Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 28:1-21

28  Ua faapotopoto e Tavita o alii sili+ uma o Isaraelu i Ierusalema, o alii sili+ o ituaiga, o alii sili+ o vaega o i latou o loo auauna i le tupu, o taʻitaʻi o le taʻitoʻaafe,+ o taʻitaʻi o le taʻitoʻaselau,+ o alii sili o mea uma,+ ma lafumanu+ a le tupu ma ona atalii,+ faatasi ma tagata aloaʻia,+ ma tagata malolosi,+ ma tagata totoa uma.  Ona tulaʻi lea o le tupu o Tavita ma ua faapea atu: “Oʻu uso e, ma loʻu nuu, inā faalogologo mai ia. Sa naunau loʻu loto+ e fausia se fale e tuu ai le atolaau o le feagaiga a Ieova, ma o se mea e tū ai aao+ o lo tatou Atua, ma na ou sauniuni foʻi e fausiaina.+  A ua fetalai mai le Atua moni iā te aʻu, ‘E te lē fausiaina se fale mo loʻu igoa;+ auā o oe o le tagata o taua, ma ua e faamaligiina foʻi toto.’+  Na filifilia aʻu e Ieova le Atua o Isaraelu mai i le aiga uma o loʻu tamā+ e fai ma tupu+ o Isaraelu i aso uma lava; auā na ia filifilia Iuta e fai ma taʻitaʻi,+ ua filifilia foʻi le aiga o loʻu tamā+ mai i le aiga o Iuta, mai i atalii+ o loʻu tamā, ua finagalo malie+ o ia e fai aʻu ma tupu iā Isaraelu uma;  mai i oʻu atalii uma foʻi (auā e toʻatele atalii na foaʻiina mai e Ieova iā te aʻu)+ na ia filifilia Solomona+ loʻu atalii e nofo i le nofoālii+ o le malo o Ieova e pule iā Isaraelu.  “Na ia fetalai mai foʻi iā te aʻu, ‘O lou atalii o Solomona e na te fausia loʻu fale+ ma oʻu lotoā; auā ua ou filifilia o ia e fai ma oʻu atalii,+ e fai foʻi aʻu ma ona tamā.+  Ou te matuā faatumauina lona malo+ i aso uma lava, pe afai e matuā maumauaʻi o ia e tausia aʻu poloaʻiga+ ma aʻu faamasinoga,+ e pei ona fai i le aso nei.’  O lenei, i luma o Isaraelu uma le faapotopotoga a Ieova,+ ma a o faafofoga mai foʻi lo tatou Atua,+ ou te fai atu iā te outou, ia outou tausia ma saʻiliʻili i poloaʻiga uma a Ieova lo outou Atua, ina ia fai ai le nuu lelei+ ma o outou tofi, ma ia tuufaasolo atu e fai ma tofi o a outou fanau i aso uma lava, pe a mavae atu outou.  “O oe foʻi, Solomona e, loʻu atalii, ia e iloa+ le Atua o lou tamā ma ia auauna+ atu iā te ia ma le lotoatoa+ ma le lotofiafia;+ auā e suʻesuʻe+ e Ieova loto uma lava, e silafia+ foʻi e ia o mafaufauga ma faanaunauga uma. Afai e te saʻili iā te ia, ona e maua lea o ia;+ ae afai e te tuua o ia,+ ona tuulafoaʻi lea o oe e ia e faavavau.+ 10  Vaai, o lenei ua filifilia oe e Ieova e fausia se fale e avea ma malumalu. Inā lototele ia ma fai le galuega.”+ 11  Ona tuuina atu lea e Tavita iā Solomona lona atalii o le ata+ o le faapaologa,+ o ona fale, o ona potu teuoloa,+ o ona potu pito i luga,+ o ona potu pogisa pito i totonu, ma le fale o le togisala;+ 12  e oo foʻi i le ata o mea uma na faaali mai e le agaga o le Atua+ iā te ia mo lotoā+ o le fale o Ieova, o potu ʻai+ uma o loo siʻomia ai, o oloa o le fale o le Atua moni, o oloa o mea ua faapaiaina;+ 13  o vaega+ uma o ositaulaga ma sa Levī, o le galuega uma o le auaunaga i le fale o Ieova, o ipu uma o le auaunaga i le fale o Ieova; 14  o le auro ua fuatia, o le auro o ipu uma mo auaunaga eseese, o ipu siliva uma ua fuatia, o ipu+ uma mo auaunaga eseese; 15  ua fuatia foʻi tuugāmolī+ auro ma o latou molī auro, ua fuatia tuugāmolī eseese ma o latou molī, a o tuugāmolī siliva ua fuatia mo le tuugāmolī ma ona molī, e tusa ai ma mea e faaaogā ai tuugāmolī eseese; 16  o le auro ua fuatia mo laulau o falaoa ua faaputuina,+ o laulau eseese, o siliva mo laulau siliva; 17  o tui, o ipu faaofuofu,+ o sioki o le auro māoʻi, o tamaʻi ipu faaofuofu auro+ ua fuatia mo tamaʻi ipu faaofuofu eseese, o tamaʻi ipu faaofuofu siliva ua fuatia mo tamaʻi ipu faaofuofu eseese; 18  o auro ua faamamāina ua fuatia e fai ai le fata faitaulaga+ o mea manogi, o le faatusa o le kariota,+ o kerupi+ auro ia o loo faaloaloa o la apaʻau ma faamalumalu i luga o le atolaau o le feagaiga a Ieova. 19  “Ua ia faamalamalama mai le mea atoa i se tusi,+ na ou maua mai i le aao o Ieova na i luga iā te aʻu, e oo lava i galuega uma o le ata na tusia.”+ 20  Ua fai atu Tavita iā Solomona lona atalii: “Ia e lototele,+ ia faamalosi, ma ia fai le galuega. Aua e te fefe+ pe atuatuvale,+ auā o loo faatasi ma oe Ieova le Atua, o loʻu Atua lea.+ E na te lē tuulafoaʻiina oe+ pe tuua foʻi oe seʻia māeʻa le galuega uma o le auaunaga o le fale o Ieova. 21  O vaega nei o ositaulaga+ ma sa Levī+ mo le auaunaga uma o le fale o le Atua moni; ua nofosauni+ foʻi tufuga tomai uma e fesoasoani iā te oe i galuega uma o le auaunaga,+ atoa foʻi ma alii sili+ ma le nuu atoa, e usiusitaʻi i au upu uma.”

Faamatalaga Pito i Lalo