Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 21:1-30

21  Ua tulaʻi mai Satani faasaga iā Isaraelu ma faaoso+ Tavita e faitau Isaraelu.  Ona fai atu lea o Tavita iā Ioapo+ ma alii o le nuu: “Inā ō ia ma faitau+ Isaraelu, e amata mai i Peresepa+ e oo atu i Tanu,+ ma taʻu mai iā te aʻu ina ia ou iloa ai lo latou faitau aofaʻi.”+  A ua fai mai Ioapo: “Ia faaopoopo e Ieova i lona nuu ia taʻisautuaselau e pei o lo latou toʻatele.+ Loʻu Alii e, le tupu, pe lē o i latou uma ea o au auauna? Aiseā ua manatu ai loʻu alii e faia lenei mea?+ Aiseā e avea ai o ia ma mea e agasala ai Isaraelu?”  Ae peitaʻi, ua manumalo upu a le tupu+ iā Ioapo, ua alu Ioapo+ ma savali i Isaraelu uma, ona oo ai lea o ia i Ierusalema.+  Ona avatu lea e Ioapo o le aofaʻiga o le lesitala o le nuu iā Tavita; ma o le aofaʻiga o Isaraelu uma, e miliona selau afe tagata e iai a latou pelu,+ a o Iuta e toʻafā selau fitu sefulu afe tagata e iai a latou pelu.  Ae e na te leʻi lesitalaina Levi+ ma Peniamina faatasi ma i latou,+ auā ua ʻinoʻino Ioapo i upu a le tupu.  Na leaga lenei mea i le silafaga a le Atua moni,+ ma na ia taia ai Isaraelu.  Mulimuli ane, ona fai atu lea o Tavita i le Atua moni: “Ua ou matuā agasala+ lava i le mea ua ou faia. O lenei, ia faamagalo+ le sesē o lau auauna; auā ua ou valea lava+ ina ua ou faia o lenei mea.”  Ona fetalai mai lea o Ieova iā Kato,+ o lē e faamatalaina faaaliga+ iā Tavita, ua faapea: 10  “Inā alu ia ma fai atu iā Tavita, ‘O le mea lenei na fetalai mai ai Ieova: “E tolu mea ua ou tuuina atu iā te oe.+ Ia e filifili se mea e tasi o na mea ou te faia iā te oe.” ’ ”+ 11  Ona alu atu lea o Kato iā Tavita+ ma faapea atu iā te ia: “O le mea lenei na fetalai mai ai Ieova, ‘Inā e filifilia ia, 12  po o le oge+ mo le tolu tausaga; po o le faaumatia o oe mai i luma o ou fili mo le tolu masina ma fasia ai oe e le pelu a ou fili,+ po o le pelu a Ieova+ mo le tolu aso e oo ai le faamaʻi+ i le nuu, e faatamaʻia+ ai e le agelu a Ieova le nuu uma o Isaraelu.’ O lenei, ia e manatunatu ma iloa se upu e tali atu ai i Lē na auina mai aʻu.” 13  Ona fai mai lea o Tavita iā Kato: “Ua ou matuā mafatia lava. Faamolemole, ia oʻu paʻū atu i le aao o Ieova,+ auā ua tele lona alofa mutimutivale;+ ae aua neʻi oʻu paʻū atu i lima o tagata.”+ 14  Ona tuuina mai lea e Ieova o le faamaʻi+ iā Isaraelu, ma ua feoti ai tagata Isaraelu e toʻafitu sefulu afe.+ 15  Ua auina mai foʻi e le Atua moni le agelu i Ierusalema ina ia faaumatia ai;+ ae ina ua ia aumaia le faaumatiaga, ona silasila mai lea o Ieova ma ua tigā ai ona o le malaia;+ ona ia fetalai atu lea i le agelu na faaumatiaina le nuu: “Ua lava lea!+ Ia taofi lou lima.” Sa latalata ane foʻi le agelu a Ieova i le mea e soli ai saito a Oruna*+ le Iepusē.