Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 24:1-31

24  Ua vaevaeina atalii o Arona. O atalii o Arona o Natapu,+ o Aviu,+ o Eleasaro,+ ma Itamaro.+  Ae peitaʻi, na feoti Natapu ma Aviu+ a o leʻi oti lo la tamā,+ e leʻi iai foʻi ni a la fanau, ae na galulue pea Eleasaro+ ma Itamaro o ni ositaulaga.  A ua tofia e Tavita o Satoka+ mai i le fanauga a Eleasaro, ma Aimeleka+ mai i le fanauga a Itamaro, na tofia i laʻua i o la tofiga i la laʻua auaunaga.+  A ua toʻatele atu alii sili o le fanauga a Eleasaro nai lo o le fanauga a Itamaro. Ona latou tufatufaina atu lea o i latou i le fanauga a Eleasaro e fai ma matai o aiga o o latou tamā, e toʻasefulu ono, ae e toʻavalu na tufatufaina atu i le fanauga a Itamaro, e fai ma matai o aiga o o latou tamā.  Ua latou vaevaeina foʻi i latou e ala i le vili,+ o i latou nei faatasi ma i latou na, auā e ao ona iai ni alii o le mea paia+ ma alii o le Atua moni, mai i le fanauga a Eleasaro ma le fanauga a Itamaro.  Ona tusia lea o i latou e Semaia le atalii o Netanielu le failautusi+ o le ʻau sa Levī, i luma o le tupu ma perenise, o Satoka+ le ositaulaga, o Aimeleka+ le atalii o Aviata,+ ma matai o tamā o ositaulaga, ma sa Levī,+ ua tofia le tasi aiga o le tamā iā Eleasaro,+ a ua tofia le tasi iā Itamaro.+  Ua faasaga le vili: e muamua o Ioaripa;+ o lona lua o Ietaia,  o lona tolu o Harima, o lona fā o Seorima,  o lona lima o Malakia, o lona ono o Meamina, 10  o lona fitu o Hakosa, o lona valu o Avia,+ 11  o lona iva o Iesua, o lona sefulu o Sekania, 12  o lona sefulu tasi o Eliasipa, o lona sefulu lua o Iakima, 13  o lona sefulu tolu o Hupa, o lona sefulu fā o Iesepeapo, 14  o lona sefulu lima o Pileka, o lona sefulu ono o Imere, 15  o lona sefulu fitu o Hesera, o lona sefulu valu o Hafesesa, 16  o lona sefulu iva o Petakia, o lona lua sefulu o Iesekielu, 17  o lona lua sefulu tasi o Iakinu, o lona lua sefulu lua o Kamula, 18  o lona lua sefulu tolu o Talaia, ma lona lua sefulu fā o Maasia. 19  O o latou tofiga+ nei i la latou auaunaga,+ e ō atu i le fale o Ieova e tusa ma la latou aiā tatau+ mai iā Arona lo latou augātamā, e pei ona poloaʻi mai ai o Ieova le Atua o Isaraelu iā te ia. 20  O le fanauga foʻi a Levi na totoe ai, o Supuelu+ mai i atalii o Amaramo;+ o Ietaia mai i atalii o Supuelu, 21  o Reapea:+ o Isea le matai mai i atalii o Reapea; 22  o Selome+ mai i sa Isarā;+ o Iata mai i atalii o Selome; 23  o Ieria+ le matai mai i atalii o Heperona,+ o lona lua o Amaria, o lona tolu o Iaaseelu, ma lona fā o Ikamamo. 24  O Mika mai i atalii o Usialu; o Samira mai i atalii o Mika.+ 25  O le uso o Mika o Isea; ma Sakaria mai i atalii o Isea. 26  O atalii o Merari+ o Maali+ ma Muse;+ ma Peno mai i atalii o Iaasia. 27  E mai i atalii o Merari, o Iaasia, o Peno, o Soama, o Sakuro, ma Iperi. 28  O le atalii o Maali o Eleasaro, o lē e leai ni ona atalii.+ 29  O Kiso: o atalii o Kiso o Ieramaelu. 30  O atalii o Muse o Maali,+ o Eteru, ma Ierimota.+ O atalii nei o le ʻau sa Levī i aiga o o latou tamā.+ 31  Na faia foʻi e i latou o vili+ e pei lava ona faia e o latou uso o atalii o Arona i luma o le tupu o Tavita, o Satoka, o Aimeleka, ma ulu o aiga o tamā o ositaulaga ma sa Levī. A o aiga o o latou tamā,+ sa tutusa lelei le matai ma lona uso laʻitiiti.

Faamatalaga Pito i Lalo