Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 23:1-32

23  Ua toeaina+ lava Tavita ma ua faafualoa ona aso, ona ia faia lea o Solomona+ lona atalii ma tupu iā Isaraelu.  Ua ia faapotopoto foʻi perenise+ uma o Isaraelu, o ositaulaga,+ ma le ʻau sa Levī.+  Ona faitauina lea o sa Levī mai ē e taʻitolu sefulu tausaga ma matutua atu;+ o lo latou faitau aofaʻi e tolu sefulu valu afe, o tagata taʻitoʻatasi.  Sa tofia i latou nei e galulue o ni pule i le galuega o le fale o Ieova, e toʻalua sefulu fā afe; ma le toʻaono afe e avea o leoleo+ ma faamasino;+  e toʻafā afe leoleo faitotoʻa,+ e toʻafā afe foʻi o ē e vivii+ atu iā Ieova i meafaifaaili,+ ia na faapea mai Tavita: “Na ou faia ina ia avatu ai viiga.”  Ona vaevaeina+ lea o i latou e Tavita i vaega i atalii o Levi,+ o Keresona, o Koato, ma Merari.  O tagata Keresona, o Latana, ma Semi.  O atalii o Latana o Ikielu+ le alii sili, o Setama, ma Ioelu,+ e toʻatolu.  O atalii o Semi o Selome, o Asielu, ma Karana, e toʻatolu. O matai ia o tamā o Latana. 10  O atalii o Semi o Iata, o Sina, o Iuso, ma Peria. O atalii nei e toʻafā o Semi. 11  O Iata le matai, a o Sisee e lona lua atu i ai. A o Iuso ma Peria, e leʻi toʻatele ni a la fanau; ona faitauina faatasi lea o i laʻua ma le aiga o lo la tamā.+ 12  O atalii o Koato+ o Amaramo, o Isara,+ o Heperona,+ ma Usialu,+ e toʻafā. 13  O atalii o Amaramo o Arona+ ma Mose.+ Ae na vavaeesea+ Arona ina ia faapaia e ia le Mea e Sili Ona Paia,+ o ia ma ona atalii i aso uma lava, e faamū taulaga+ i luma o Ieova, e auauna atu iā te ia+ ma vivii+ atu i lona suafa i aso uma lava. 14  A o Mose le tagata o le Atua moni,+ sa faitauina faatasi ona atalii ma le ituaiga o Levi.+ 15  O atalii o Mose, o Keresoma+ ma Elisara.+ 16  O atalii o Keresoma o Sepuelu+ le matai. 17  O atalii o Elisara o Reapea+ le matai; ma e leʻi iai nisi atalii o Elisara, a ua matuā toʻatele lava atalii o Reapea. 18  O atalii o Isara+ o Selomita+ le alii sili. 19  O atalii o Heperona o Ieria le matai, o lona lua o Amaria, o lona tolu o Iaaseelu, ma lona fā o Ikamamo.+ 20  O atalii o Usialu+ o Mika le matai, ma Isea le lona lua. 21  O atalii o Merari+ o Maali ma Muse.+ O atalii o Maali o Eleasaro+ ma Kiso. 22  A ua oti Eleasaro; e leʻi iai foʻi ni ona atalii a ua na o afafine. Ona ave lea o i latou e atalii o Kiso le uso o lo latou tamā e fai ma a latou avā.+ 23  O atalii o Muse o Maali, o Eteru, ma Ierimota,+ e toʻatolu. 24  O atalii nei o Levi i le aiga o lo latou tamā,+ o matai o aiga o o latou tamā e tusa ma ē ua tofia, e pei ona tusia o latou igoa i le lisi, o matai taʻitoʻatasi o i latou, o ē e faia le galuega mo le auaunaga+ i le fale o Ieova, e mai i ē ua taʻilua sefulu tausaga ma matutua atu.+ 25  Auā na faapea atu Tavita: “Ua foaʻi mai e Ieova le Atua o Isaraelu le mapusaga i lona nuu,+ ma e nofo o ia i Ierusalema i aso uma lava.+ 26  E lē aveina foʻi e le ʻau sa Levī le faleʻie paia po o so o se ipu, e faaaogā i le tapuaʻiga.”+ 27  E tusa ai ma poloaʻiga faaiʻu+ a Tavita, o le faitau aofaʻi lenei o atalii o Levi e mai i ē ua taʻilua sefulu tausaga ma matutua atu. 28  Auā o lo latou tofiga e auauna i atalii o Arona+ i le galuega e ao ona faia i le fale o Ieova, i lotoā,+ o potu ʻai,+ o le faamamāina o mea paia+ uma, ma le galuega o le auaunaga i le fale o le Atua moni, 29  e oo lava i le falaoa ua faaputuina,+ o le falaoamata lelei+ e faia ai taulaga i meaʻai, o falaoa manifinifi+ e lē faafefeteina,+ o falaoa e faia i luga o uʻamea mafolafola,+ o le falaoamata ua palu+ ma le suāuu, ma ituaiga uma o fua eseese;+ 30  e tutū+ foʻi i lea taeao ma lea taeao+ e faafetai+ ma vivii+ atu iā Ieova, e faapena foʻi i afiafi; 31  ma taulaga mū uma e faia iā Ieova i sapati,+ o masina faatoʻā vaaia,+ ma tausamiga,+ e faia e lē aunoa i luma o Ieova, o lo latou faitau aofaʻi e tusa ma le tulafono. 32  Na latou leoleoina+ le faleʻie o le feiloaʻiga, o le mea paia,+ ma leoleoina foʻi atalii o Arona o o latou uso, mo le auaunaga i le fale o Ieova.+

Faamatalaga Pito i Lalo