Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Samuelu 10:1-27

10  Ona tago lea o Samuelu i le fagu+ uu ma liligi i lona ulu, ua sogi+ iā te ia ma faapea mai: “Pe e leʻi faauuina ea oe e Ieova e fai ma taʻitaʻi+ i lona tofi?+  Pe a e alu ese mai iā te aʻu i le asō, e te maua ni tamāloloa se toʻalua e lata ane i le tuugamau o Rasela+ i le laueleele o Peniamina i Salesa, e la te fai mai iā te oe, ‘Ua maua asini fafine na e alu e suʻe, a o lenei ua uma le popole o lou tamā i asini,+ a ua popole iā te oulua, o loo faapea o ia: “O le ā nei se mea ou te faia i loʻu atalii?” ’+  Ona e alu atu lea mai i inā, ma faaauau seʻia taunuu i le mea o iai le laau tele o Tapora, o i inā e tou te fetaiaʻi ai ma ni tagata se toʻatolu o loo ō aʻe i Peteli+ e tapuaʻi ai i le Atua moni, o loo ave e le tasi o tamaʻi ʻoti+ e tolu, e ave e le isi o falaoa+ lapotopoto e tolu, ae ave e le isi le fagu uaina lapoʻa.+  E latou te fesili atu po o ā mai oe+ ma avatu iā te oe falaoa e lua, ma ia e talia na mea mai iā i latou.  Mulimuli ane, ona e oo ai lea i le aʻega o le Atua moni,+ lea o loo iai le leoleoga+ a Filisitia. Pe a e oo atu i inā i le aai, e te fetaiaʻi ma ni perofeta+ o loo ō ifo mai i le mea maualuga,+ ma o loo muamua i o latou luma ni tagata ma a latou meafaifaaili e iai uaua,+ o topa,*+ o fagufagu,+ ma kitara,*+ o loo latou tautatala foʻi e pei o ni perofeta.  Ona osofia lea o oe e le agaga+ o Ieova, ma e tautala ai e pei o se perofeta+ e faatasi ma i latou, e suia foʻi oe e peiseaʻī o se isi tagata.  Pe a oo mai nei faailoga+ iā te oe, ia e faia le mea ua e manatu i ai e tatau ona faia,+ auā o loo faatasi le Atua moni ma oe.+  Ia e muamua ifo iā te aʻu i Kilikala;+ faauta! ou te alu ifo iā te oe e ofo atu taulaga mū, ma taulaga faifaatasi.+ Ia e faatali pea mo aso e fitu+ seʻia ou alu atu iā te oe, ou te faailoa atu foʻi iā te oe le mea e ao ona e faia.”  Ina ua liliu atu lona tua e alu ese mai iā Samuelu, ona suia lea e le Atua o lona loto;+ ua taunuu foʻi nei faailoga+ uma i lea lava aso. 10  Ona latou ō atu ai lea mai i inā i le aʻega, ma o loo iai i inā ni perofeta e faafetaiaʻi iā te ia; ona osofia lea o ia+ e le agaga o le Atua, ma ua tautala ai o ia e pei o se perofeta+ faatasi ma i latou. 11  Ina ua vāai iā te ia i latou uma na iloa muamua o ia, faauta! ua ia faia valoaga faatasi ma le ʻauperofeta. Ona faapea ane lea o le nuu o le tasi i le isi: “O le ā lenei mea ua tupu i le atalii o Kiso? Po o Saulo ea foʻi o se tasi o le ʻauperofeta?”+ 12  Ona tali mai lea o se tasi o tagata mai i inā, ua faapea: “O ai ea lo latou tamā?” O le mea lenā o loo iai se faaupuga masani+ faapenei: “Po o Saulo ea foʻi o se tasi o le ʻauperofeta?” 13  Ua uma ona tautala o ia e pei o se perofeta, ona alu aʻe lea i le mea maualuga. 