Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 20:1-8

20  Ina ua toe aulia mai le amataga o le tausaga+ i le taimi e faia ai osofaʻiga a tupu,+ ona taʻitaʻi atu lea e Ioapo le ʻautau+ ma faatamaʻia le laueleele o le fanauga a Amoni, ua alu atu foʻi ma siʻomia Rapa+ a o nofo Tavita i Ierusalema; a ua alu atu Ioapo ma fasia+ Rapa ma faatoʻilaloina ai.  Ua aveesea e Tavita le pale mai i le ulu o Malekama,+ o le mamafa o le taleni o auro,* o loo iai foʻi ma maa tāua; ma ua faaee i le ulu o Tavita. Ua ia ave foʻi le tele o le vete mai i le aai.+  Ua ia aumaia foʻi tagata sa iai i le aai, ma faafaigaluegaina+ i latou i ʻili maa, ma meafaigaluega maamaʻai e faia i le uʻamea, ma le faia o toʻi;+ o le mea foʻi lenā na faia e Tavita i aai uma o le fanauga a Amoni. Mulimuli ane, ona foʻi atu lea o Tavita ma le nuu uma i Ierusalema.  Ona toe tau ai lea o lenā taua i Kasera+ ma Filisitia.+ Ona fasia ai lea e Sepekai+ le Usa o Sipai mai i ē na fananau mai i le aiga o Rafaimi,+ ma faatoʻilaloina ai i latou.  Ua toe tau le taua ma Filisitia; ona fasia lea e Eleana+ le atalii o Iairo, o Laime le uso o Koliata+ le Kata, o le fuata o lona tao ua pei o le laau faalava a tagata e lalagaina ʻie.+  Ua toe tau foʻi le taua i Kata,+ sa iai le tagata tino ese+ e taʻiono tamatamaʻilima ma tamatamaʻivae, e lua sefulu fā+ le aofaʻi; na fanau mai o ia i le tagata Rafaimi.+  Ua faifai pea+ o ia iā Isaraelu. Mulimuli ane, ona fasiotia lea o ia e Ionatana le atalii o Simeia+ le uso o Tavita.  O i latou nei na fananau mai i le tagata Rafaimi+ i Kata;+ na fasiotia i le lima+ o Tavita ma lima o ana auauna.

Faamatalaga Pito i Lalo

E tusa ma le 34.2 kilokalama.