Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 26:1-32

26  O le vaevaeina lenei o leoleo faitotoʻa:+ e mai i tagata Koru,+ o Meselemia+ le atalii o Kori mai i atalii o Asafo.  O atalii nei o Meselemia: o le ulumatua o Sakaria, o lona lua o Ietiaelu, o lona tolu o Sepatia, o lona fā o Iatanielu,  o lona lima o Elama, o lona ono o Iokana, ma lona fitu o Elioenai.  O atalii nei o Opete-etoma:+ o le ulumatua o Semaia, o lona lua o Iosapa, o lona tolu o Ioaa, o lona fā o Sakaru, o lona lima o Netanielu,  o lona ono o Amueli, o lona fitu o Isakara, ma lona valu o Pulati; auā na faamanuia le Atua iā te ia.+  O lona atalii o Semaia, na fananau mai ai atalii o ē na pule i le aiga o lo latou tamā, auā o tagata agavaa ma malolosi i latou.  O atalii o Semaia, o Oteni, o Refaelu, o Opeta, ma Elesapata, o o latou uso o Eliu ma Semakia, o ni tagata agavaa.  O i latou uma nei e mai i le fanauga a Opete-etoma, o i latou, o o latou atalii, ma o latou uso, o ni tagata agavaa e malolosi mo le auaunaga, e toʻaono sefulu lua le fanau a Opete-etoma.  Ua iā Meselemia+ o atalii ma uso, o ni tagata agavaa, e toʻasefulu valu. 10  O Hosa mai i atalii o Merari, sa iai ona atalii. O Semiri le matai, auā e lē o le ulumatua+ o ia ae na tofia o ia e lona tamā e fai ma matai;+ 11  o lona lua o Hilikia, o lona tolu o Tepelia, ma lona fā o Sakaria. O atalii uma ma uso o Hosa, e toʻasefulu tolu. 12  E mai i nei vaega o le ʻauleoleo faitotoʻa, o le alii sili sa iai ona tiute e tutusa lelei ma tiute o o latou uso,+ e auauna i le fale o Ieova. 13  Ona latou faia lea o vili+ mo aiga toʻaitiiti ma aiga toʻatele i aiga o o latou tamā,+ mo faitotoʻa taʻitasi. 14  Ua faasaga foʻi le vili agaʻi i sasaʻe iā Selemia.+ Auā o lona atalii o Sakaria,+ o se faufautua+ e faautauta, ua latou faia vili, ona faasaga lea o lona vili i le itu i mātū.+ 15  Ua maua e Opete-etoma le itu i saute, ae na i ona atalii+ fale teuoloa.+ 16  Ua faasaga vili a Supimo ma Hosa+ i sisifo e latalata i le Faitotoʻa o Saleketa, i le ala tele e agaʻi i luga, e faafeagai lea leoleoga+ ma lea leoleoga;+ 17  e toʻaono tagata sa Levī sa i le itu i sasaʻe; e toʻafā sa i le itu i mātū mo le aso;+ e toʻafā sa i le itu i saute mo le aso; e taʻitoʻalua sa i fale teuoloa;+ 18  i le itu i sisifo o le poletito, e toʻafā sa i le ala tele,+ ae e toʻalua sa i le poletito. 19  O le vaevaeina lenei o leoleo faitotoʻa o le fanauga a Koru+ ma le fanauga a Merari.+ 20  A o sa Levī, o Akia sa vaavaaia oloa+ o le fale o le Atua moni, ma oloa o mea ua faapaiaina.+ 21  O atalii o Latana,+ o atalii ia o Keresona mai iā Latana; o matai o aiga o o latou tamā mai iā Latana le tagata Keresona, o Ikieli.+ 22  O atalii o Ikieli, o Setama ma Ioelu+ lona uso, na vaavaaia oloa+ o le fale o Ieova. 23  A o sa Amaramō, o sa Isarā, o sa Heperonā, ma sa Usialū,+ 24  e oo lava iā Sepuelu+ le atalii o Keresoma le atalii o Mose, sa pule i fale teuoloa. 25  A o ona uso, e mai iā Elisara+ o Reapea+ lona atalii, o Iesaia lona atalii, o Iorama lona atalii, o Sekari lona atalii, ma Selome lona atalii. 26  O Selome lenei ma ona uso sa vaavaaia oloa uma o mea ua faapaiaina,+ ia na faapaiaina e le tupu o Tavita+ ma matai o aiga o o latou tamā,+ o alii o le taʻitoʻaafe ma le taʻitoʻaselau, ma taʻitaʻiʻau. 27  Na latou faapaiaina o mea mai i taua+ ma mea mai i le vete,+ e faaleleia ai le fale o Ieova. 28  E faapena foʻi mea uma na faapaiaina e Samuelu le tagata e iloa faaaliga,+ o Saulo le atalii o Kiso, o Apineru+ le atalii o Neru, ma Ioapo+ le tama a Seruia.+ O so o se mea na faapaiaina e se tasi, na vaavaaia e Selomita ma ona uso. 29  O le ʻau sa Isarā,+ o Kinania ma ona atalii sa tofia i tiute e faia i fafo+ o le fale o le Atua, o ni leoleo ma faamasino+ iā Isaraelu. 30  O le ʻau sa Heperonā,+ o Hasapea ma ona uso, o tagata agavaa+ i latou e toʻaafe fitu selau, sa vaavaaia Isaraelu i le vaega o Ioritana i sisifo, i le galuega uma a Ieova ma le auaunaga mo le tupu. 31  O le ʻau sa Heperonā, o Ieria+ o le matai o le ʻau sa Heperonā, e tusa ma augātupulaga o o latou augātamā. O le tausaga lona fā sefulu+ o le nofoaiga a Tavita, na saʻili ai ni tagata totoa ma na maua ai i latou i Iasaru+ i Kiliata.+ 32  O ona uso foʻi o tagata agavaa,+ e toʻalua afe fitu selau, o matai ia o aiga o o latou tamā.+ Ona tofia lea o i latou e le tupu o Tavita e pule i le ʻau sa Reupenā, o sa Katō, ma le ʻafa o le ituaiga o Manase,+ i mea uma a le Atua moni ma mea+ a le tupu.

Faamatalaga Pito i Lalo