu o outou augātamā iā Ieova mo se fesoasoani,+ ona aauina atu lea e Ieova o Mose+ ma Arona ina ia la aumai o outou augātamā mai i Aikupito, ma faanonofo i latou i lenei nuu.+  Ua latou faagalo Ieova lo latou Atua,+ ona ia faatau+ atu lea o i latou i lima o Sesera+ le taʻitaʻiʻau o Hasora, ma lima o Filisitia,+ ma lima foʻi o le tupu o Moapi,+ ua latou siitaua pea iā i latou. 10  Ua latou alalaga atu iā Ieova mo se fesoasoani+ ma faapea atu, ‘Ua matou agasala+ auā ua matou tuua Ieova ae auauna iā Paala+ ma tupua o Asaira;+ o lenei, ia e laveaʻi+ i matou mai i lima o o matou fili, ina ia matou auauna atu iā te oe.’ 11  Ona aauina mai lea e Ieova o Ierupaala,+ o Petana, o Iefata,+ ma Samuelu,+ ina ia laveaʻi outou mai i lima o o outou fili i itu uma, ina ia outou nonofo ai ma le saogalemu.+ 12  Ina ua outou iloa atu Naasa+ le tupu o le fanauga a Amoni o siitaua mai iā te outou, ona outou fai mai pea lea iā te aʻu, ‘E leai, ia tofia se tupu e pule iā i matou!’+ a o Ieova lo outou Atua, o lo outou Tupu lava lea.+ 13  O lea la, o le tupu lenei na outou filifilia, lea na outou talosaga mai ai;+ o lenei ua tofia e Ieova se tupu e pule iā te outou.+ 14  Afai e tou te matataʻu iā Ieova+ ma auauna iā te ia,+ ma usiusitaʻi i lona siʻufofoga,+ tou te lē fouvale+ foʻi i faatonuga a Ieova, ona outou mulimuli ai lea iā Ieova lo outou Atua, o outou ma le tupu o le a pule iā te outou. 15  Ae afai e tou te lē usiusitaʻi i le siʻufofoga o Ieova+ ma fouvale i le faatonuga a Ieova,+ ona oo atu lea o le aao o Ieova iā te outou ma o outou tamā.+ 16  O lenei foʻi, inā tutū ia outou ma vāai i lenei mea sili ua faia e Ieova i o outou luma. 17  Pe e lē o le aso ea lenei o le seleselega+ o saito? Ou te valaau+ atu iā Ieova ina ia aumaia e ia o faititili ma timuga;+ ia outou iloa ai ma vāai i le tele+ o la outou amioleaga ua faia i luma o Ieova, ina ua outou talosaga mai mo se tupu.” 18  Ona valaau lea o Samuelu iā Ieova,+ ua tuuina mai foʻi e Ieova o faititili ma timuga i lenā aso,+ ona matuā matataʻu ai lea o tagata uma iā Ieova ma Samuelu. 19  Ua fai mai le nuu uma iā Samuelu: “Ia e tatalo+ iā Ieova lou Atua mo au auauna, talu ai matou te lē fia feoti; auā ua matou faaopoopoina atu i a matou agasala ma amioleaga uma, ina ua matou talosaga atu mo se tupu.” 20  Ona fai atu lea o Samuelu i le nuu: “Aua tou te fefefe.+ Ua outou faia lenei amioleaga. Ae aua neʻi outou liliuese mai i le mulimuli atu iā Ieova,+ ae ia outou auauna iā Ieova ma o outou lotoatoa.+ 21  Aua foʻi neʻi outou liliuese e mulimuli atu i atua faatauvaa,+ e lē aogā+ ma e lē laveaʻia ai outou, auā e faatauvaa lava i latou. 22  Auā e lē tuulafoaʻiina+ e Ieova lona nuu ona o lona suafa sili,+ auā ua finagalo Ieova e fai outou ma ona nuu.+ 23  A o aʻu, ia mamao iā te aʻu ona ou agasala iā Ieova i loʻu lē tatalo mo outou;+ ou te aʻoaʻoina+ outou i le ala lelei+ ma le tonu. 24  Tau ina ia outou matataʻu+ iā Ieova ma auauna iā te ia ma le faamaoni ma o outou lotoatoa;+ ia outou mafaufau foʻi i mea sili ua ia faia mo outou.+ 25  Ae afai e tou te faauamaaa ma faia mea leaga, ona tafiesea+ lea o outou ma lo outou tupu.”+

Faamatalaga Pito i Lalo