Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Korinito 9:1-27

9  Po ou te lē o saʻoloto ea?+ Pe e lē o aʻu ea o se aposetolo?+ Po ou te leʻi vaai ea i lo tatou Alii+ o Iesu? Pe e lē o outou ea o fua o laʻu galuega i le Alii?  Afai e lē o aʻu o se aposetolo i isi, o le mea moni o aʻu o se aposetolo iā te outou, auā o outou o le faamaufaailoga+ o laʻu auaunaga faaaposetolo i le Alii.  O laʻu tali lenei i ē ua faamasinoina aʻu:+  Pe e lē pule ea i matou i a matou meaʻai+ ma meainu?  Pe e lē pule ea i matou pe e ave se tuafafine Kerisiano o se avā,+ e pei o isi o aposetolo ma uso+ o le Alii, ma Kefa?+  Pe e na o i maʻua ea ma Panapa+ e tatau ona faigaluega i galuega totogi?+  O ai se tasi e auauna o se fitafita ae e leai sona totogi? O ai se tasi e totō le togāvine ae e lē ʻai mai i ona fua?+ O ai foʻi na te leoleoina le lafu ae e lē ʻai i le suāsusu o le lafu?+  Po ua ou fai atu nei mea e tusa ma manatu o tagata?+ Pe e lē o fai mai ai foʻi le Tulafono+ e tusa ai ma nei mea?  Auā ua tusia i le tulafono a Mose: “Aua e te fusia le gutu o le povi poʻa a o solisolia le saito.”+ Po o manatu mai ea le Atua i povi poʻa? 10  Po ua fetalai mai ea e ia nei mea ona o i tatou? E moni ua tusia ona o i tatou,+ auā o le tagata e suatia e tatau ona suatia ma le faamoemoe, ma o le tagata e solisolia e tatau ona faia faapea ma le faamoemoe e maua mai ai se mea.+ 11  Afai matou te lūlū mea faaleagaga+ iā te outou, po o se mea tele ea lo matou seleseleina o meafaitino mai iā te outou?+ 12  Pe afai e faatino e nisi lenei pule iā te outou,+ pe e lē sili ai ea la matou pule?+ E ui i lea, matou te leʻi faaaogāina lenei pule, a ua matou onosaʻi i mea uma lava, ina neʻi matou faia se mea e faalavelavea ai le tala lelei+ iā Keriso. 13  Pe e tou te lē iloa ea o tagata e faia le auaunaga paia e aai+ i mea o le malumalu, ma o i latou e auauna e lē aunoa+ i le fata faitaulaga, e tofusia faatasi i latou i tufaaga ma le fata faitaulaga? 14  Ua faapea foʻi ona poloaʻiina+ e le Alii o ē o talaʻia le tala lelei, ina ia ola e tusa ai ma le tala lelei.+ 15  Ae ou te leʻi faaaogāina lava se tasi o nei mea.+ O le mea moni, ou te leʻi tusia nei mea ina ia faia ai faapea iā te aʻu, auā e sili ona ou oti i lo o lenā mea; ae ou te lē manaʻo e faalēaogāina e se tasi le mea ua ou mitamita+ ai! 16  Afai foʻi ua ou folafola atu le tala lelei,+ e lē o se mea ou te mitamita ai, auā o le mea lea e tatau+ ona ou faia. Oi talofa+ iā te aʻu pe a ou lē folafolaina atu le tala lelei! 17  Afai ou te faia ma le lotomalie,+ ou te maua le taui;+ ae afai ou te lē faia ma le lotomalie, ua tuuina mai pea iā te aʻu le tiute tauave+ ia faataunuuina. 18  O le ā la loʻu taui? Ia lē maua soʻu totogi+ a o oʻu folafolaina atu le tala lelei, ina neʻi oʻu faaaogā sesē laʻu pule e tusa ai ma le tala lelei. 19  Auā e ui ina ou saʻoloto mai i tagata uma, a ua ou faia aʻu ma pologa+ i tagata uma, ina ia ou maua+ ai le toʻatele o tagata. 20  Sa ou faapei o se Iutaia i tagata Iutaia+ ina ia ou maua ai tagata Iutaia; sa ou faapei o sē e nofo i le tulafono i ē e nonofo i le tulafono,+ e ui ou te lē o nofo i le tulafono,+ ina ia ou maua ai ē e nonofo i le tulafono. 21  Sa ou faapei o sē e lē nofo i le tulafono+ i ē e lē o nonofo i le tulafono,+ e lē ona ua ou lē nofo i le tulafono a le Atua, a ua ou nofo i le tulafono+ a Keriso,+ ina ia ou maua ai o ē e lē o nonofo i le tulafono. 22  Sa ou faapei o sē ua vaivai i ē ua vaivai, ina ia ou maua ai o ē ua vaivai.+ Ua avea aʻu ma mea uma i tagata o ituaiga uma,+ ina ia iʻu lava ina faaolaina nisi iā te aʻu. 23  A ua ou faia mea uma ona o le tala lelei, ina ia ou talaʻi atu i isi.+ 24  Pe e tou te lē iloa ea e tamomoʻe+ tagata uma o loo i le tuuga, ae e toʻatasi lava na te maua le faailoga?+ Ia faapena foʻi ona outou tamomoʻe+ ina ia maua le faailoga.+ 25  E lē gata i lea, o tagata uma foʻi e auai i se tauvaga, e tatau ona amio pulea*+ i latou i mea uma lava. O le mea moni, ua faia e i latou lenei mea ina ia maua ai le pale e pala,+ ae e maua e i tatou le pale e lē pala.+ 26  O aʻu neʻi foʻi, e lē o faalētonu laʻu tamoʻe;+ e faapea foʻi ona ou tuʻi, ou te lē tuʻi i le ʻea;+ 27  ou te tatuʻi loʻu tino+ e fai ma pologa ina neʻi taʻuleagaina+ aʻu, ae sa ou talaʻi atu i isi tagata.

Faamatalaga Pito i Lalo

I le gagana Eleni, e faasino atu i le puleaina o amioga, o upu ma mafaufauga.