Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 18:1-17

18  Mulimuli ane, ona alu atu lea o Tavita e fasia Filisitia+ ma faatoʻilalo i latou, ua faoa foʻi Kata+ ma ona tamaʻi aai mai i lima o Filisitia.  Ua ia fasia Moapi, ma ua avea foʻi tagata Moapi+ ma auauna a Tavita e totogi atu a latou meaalofa+ iā te ia.  Ua fasia foʻi e Tavita o Atatesa+ le tupu o Sopa+ i Amato,+ a o alu atu o ia e faatū lana pule e oo atu i vaipanoa o le vaitafe o Eufirate.+  Ua puʻea foʻi e Tavita mai iā te ia o kariota e afe, o tagata tiʻetiʻe solofanua e toʻafitu afe, ma fitafita e savavali e toʻalua sefulu afe.+ Ona faapipili+ lea e Tavita o solofanua+ uma e tosoina kariota, a ua ia faatotoe na o le selau o a latou solofanua.  Ina ua ō mai tagata Suria sa i Tamaseko e fesoasoani iā Atatesa le tupu o Sopa,+ ona fasia lea e Tavita o tagata Suria e toʻalua sefulu lua afe.  Mulimuli ane, na tuu e Tavita leoleoga i Suria o Tamaseko,+ na avea ai tagata Suria ma auauna a Tavita e totogi atu a latou meaalofa+ iā te ia. Na faasaoina pea e Ieova Tavita i mea uma na ia fealuaʻi ai.+  Ua ave foʻi e Tavita o talita+ auro lapotopoto ia sa iai i auauna a Atatesa, ma aumai i Ierusalema.+  Ua ave foʻi e Tavita le anoanoaʻi o ʻapamemea mai i aai o Atatesa, o Tipeata+ ma Kuna. Na faia ai e Solomona le vai ʻapamemea,+ o poutū,+ ma ipu ʻapamemea.+  Ina ua faalogo Tou le tupu o Amato,+ ua fasia e Tavita le ʻautau uma a Atatesa+ le tupu o Sopa, 10  ona ia auina mai loa lea o lona atalii o Aturamo+ i le Tupu o Tavita e fesili mai po o ā mai o ia, ma faamālō mai iā te ia ona o lona tau faasaga iā Atatesa, ma ua ia fasiotia o ia (auā na aʻoaʻoina Atatesa e tau faasaga iā Tou), sa iai foʻi iā te ia o mea eseese uma, o auro, o siliva,+ ma ʻapamemea. 11  Na faapaiaina+ foʻi e le Tupu o Tavita o nei mea iā Ieova, faatasi ai ma siliva ma auro na ia aumaia mai i nuu uma,+ mai i Etoma, o Moapi,+ o le fanauga a Amoni,+ o Filisitia,+ ma Amaleka.+ 12  A o Apisai+ le tama a Seruia,+ na ia fasia tagata Etoma e toʻasefulu valu afe i le Vanu Masima.+ 13  Ona ia tuu lea o leoleoga i Etoma, ma ua avea foʻi tagata uma o Etoma ma auauna a Tavita.+ Sa faasaoina pea e Ieova Tavita i mea uma na ia alu i ai.+ 14  Na pule pea Tavita i Isaraelu+ uma, ma na ia faia pea le faamasinogatonu ma le amiotonu mo lona nuu uma.+ 15  Na pule Ioapo le tama a Seruia i le ʻautau,+ a o Iosefatu+ le atalii o Ailuta, o ia na faia faamaumauga. 16  Na avea Satoka+ le atalii o Akitopo ma Aimeleka+ le atalii o Aviata ma ositaulaga, ae na avea Savesa+ ma failautusi. 17  Na pule foʻi Penaia+ le atalii o Ioiata+ i tagata Kereti+ ma tagata Peleti;+ ma o atalii o Tavita na avea ma alii autū e vavalalata i le tupu.+

Faamatalaga Pito i Lalo