14  Mulimuli ane, ua fai mai le uso o le tamā o Saulo iā te ia ma lana auauna: “O fea na lua ō i ai?” Ona ia fai atu lea: “Na ma ō e suʻe asini,+ na ma ō pea e vaai ae ua leai. Ona ma ō lea iā Samuelu.” 15  Ua fai mai le uso o le tamā o Saulo e faapea: “Faamolemole, seʻi taʻu mai iā te aʻu, O le ā se tala a Samuelu na fai atu iā te oulua?” 16  Ona fai atu lea o Saulo i le uso o lona tamā: “Na ia taʻutino mai iā i maʻua ua maua asini na leiloloa.” Ae na te leʻi faailoa atu iā te ia+ e faatatau i lona tulaga o se tupu, lea na talanoa atu ai Samuelu. 17  Ona faapotopoto faatasi lea e Samuelu le nuu i luma o Ieova i Mesepa,+ 18  ua faapea atu i le fanauga a Isaraelu: “O le mea lenei ua fetalai mai ai Ieova le Atua o Isaraelu,+ ‘O aʻu na ou aveina aʻe Isaraelu mai i Aikupito, ma laveaʻia outou mai i lima o Aikupito,+ ma lima o malo uma na faasauā iā te outou.+ 19  A o outou, ua outou teena i le aso nei lo outou Atua+ o lē na faaola iā te outou mai i o outou puapuaga ma o outou mafatiaga uma, ma ua outou faapea mai: “E leai, a ia e tofia se tupu e pule iā i matou.” O lenei, inā laulaututū mai ia o outou ituaiga+ i luma o Ieova, ma o outou ʻauaiga e taʻitoʻaafe.’ ” 20  Ona faalatalata+ mai lea e Samuelu o ituaiga uma o Isaraelu, ua filifilia foʻi le ituaiga o Peniamina.+ 21  Ua ia faalatalata mai aiga uma o le ituaiga o Peniamina, ma ua filifilia ai le aiga o Matere.+ Mulimuli ane, ona filifilia lea o Saulo le atalii o Kiso.+ Ua latou ō atu e suʻe o ia, ae e leʻi maua. 22  Ona latou toe fesili+ atu lea iā Ieova: “Po ua sau ea i inei le tagata?” Ona fetalai mai lea o Ieova: “O loo lafi+ o ia i oloa.” 23  Ona latou taufetuli atu lea ma aumai o ia mai i inā. Ina ua tū o ia i le ogatotonu o le nuu, e sili atu lona umī i tagata uma e gata ifo i ona tauʻau.+ 24  Ona fai atu lea o Samuelu i le nuu atoa: “Po ua outou vāai atu ea i lē ua filifilia+ e Ieova, e leai lava se tasi e tusa ma ia i le nuu uma?” Ona alalaga ai lea o le nuu, ua faapea atu: “Ia soifua le tupu!”+ 25  Ua taʻu atu e Samuelu i le nuu o mea e manaʻomia e le tupu+ mai iā i latou ma tusia i se tusi, ma tuuina atu i luma o Ieova. Ona aauina ese atu lea e Samuelu o le nuu uma, e taʻitasi ma alu i lona fale. 26  A o Saulo, ua alu o ia i lona aiga i Kipea,+ ua ō foʻi ma ia o tagata totoa o ē na pāʻia o latou loto e le Atua.+ 27  A ua faapea ane tagata lē aogā:+ “E faapefea ona faaolaina i tatou e lenei tagata?”+ Ua latou ʻinoʻino+ iā te ia, ua latou lē aumaia foʻi ni meaalofa iā te ia.+ A ua faaauau ona lē tautala o ia.+

Faamatalaga Pito i Lalo

O se meafaifaaili e tagitagi. O le upu Peretania o le tambourine.
O se meafaifaaili anamua e ese mai i le kitara i aso nei. O le upu Peretania, o le harp.