Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Nofoaiga a Tupu 12:1-40

12  O i latou nei na ō mai iā Tavita i Sekeleka+ a o leʻi mafai ona fealuaʻi o ia ona o Saulo+ le atalii o Kiso; o i latou ia sa faatasi ma tagata totoa+ o ē na fesoasoani i le taua,  sa iā i latou le ʻaufana, sa faaaogā ai le lima taumatau ma le lima tauagavale+ e sasau ai maa+ pe fana ai aū+ i le ʻaufana.+ O i latou ia o uso o Saulo le Peniamina.  Sa iai le taʻitaʻi o Aisera ma Ioasa, o atalii ia o Semaa le Kipea,+ o Ieseelu ma Pelete, o atalii ia o Asemau,+ o Peraka, o Ieu le Anatota,+  o Isemaia le Kipeona,+ o le tagata malosi i le toʻatolu sefulu ma e taʻitaʻia le toʻatolu sefulu;+ o Ieremia, o Iaaseelu, o Iokana, o Ieosapa le Ketere,+  o Elusai, o Ierimota, o Pealia, o Semaria, o Sefatia le Haripa,  o Elekana, o Isea, o Asareelu, o Ioesera, o Iasapama o tagata Koru+ ia,  o Ioeli, ma Sepatia, o atalii o Ieroama le Kitoru.  Na iai nisi o tagata Kato na vavaeese i le itu a Tavita i le nofoaga e faigatā ona sao i ai se tasi i le toafa,+ o tagata totoa ma malolosi, o tagata tau mo le taua, ua sauniuni+ a latou talipupuni ma tao, o o latou foliga ua pei o foliga o leona,+ e tele vavave+ foʻi i latou e pei o sevi i luga o mauga.  O Eseri o le taʻitaʻi, o lona lua o Opetaia, o lona tolu o Eliapo, 10  o lona fā o Mesemana, o lona lima o Ieremia, 11  o lona ono o Atai, o lona fitu o Elielu, 12  o lona valu o Iokana, o lona iva o Elesapata, 13  o lona sefulu o Ieremia, ma lona sefulu tasi o Makapanai. 14  O i latou nei e mai i le fanauga a Kato,+ o taʻitaʻi o le ʻautau. O lē e aupito i itiiti e mafai ona tau ma le toʻaselau, a o lē e aupito i sili e mafai ona tau ma le toʻaafe.+ 15  O i latou nei na sopoʻia Ioritana+ i le masina muamua ina ua lofia ona auvai,+ ma na latou tuliesea o ē uma sa i fanua laugatasi i le itu i sasaʻe ma le itu i sisifo. 16  Ua ō mai nisi o le fanauga a Peniamina ma Iuta i le nofoaga e faigatā ona sao+ i ai se tasi iā Tavita. 17  Ona alu atu lea o Tavita i o latou luma, ua tali atu iā i latou e faapea: “Afai ua outou ō mai ma le filemu+ e fesoasoani mai iā te aʻu, ou te lotogatasi ma outou.+ Ae afai ua outou ō mai e faalata aʻu i oʻu fili ae e leai se mea ou te sesē ai,+ ia silasila i ai le Atua+ o o tatou augātamā, ma ia faamasinoina e ia.”+ 18  Ona osofia lea o Amesai le taʻitaʻi o le toʻatolu sefulu e le agaga+ o le Atua, ua faapea atu: “Tavita e, o i matou o ou tagata, ma e matou te ʻau ma oe,+ le atalii e, o Iese.  Ia iā te oe le filemu, ma ia iai foʻi le filemu i lē o loo fesoasoani iā te oe.  Auā o loo fesoasoani lou Atua iā te oe.”+ Ona talia lea o i latou e Tavita ma tofia i latou e faatasi ma taʻitaʻi o vaegaʻau.+ 19  Na iai foʻi nisi o le ituaiga o Manase na sosola iā Tavita, ina ua ō mai o ia faatasi ma Filisitia+ e tau ma Saulo i le taua; ae e leʻi fesoasoani o ia iā i latou, auā ua aauina ese atu o ia e alii ua pule faatasi+ o Filisitia, ua faapea ane: “E lamatia o tatou ola auā o le a sola atu o ia i lona alii o Saulo.”