Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 13:1-14

13  Ua talanoa atu Tavita i alii sili o taʻitoʻaafe, ma taʻitoʻaselau, ma taʻitaʻi uma;+  ua fai atu Tavita i le faapotopotoga uma o Isaraelu: “Afai e lelei iā te outou ma ua finagalo foʻi i ai Ieova lo tatou Atua, seʻi o tatou aauina atu se feʻau i o tatou uso o loo totoe i nuu uma o Isaraelu,+ e aofia ai ositaulaga+ ma le ʻau sa Levī+ i o latou aai+ faatasi ai ma fanua e aai ai lafumanu, ina ia latou faapotopoto faatasi mai iā i tatou.  Ia tatou aumaia le atolaau+ a lo tatou Atua iā i tatou.” Auā latou te leʻi tausia le atolaau i aso o Saulo.+  Ona fai mai lea o le faapotopotoga uma ia faia faapea, auā ua tonu lea mea i manatu o le nuu uma.+  Ona faapotopoto+ lea e Tavita o Isaraelu uma, e amata mai i le vaitafe o Aikupito+ e oo atu i le mea e ui atu ai i Amato,+ ina ia aumai le atolaau+ a le Atua moni mai i Kiriata-iarima.+  Ua ō aʻe Tavita ma Isaraelu uma i Paalā+ i Kiriata-iarima, o le aai lea o Iuta, ina ia aveina aʻe mai i inā le atolaau a le Atua moni o Ieova, o lē e afio i luga o kerupi,+ lea o loo taʻua ai lona suafa.  Peitaʻi, ua latou tuuina le atolaau a le Atua moni i luga o le fata faataavalevale+ fou mai i le fale o Apinatapa, ma ua taʻitaʻiina le fata e Usa ma Aio.+  Ua fiafia+ foʻi Tavita ma Isaraelu uma i luma o le Atua moni, ma lo latou malosi atoa i pesega,+ ua tā kitara,+ o meafaifaaili e iai uaua,+ o topa,+ o sumepalo, ma pū.+  Ua latou oo i le mea e soli ai saito a Kitonu,+ ona aapa atu lea o le lima o Usa ma taofi le Atolaau,+ auā na toetoe lava mafuli le fata faataavalevale ona o povi. 10  Ona matuā toʻasā ai lea o Ieova iā Usa, ua ia fasia o ia ona ua aapa atu lona lima i le Atolaau,+ ma ua oti ai o ia i luma o le Atua.+ 11  Ua ita+ Tavita auā ua oo faafuaseʻi mai le toʻasā o Ieova iā Usa; ona faaigoa ai lea o lenā nofoaga, o Faresausa e oo mai i le asō. 12  Ua fefe Tavita i le Atua moni i lenā aso,+ ua faapea ane: “Pe e faapefea ona ou aumaia le atolaau a le Atua moni i le mea ou te nofo ai?”+ 13  E leʻi aumaia e Tavita le Atolaau iā te ia i le Aai a Tavita, ae na ia ave le Atolaau i le fale o Opete-etoma+ le Kata.+ 14  Na iai pea le atolaau a le Atua moni i le aiga o Opete-etoma i lona fale+ i masina e tolu; ua faaauau foʻi ona faamanuia+ e Ieova le aiga uma o Opete-etoma, ma mea uma ua iā te ia.

Faamatalaga Pito i Lalo