+ 16  Ua tepa aʻe Tavita, ona ia iloa ai lea o le agelu a Ieova+ o loo tū i le va o le lalolagi ma le lagi, o loo seʻi lana pelu+ ma faaloaloa atu lona lima agaʻi i Ierusalema; ona faapaʻuʻū faō+ lea o Tavita ma toeaina, o loo oofu i ʻie talatala.+ 17  Ua fai atu Tavita i le Atua moni: “Pe e lē o aʻu ea na fai atu e faitau le aofaʻi o le nuu, ma pe e lē o aʻu ea ua agasala ma faia ai le mea leaga?+ Ae o le ā le mea ua faia e nei mamoe?+ Ieova e, loʻu Atua, faamolemole, ia oo mai lou aao i oʻu luga ma luga o le aiga o loʻu tamā; ae aua le faasalaina lou nuu.”+ 18  Ona fai atu lea o le agelu a Ieova iā Kato,+ e fai atu iā Tavita, ia alu aʻe Tavita e faatū se fata faitaulaga iā Ieova, i le mea e soli ai saito a Oruna le Iepusē.+ 19  Ua alu aʻe Tavita e pei o upu a Kato, e tusa ai ma le mea na ia fai mai ai i le suafa o Ieova.+ 20  O le taimi lea na fāliu ai Oruna+ ma iloa atu le agelu; ona lalafi ai lea o ia ma ona atalii e toʻafā. O le taimi lea o loo soli le saito e Oruna. 21  Ua alu atu Tavita ua oo atu iā Oruna. Ina ua vaai mai Oruna ma iloa ai Tavita,+ ona sau ai lea o ia mai i le mea e soli ai saito, ua ifo iā Tavita ma faapaʻū faō i le eleele. 22  Ona fai atu lea o Tavita iā Oruna: “Ia e aumai iā te aʻu le mea e soli ai saito, ina ia ou faia ai se fata faitaulaga iā Ieova. Ou te avatu iā te oe le tau atoa i tupe,+ ae ia e aumai iā te aʻu+ ina ia taofia ai le faamaʻi+ mai i le nuu.” 23  A ua fai mai Oruna iā Tavita: “Ia ave ma oe,+ ma ia faia e loʻu alii le tupu le mea e lelei e tusa ma lona manatu. Silasila foʻi, ou te avatua povi+ mo taulaga mū, o le laupapa+ e olo+ ai saito mo fafie, ma le saito mo le taulaga i meaʻai. Ou te avatua foʻi mea uma.”+ 24  Ae peitaʻi, ua fai atu le Tupu o Tavita iā Oruna: “E leai, ou te faatauina atoa mai lava i tupe,+ auā ou te lē avatua au mea iā Ieova e ofo atu ai taulaga mū e aunoa ma se tau.” 25  Ona avatu lea e Tavita iā Oruna o sekeli auro mo le fanua, ma o le mamafa foʻi e ono selau.+ 26  Ona faia lea e Tavita i inā o se fata faitaulaga+ iā Ieova, ma ofo atu ai taulaga mū ma taulaga faifaatasi, na ia valaau foʻi i le suafa o Ieova+ o lē na tali mai iā te ia i le afi+ mai i le lagi, i luga o le fata faitaulaga mū. 27  Ua fetalai mai foʻi le afioga a Ieova i le agelu,+ o lē na toe sulu lana pelu i lona faamoega. 28  O lea, ina ua iloa e Tavita ua tali mai Ieova iā te ia i le mea e soli ai saito a Oruna le Iepusē, ona ia fai taulaga ai pea lea i inā.+ 29  A o le faleʻie paia o Ieova lea na faia e Mose i le toafa, ma le fata faitaulaga o le taulaga mū, sa iai i lenā taimi i le mea maualuga i Kipeona.+ 30  E leʻi mafai ona alu atu Tavita i luma o le fata faitaulaga e fesili atu ai i le Atua, auā na matuā fefe+ o ia ona o le pelu a le agelu a Ieova.

Faamatalaga Pito i Lalo

Po o Aruna e pei ona taʻua i le 2Sa 24:16.