Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Korinito 8:1-13

8  O lenei, e faatatau i ma meaʻai ua ofoina atu i tupua:+ ua tatou iloa ua tofu i tatou ma le poto.+ O le poto e faafefete ai, a o le alofa e atiaʻe ai.+  Afai ua manatu se tasi ua ia iloa se mea,+ e leʻi iloa e ia se mea e pei ona tatau ona ia iloaina.+  Ae afai e alofa se tasi i le Atua,+ e na te silafia lenā tagata.+  E tusa ai ma le aai+ i meaʻai ua ofoina atu mo tupua, ua tatou iloa o le tupua o se meanoa+ i le lalolagi, ma e na o le toʻatasi+ lava le Atua.  Auā e ui ina iai o ē ua taʻua o “atua”+ i le lagi+ ma le lalolagi,+ e pei ona iai “atua” e toʻatele ma “alii”+ e toʻatele,  ae e toʻatasi lava lo tatou Atua,+ o le Tamā+ lea, o lē na faia mea uma lava, ma e tatou te ola mo ia;+ e toʻatasi foʻi le Alii,+ o Iesu Keriso lea,+ o ia ua ala mai ai mea uma lava,+ ma e tatou te ola ona o ia.  Ae peitaʻi, ua lē tofu poto tagata uma;+ ae e oo mai i aso nei o loo masani pea nisi i tupua, ma pe a latou aai ua latou manatu o mea nei ua faataulagaina mo tupua,+ ma ua faaleagaina+ ai o latou lotofuatiaifo ua vaivai.  Ae e lē taʻuleleia i tatou e le Atua ona o meaʻai;+ afai tatou te lē aai, tatou te lē sesē ai, ma afai foʻi tatou te aai e lē atili ai ona taʻuleleia i tatou.+  A ia faaeteete ina neʻi avea a outou aiā tatau ma mea e tausuai ai ē e vaivai.+ 10  Auā afai e vaai atu se tasi iā te oe, o lē ua iai le poto, o loo e taoto e ʻai i le malumalu o se tupua, pe e lē faamalosia ai ea le lotofuatiaifo o lē ua vaivai, ina ia ʻai foʻi o ia i meaʻai ua ofoina atu i tupua?+ 11  O le mea moni, o lou poto, e fano ai le tagata ua vaivai, o lou uso o lē na maliu ai Keriso.+ 12  Ae afai tou te agasala i o outou uso, ma tigā ai o latou lotofuatiaifo+ ua vaivai, ua outou agasala la iā Keriso. 13  O lea la, afai ua tausuai loʻu uso ona o meaʻai,+ ou te lē toe ʻai lava i aano o manu, ina neʻi tausuai loʻu uso ona o aʻu.+

Faamatalaga Pito i Lalo