Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 14:1-17

14  Ua aauina mai e Hiramo+ le tupu o Turo+ o avefeʻau iā Tavita, na avatu foʻi laau o arasi,+ o ē e ati pā, ma le ʻaukamuta e fausia se fale mo ia.+  Ona iloa ai lea e Tavita ua matuā faatumauina+ e Ieova o ia e fai ma tupu iā Isaraelu, auā ua matuā faaeaina lona malo ona o lona nuu o Isaraelu.+  Ua toe fai isi avā+ a Tavita i Ierusalema, ua toe fanaua foʻi e Tavita nisi atalii ma afafine.+  O igoa nei o lana fanau na maua i Ierusalema: O Samua,+ o Sopapa,+ o Natano,+ o Solomona,+  o Ivara,+ o Elisua, o Elefaleta,+  o Nokaa, o Nefeku,+ o Iafia,  o Elisama,+ o Peliata, ma Elifaleta.+  Ua faalogo Filisitia ua faauuina Tavita e fai ma tupu iā Isaraelu+ uma. Ona ō aʻe ai lea o Filisitia uma e saʻili iā Tavita.+ Ina ua faalogo i ai Tavita, ona ia alu atu lea e tau ma i latou.  Ona ō atu lea o Filisitia ma osofaʻia le fanua laugatasi o Rafaimi.+ 10  Ua fesili atu Tavita i le Atua+ e faapea: “Po ou te alu aʻe ea e tau ma Filisitia, ma pe e te tuuina mai i latou i oʻu lima?” Ona fetalai mai lea o Ieova iā te ia: “Inā alu aʻe ia, auā ou te tuuina atu lava i latou i ou lima.” 11  Ua alu aʻe Tavita i Paala-faresa,+ ma ua fasia ai i latou i inā. Ona faapea ane lea o Tavita: “Ua osofaʻia e le Atua moni oʻu fili i loʻu lima, e pei o le oso mai o le vai.” O le mea lenā ua latou faaigoa ai lenā nofoaga+ o Paala-faresa. 12  Ua latou tuua o latou atua i inā.+ Ona fai atu lea o Tavita, ma ua susunu ai i latou i le afi.+ 13  Mulimuli ane, ua toe osofaʻi atu Filisitia i le fanua laugatasi.+ 14  Ona fesili+ atu lea o Tavita i le Atua, a ua fetalai mai le Atua moni iā te ia: “Aua e te alu aʻe e mulimuli atu iā i latou. Ae ia e faataamilo iā i latou, ma ia e alu atu iā i latou i luma mai o vao peka.+ 15  Ia faapenei ona fai, pe a e faalogo i le paʻō o le savavali i tumutumu o vao peka,+ ona e alu atu lea i le taua,+ auā e muamua atu le Atua moni i ou luma+ e fasia le ʻautau a Filisitia.” 16  Ona faia lea e Tavita e pei ona poloaʻi mai ai le Atua moni iā te ia,+ ua latou fasia le ʻautau a Filisitia e amata mai i Kipeona+ e oo atu i Kasera.+ 17  Ua logotala nuu uma i le taʻutaʻua o Tavita,+ ua tuu foʻi e Ieova i nuu uma ia matataʻu iā te ia.+

Faamatalaga Pito i Lalo