Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Korinito 4:1-21

4  Ia faapea ona manatu tagata iā i matou o ni auauna+ a Keriso, o ni auauna pule+ o mea lilo paia+ a le Atua.  O lenei, o le mea e manaʻomia mai i auauna pule,+ o lo latou faamaoni.+  O se mea faatauvaa iā te aʻu lo outou faamasinoina o aʻu po o se faamasinoga+ foʻi e faia e tagata. O aʻu foʻi, ou te lē faamasino iā te aʻu lava.  Auā ou te lē iloa+ se mea ou te sesē ai. Ae e lē faamaonia ai i lenei mea laʻu amiotonu, a o Ieova e na te faamasinoina aʻu.+  O le mea lea, aua neʻi faamasinoina+ se mea a o leʻi oo i aso e tatau ai, seʻia sau le Alii+ o lē e na te aumaia i le malamalama mea lilo o le pogisa,+ ma na te faaalia foʻi filifiliga o loto,+ ona taʻitasi lea ma viiviia i latou e le Atua.+  Le ʻauuso e, ua ou faatatauina nei mea iā te aʻu ma Apolo+ e mo lo outou lelei, o le mea lea ia outou iloa ai mai iā i maʻua le tulafono: “Aua tou te faia mea e sili atu nai lo o mea ua tusia,”+ ina neʻi faafefeteina+ o outou loto i le manatu, ua sili le tasi i le isi.+  Auā o ai na faia oe ia ese+ mai i le isi? Auā o le ā se mea o iā te oe e leʻi foaʻiina atu?+ Ae afai na foaʻiina atu iā te oe,+ aiseā la e te mimitavale+ ai e peiseaʻī e leʻi foaʻiina atu?  Po ua faamalieina ea outou? Po ua tamaoaiga ea outou?+ Po ua avea ea outou ma tupu+ e aunoa ma i matou? E lelei pe afai ua fai outou ma tupu, ina ia mafai ona tatou pule faatasi o ni tupu.+  Auā e foliga mai iā te aʻu, ua tuu faamulimuli i matou le ʻauaposetolo e le Atua i le faaaliga+ o ni tagata ua tofia i le oti,+ auā ua avea i matou ma mataaga+ i le lalolagi, i agelu+ atoa ma tagata.+ 10  Ua vālea+ i matou ona o Keriso, a ua outou faautauta+ ona o Keriso; ua vaivai i matou,+ a ua malolosi outou;+ ua taʻuleleia outou,+ a ua lē taualoa i matou.+ 11  E oo mai i le taimi nei, o loo matou fia aai+ pea ma fia feinu,+ ma tau leai ni ofu,+ ma tatuʻiina,+ ma leai ni fale e nonofo ai,+ 12  ma o loo tautigā+ i matou e galulue i o matou lava lima.+ Pe a upuleagaina, e matou te faamanuia+ atu; pe a sauāina, e matou te tumau;+ 13  pe a taʻuleagaina, e matou te ʻaiʻoi atu;+ ua avea i matou ma otaota o le lalolagi, ma mea ua lafoaʻiina mai i mea uma, ua oo mai lava i aso nei.+ 14  Ua ou tusi atu nei mea, e lē ina ia faamā ai outou, a ia ou apoapoaʻi atu iā te outou o laʻu fanau+ pele. 15  Auā e ui ua iā te outou faiaʻoga*+ e sefulu afe ona o Keriso, e mautinoa e lē toʻatele ni o outou tamā;+ ona o Keriso Iesu ua avea ai aʻu ma o outou tamā e ala i le tala lelei.+ 16  O le mea lea ou te ʻaiʻoi atu ai iā te outou, ina ia outou faaaʻoaʻo mai iā te aʻu.+ 17  O le mea lea ua ou auina atu ai Timoteo iā te outou,+ auā o ia o loʻu atalii+ pele ma le faamaoni i le Alii; ma na te faamanatu atu iā te outou auala ou te faia ai mea e tusa ai ma Keriso Iesu,+ e pei foʻi ona ou aʻoaʻo atu i faapotopotoga taʻitasi i nofoaga uma. 18  Ua faafefeteina+ loto o nisi e pei ou te lē alu atu iā te outou. 19  A ua toeitiiti ona ou alu atu lea iā te outou pe afai e finagalo+ i ai Ieova, ona ou iloa ai lea e lē o upu a ē ua faafefeteina o latou loto, a o lo latou malosi. 20  Auā o le malo o le Atua, e lē faavaeina i upu a o le malosi.+ 21  O le ā le mea tou te mananaʻo ai? Pe ou te alu atu ea iā te outou ma le sasa,+ po o le alofa ma le agaga o le agamalu?+

Faamatalaga Pito i Lalo

Po o “se taʻitaʻitama, po o se tausitama i le aiga.”