Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Korinito 5:1-13

5  E moni ua logo mai le tala, ua faia e nisi o outou le faitaaga,*+ ina ua fai avā se tasi tagata i le avā a lona tamā,+ ma o le faitaaga faapea e lē o faia e nuu ese.  Po ua faafefeteina+ ea o outou loto, ma pe e lē tatau foʻi ona outou faanoanoa+ ma faateʻaese mai iā te outou le tagata na faia lenei agasala?+  E ui ina ou lē faatasi ma outou i le tino, ae ua tatou faatasi i le agaga, ua ou faamasinoina le tagata ua faia lenei mea,+ e pei lava ua ou faatasi ma outou,  ma pe a outou faapotopoto faatasi i le suafa o lo tatou Alii o Iesu, e iai foʻi ma loʻu agaga ma le mana o lo tatou Alii o Iesu,+  ia outou tuuina atu lea tagata iā Satani+ e faaumatia ai le tino,* ina ia faaolaina ai le agaga*+ i le aso o lo tatou Alii.+  E lē lelei le māfuaaga ua outou mitavale ai.+ Pe tou te lē iloa ea, o se fefete itiiti e faafefeteina+ ai le paluga atoa?+  Ia aveese le fefete tuai ina ia avea ai outou ma paluga fou,+ ona leai ai lea o se mea e faafefete iā te outou. Auā o Keriso+ o la tatou paseka+ lea na faataulagaina.+  O le mea lea ia tatou tausia ai le tausamiga,+ e lē i mea faafefete+ tuai po o mea faafefete+ o le amioleaga ma le agasala,+ ae o falaoa e lē faafefeteina o le lotolelei ma le faamaoni+ lea.  Na ou tusi atu iā te outou, ia aua le toe faifaimea faatasi ma tagata faitaaga, 10  e lē matuā faapea foʻi i ē e faitaaga+ o lenei lalolagi,+ po o ē e matapeʻapeʻa ma ē e gaoi, po o ē e ifo i tupua. Auā a faapea, e tatau ona outou ō ese mai i le lalolagi.+ 11  A o lenei ua ou tusi atu, aua neʻi outou toe faifaimea+ faatasi ma sē ua taʻua o se uso ae e faitaaga, pe e matapeʻapeʻa,+ pe e ifo i tupua, pe e fai upu masoā, pe e onā,+ pe e taufaavalea, aua foʻi neʻi aai faatasi ma se tagata faapena. 12  O le ā saʻu mea e fai e faamasinoina ai o ē e lē o i le faapotopotoga?+ Pe tou te lē faamasino atu ea iā i latou o i totonu o le faapotopotoga,+ 13  a o le Atua na te faamasinoina i latou e lē o i le faapotopotoga?+ “Ia faateʻaeseina lenā tagata leaga mai iā te outou.”+

Faamatalaga Pito i Lalo

Tagaʻi i le Faaopoopoga e 8.
Pe e “faaumatia taaʻiga leaga i le faapotopotoga.”
Pe e “faasaoina le tulaga faaleagaga o le faapotopotoga.”