+ 20  Ina ua alu o ia i Sekeleka,+ ona sosola mai lea iā te ia mai i le ituaiga o Manase, o Atana, o Ieosapa, o Ietiaelu, o Mikaele, o Ieosapa, o Eliu, ma Seletai, o taʻitaʻi+ o le taʻitoʻaafe a Manase. 21  Na fesoasoani i latou iā Tavita e tau ma le ʻau e faoa mea,+ auā o i latou uma o tagata totoa+ ma malolosi, o i latou foʻi o taʻitaʻi o le ʻautau; 22  auā o lea aso ma lea aso, na ō mai+ ai pea le nuu iā Tavita e fesoasoani iā te ia seʻia avea ma ʻautau tele,+ e pei o le ʻautau a le Atua.+ 23  O le aofaʻi nei o taʻitaʻi o i latou na faaauupegaina mo le taua, o ē na ō mai iā Tavita i Heperona+ ina ia liliu atu iā te ia le malo+ o Saulo, e tusa ai ma le faatonuga a Ieova.+ 24  O le fanauga a Iuta na aveina le talipupuni tele ma le tao, e toʻaono afe valu selau o ē ua faaauupegaina mo le taua. 25  E mai i le fanauga a Simeona o tagata totoa ma malolosi o le ʻautau, e toʻafitu afe ma le selau. 26  E mai i le fanauga a Levi, e toʻafā afe ono selau. 27  O Ioiata o le taʻitaʻi+ o le fanauga a Arona,+ sa faatasi ma ia le toʻatolu afe fitu selau. 28  O Satoka+ foʻi o le tauleʻaleʻa, o le tagata toa ma le malosi, ma o le aiga o ona augātamā, e toʻalua sefulu lua taʻitaʻi. 29  E mai i le fanauga a Peniamina,+ o uso o Saulo,+ e toʻatolu afe, ma e oo ane i lenā taimi o le toʻatele o i latou o loo leoleoina lelei le aiga o Saulo. 30  E mai i le fanauga a Efaraima e toʻalua sefulu afe valu selau tagata totoa+ ma malolosi, o tagata taʻutaʻua i le aiga o o latou augātamā. 31  E mai i le ʻafa o le ituaiga o Manase+ e toʻasefulu valu afe na filifilia i o latou igoa e ō mai e fai Tavita ma tupu. 32  E mai i le fanauga a Isakara+ o ē e iloa tonu le taimi+ e tatau ona gaoioi+ ai Isaraelu, e toʻalua selau o latou taʻitaʻi, ma e usiusitaʻi o latou uso uma iā i latou. 33  E mai i le ituaiga o Sepulona,+ o i latou na ō atu i le ʻautau, na faapotopoto faatasi e tau ma a latou auupega uma o le taua, e toʻalima sefulu afe na ō atu faatasi iā Tavita e aunoa ma lo latou faalotolotolua. 34  E mai i le ituaiga o Nafatali,+ e toʻaafe taʻitaʻi, ma na iā i latou foʻi le toʻatolu sefulu fitu afe e iai talipupuni tetele ma tao. 35  E mai i le ituaiga o Tanu o i latou na faapotopoto faatasi e tau, e toʻalua sefulu valu afe ono selau. 36  E mai i le ituaiga o Asera+ o i latou na faapotopoto faatasi e tau, e toʻafā sefulu afe. 37  E mai i le isi itu o Ioritana+ o tagata Reupena, o tagata Kato, ma le ʻafa o le ituaiga o Manase, e iai auupega uma o le ʻautau, e toʻaselau lua sefulu afe. 38  O i latou uma o tagata o le taua, ua latou lolofi mai i le itu taua; ua ō mai ma o latou lotoatoa+ i Heperona ina ia fai Tavita ma tupu o Isaraelu uma; ua lotogatasi foʻi ē uma na totoe o Isaraelu ina ia fai Tavita ma tupu.+ 39  Ua latou nonofo ai pea i inā ma Tavita i aso e tolu, ua aai ma inu+ auā na saunia e o latou uso na mea mo i latou. 40  O ē foʻi e latalata atu iā i latou, e oo atu i Isakara,+ o Sepulona,+ ma Nafatali,+ ua latou aumai meaʻai i luga o asini,+ o kamela, o miula, ma luga o povi, o mea e fai mai i falaoamata,+ o keke o mati mamago,+ o keke vine,+ o uaina,+ o suāuu,+ o povi,+ ma mamoe+ e tele lava, auā ua olioli+ Isaraelu.

Faamatalaga Pito i Lalo